Monday, December 31, 2007

ပုံပြင်များနှင့်ခရီးထွက်ခြင်း


လူတစ်ယောက် ခရီးထွက်လာခဲ့သည်။

သူ့လက်ထဲတွင် ဒိုင်အိုချီးနီးစ်၏ မီးအိမ်ကို ကိုင်ဆောင်မထား၊ ဗြဟ္မာကြီးဦးခေါင်းကိုလည်းရွက်မလာ၊ ဇီဝကလို ဆေးလွယ်အိတ်လည်းမလွယ်၊ ခေါင်းထဲတွင် ကွန်ဖြူးရှပ်၏အတွေးအခေါ်တွေလည်းမရှိ...ယုတ်စွအဆုံး ရေဘူးနှင့် ဖိနပ်လည်းမပါ...ဘာဆိုဘာမှ မပါ အဝတ်တစ်ထည် ကိုယ်တစ်ခုဖြင့် သုညတစ်လုံးကိုပိုက်၍သာ ခရီးထွက်လာခြင်းဖြစ်သည်။ သူတွင်ရည်မှန်းချက်လည်းမရှိ ခရီးထွက်ချင်လို့သာ ထွက်လာခဲ့ခြင်းဖြစ်သည်။

မောင်ပေါက်ကျိုင်း အဆိုအရ သွားပါများ ခရီးရောက်၊ မေးပါများ စကားရ၊ မအိပ်မနေအသက်ရှည် ဆိုသလို သူ ချောင်းကိုဖြတ် မြစ်ကိုကျော်၍ ခရီးဆက်လာခဲ့လေသည်။

တောအုပ်အစပ်ရောက်တွင်

လပေါ်က ဆန်ဖွပ်သည့် အဘိုးအိုကို သူမြင်တွေ့လိုက်ရသည်။ သူ့ဘေးက ယုန်ကလေးကလည်း နားရွက်ကလေးထောင်လို့ပေါ့။ ဒါနဲ့သူက အဘိုးကို မေးကြည့်သည်။

“အဘိုး မပင်ပန်းဘူးလား တစ်ချိန်လုံး ဆန်ဖွပ်နေရတာ...အခုခေတ်မှာ ဆန်ကိုစက်နဲ့ကြိတ်လို့ရနေပြီလေ..အပင်ပန်းမခံပါနဲ့လား အဘိုးရယ်”

“ဟေ...မင်းဘာသိလို့လဲကွ...ငါက အလုပ်လုပ်ချင်လွန်းလို့ ရှာကြံလုပ်နေရတာကွ...အလုပ်မလုပ်ပဲနေရင် ငါမနေတတ်တော့ဘူး...နောက်ပြီး ကလေးငယ်လေးတွေအတွက် အိပ်ယာဝင်ပုံပြင်တွေထဲမှာ ငါရှိနေချင်တယ်ကွာ...ငယ်ရွယ်နုနယ်တဲ့ ဖြူစင်တဲ့ ကလေးတွေ လသာညတိုင်း ငါ့ကို ထိုင်ပြီးငေးကြည့်နေကြတာ ငါဘဝဘာနဲ့မှမလဲနိုင်ဘူးဟေ”

ယုန်ကလေးကပါ မျက်စောင်းထိုးကြည့်လေသည်။ ဒီလူတယ်ရှုပ်ပါလားဆိုသည့်သဘော... အဲဒါနဲ့သူလည်း အဘိုးအိုနားက အသာလစ်ထွက်လာခဲ့လေသည်။

ဒီလိုနဲ့ တောအုပ်တစ်နေရာအရောက် တိရစ္ဆာန်များ အုတ်အော်သောင်းနင်းဖြစ်နေသည့်အသံများကြား၍ ဘာဖြစ်နေပါလိမ့်ဟု သူဝင်ကြည့်မိသည်။

