Sunday, October 25, 2009

ပြဿဒါးမကင်းတဲ့ဝိညာဉ်

အဲဒီလူဟာ
အိပ်မက်ထဲမှာတောင် ခဏခဏသေတယ်

ရှင်သန်နေစဉ်မှာလည်း
တိုးတိုးဖော် တစ်ယောက်မှမရှိ

မှန်ထဲကြည့်လိုက်ပြန်ရင်လည်း
ဘာဆိုဘာမှမမြင်ရ
သူ့အတွက် မှန်တိုင်းက ပြဒါးပြယ်နေသတဲ့

သူလည်းလူပဲလေ
ညနေခင်းတွေမှာ ချစ်သူကိုတွဲပြီး
လမ်းလျှောက်ထွက်ချင်သတဲ့
ဒါပေမယ့် သေသာသွားတယ်
အဲဒီကိစ္စက သူ့အတွက်
ညတိုင်းမက်ရတဲ့ တစ်ထောင့်တစ်ည အိပ်မက်

သူဟာ နားရွက်တွေကိုနှစ်သက်တယ်
လူတွေနဲ့ အနီးဆုံးနေပြီး
လူတွေက သိပ်စိတ်မဝင်စားတဲ့အရာ
ဒါပေမယ့် သူ့ချစ်သူအတွက်တော့
သူက ဗင်ဂိုးရဲ့နားရွက်တစ်ဖက်
ကျွန်တော်အဲဒီလိုရေးမယ်လို့ ခင်ဗျားကြိုသိရင်သိနိုင်တယ်..

အဲဒီလူက လူကိုတော့စားချင်ရာစားခိုင်းပြီး
စိတ်ကိုတော့ ဝိတ်မခိုင်းတတ်တယ်…
အဲလိုလူစားမျိုး…
ဟိုလိုမျိုး..ဒီလိုမျိုး…

သူ့ကဗျာတွေကလည်း
ခပ်ညံ့ညံ့အချစ်ဝတ္ထုထဲက စကားလုံးထက်မပိုတဲ့သူ
အဲဒီလို စွဲချက်တင်ခံရတဲ့နေ့မှာတင်
အရှင်လတ်လတ် မြေမြှုပ်ခံလိုက်ရသတဲ့လေ…
ကျုပ်တို့ရဲ့ဇာတ်လိုက်ကျော်ကြီး
ကောင်းရာသုဂတိလားပါစေသား…

Sunday, October 11, 2009

ခရီးသည်

ဖွင့်ထားတဲ့ပြတင်းပေါက်က
ငါ့စိတ်တွေ ရွှက်လွှင့်ထွက်ခွာသွားရင်း
စန့်စန့်ကြီးလှဲလျောင်းနေတဲ့ ကောင်းကင်တောက်လျှောက်
ကဗျာတစ်ပုဒ် တီးတိုးရွတ်ဆိုရင်း
ကဗျာတစ်ပုဒ် နဲ့အတူ ရထားတစ်စီးတည်းစီးရင်း
ကဗျာတစ်ပုဒ် နဲ့အတူ ငှက်ပစ်ထွက်ရင်း
ကဗျာတစ်ပုဒ် နဲ့အတူ ဖိုမဆက်ဆံရင်း
ကဗျာတစ်ပုဒ် နဲ့အတူ ရေငုပ်ရင်း
ကဗျာတစ်ပုဒ် နဲ့အတူ နေပူဆာလှုံရင်း

မျက်စိဖွင့်ကြည့်မိတော့မှ
မွဲခြောက်ခြောက် နံရံတွေကြားမှာ..