ယုန်နဲ့လိပ် အပြေးပြိုင်နေခြင်းဖြစ်သည်။

လိပ်က သူ့ကျောခွံကြီးကိုလွယ်ကာ အိပဲ့အိပဲ့နှင့်ပြေးနေခြင်းဖြစ်သည်။ ကိုရွှေယုန်ကတော့ သစ်ပင်ရိပ်မှာ တခူးခူးနှင့် အိပ်ပျော်နေလေသည်။ သွားရည်တောင်ကျနေလိုက်သေး။ ဒါနှင့်သူ ယုန်အနားကိုကပ်၍ သွားနိုးလေသည်။

“ဟေ့...ဖိုးရွှေယုန်..ထ..ထ...ဟိုမှာ လိပ်ကပန်းတောင်ဝင်တော့မယ်ကွ”

အိပ်မှုန်စုံမွှားဖြင့် မျက်လုံးပွတ်ကြည့်သည်။ ထို့နောက် တစ်ဘက်စောင်း၍ ပြန်အိပ်သွားလေသည်။ သူလည်း စိတ်မရှည်ပဲ

ယုန်၏ ထောင်ကားနေသော နားရွက်နားကပ်၍

“ထဟ... ငပျင်းရဲ့ ဟိုမှာ နင့်ထက်အဆတစ်ရာ အပြေးနှေးတဲ့လိပ်က ပန်းဝင်တော့မဟဲ့” ဟု အားကုန်အော်လိုက်လေသည်။

ယုန်သည် အကြီးအကျယ်စိတ်ဆိုးသွားဟန်ဖြင့် သူ့ကို ဘုကြည့်ကြည့်ကာ...

“ဟေ့လူ...ကျုပ်က အနှိုင်တွေ အရှုံးတွေကို အတူတူပဲသတ်မှတ်ထားတယ်...လောကမှာ အိပ်ရေးဝဝအိပ်ပြီး လန်းလန်းဆန်းဆန်းနဲ့ မနက်ခင်းတွေကို နှုတ်ဆက်ရတာလောက် ဘာမှ တန်ဖိုးမထားဘူး။ ခင်ဗျားမအိပ်မနေအလုပ်တွေလုပ် ပိုက်ဆံတွေစု ပိုက်ဆံရှိတိုင်းလည်း ကျုပ်လို သစ်ရိပ်ဝါးရိပ်မှာ အေးအေးလူလူ အိပ်လို့မရဘူး။ နောက်ပြီး ပုံပြင်တွေထဲမှာ ကျုပ်လို အပြေးသမားက အပျင်းကြီးတယ်လို့ ခင်ဗျားတို့ လူတွေကတစ်ဘက်သတ်စွပ်စွဲထားတာ...တန်အောင်အိပ်မယ်ဗျာ...အိပ်ရေးပျက်တယ် သွား..သွား..” ယုန်ကစိတ်ဆိုးမာန်ဆိုးနဲ့ပြောတော့ သူလည်း အမြှီးလေးကုပ်ပြီး ခရီးဆက်ထွက်ခဲ့သည်။

ခရီးဆက်လာရင်း ဒေါင်းတွေဝိုင်းအုံခွပ်ခြင်းခံနေရသော ကျီးတစ်ကောင်ကိုသူတွေ့လေသည်။ သူလည်း တစ်ကောင်နှင့်အများဆိုတော့ ကျီးကိုသနားသည်နှင့် ဒေါင်းတွေအားလုံးကို ခြောက်လှန့်လွှတ်လိုက်သည်။ ဒေါင်းအမွှေးတွေကိုယ်မှာ ကျိုးတိုးကျဲတဲ မဲပြောင်ပြောင်ခန္ဓာကိုယ်အနှံ့ ဒေါင်းခွပ်ခံရသည့် ဒဏ်ရာများနှင့် အသက်မျော့မျော့သာကျန်တော့သော ကျီးကိုတွေ့ရလေသည်။

“ခင်ဗျားဗျာ....ကိုယ်နဲ့မတန်မရာဘာလို့ ဒေါင်းယောင်ဆောင်ရတာလည်းဗျ” သူက ကရုဏာသံနှင့်မေးသည်။

ကိုရွှေကျီးက “ဟာ...တိရစ္ဆာန်ခြင်းအတူတူ သူတို့က တမူးပိုရှုရတယ်လို့ဗျာ... ကျုပ်လည်း လှချင်တာပေါ့ဗျ...ကိုယ့်ကိုယ်ကို လှမလားဆိုပြီး ဒေါင်းသေတစ်ကောင်ဆီက အမွှေးတွေယူပြီး တပ်ကြည့်တာပေါ့..ကျုပ်လှတာကို သူတို့ကမနာလိုကြဘူးလေ..အဲဒါကြောင့်ဝိုင်းခွပ်ကြတာ... နင်လို အသာမည်းငမွဲက ငါ့တို့အရောင်အသွေးနဲ့တူသလား တန်သလားတဲ့... တိရစ္ဆာန်အချင်းချင်း အသားအရောင်အဆင့်အတန်းခွဲခြား အကောင်အတန်းအစား(လူတန်းစားမဟုတ်) ခွဲခြားတာ ကျုပ်မခံနိုင်ဘူး....အု...အု..အု”

ပြောရင်း ဒေါသနှင့်အတူ ကိုရွှေကျီးပါ အသက်ထွက်သွားလေသည်။ သူလည်းကိုရွှေကျီးအလောင်းကို သေသေချာချာမြှုပ်နှံပေးပြီးသည့်နောက် ပညာရှိဦးဇီးကွက်ထံသွား၍ တောကောင်အချင်းချင်း အဆင့်အတန်းခွဲခြားမှုပပျောက်ရေးအကြောင်း အဆိုတင်သွင်းခဲ့လေသည်။

သူရွှေကျီးအတွက် စိတ်ညစ်ညစ်နှင့် တောအုပ်ထဲက ရေကန်ကြီးနံဘေးမှာထိုင်နေလေသည်။ ထိုရေကန်ထဲ၌ ကြာမျိုးငါးပါးပွင့်နေသလို လိပ်ပြာကလေးများကလည်း ကြာပန်းများကြားလွင့်ဝဲနေလေသည်။ ကြာပန်းကြားမှတိုးဝှေ့ကာ ကန်ရေပေါ်မှဖြတ်တိုက်သည့်လေနုအေးလေးကို မျက်လုံးအသာလေးမှိတ်၍ အမောပြေရှုရှိုက်နေတုန်း အလွန်မွှေးပျံ့သောရနံ့တစ်ခုသူရလိုက်သည်။ သူ့မျက်စိဖွင့်ကြည့်လိုက်သည့်အခါ ပန်းပေါင်းစုံနှင့်ရက်လုပ်ထားသော အဝါရောင်ဝတ်ရုံဖြင့် နတ်သမီးတစ်ပါးအား သူရှေ့၌ူမြင်လိုက်ရလေသည်။ သူမ၏ အဖြူရောင်အတောင်ပံတစ်စုံကလည်း လှပလွန်းလှသဖြင့် မျက်စိများမှောက်မှားလေသလားဟု သူ့မျက်လုံးသူသေချာပွတ်ကြည့်မိသည်။ သူ့အမြင်အာရုံလည်းမမှားပေ။ သို့သော် သူ့တစ်သက်နှင့်တစ်ကိုယ် ထိုမျှချောမောလှပသော မိန်းကလေးအား တစ်ခါမျှမမြင်ဘူး။ အဝါရောင်ဝမ်းဆက်ဖြင့် မဟာဆန်စွာ ကျော့ရှင်းလှပလွန်းလှသည်။ သူမ၏ လက်ချောင်းလေးများမှာလည်း နှင်းဆီပန်းတို့နှင့်တူစွာ နှုးညံ့နီထွေးနေသည်။ ထို့အတူ လက်မောင်းများမှာလည်း ရွှေအိုရောင်တောက်ပနေလေသည်။ ထိုအဝါရောင်နတ်သမီးလေးက သူ့အားပြုံးပြုံးလေးစိုက်ကြည့်နေလေသည်။ သူကလည်းပြန်ပြုံးပြလိုက်လေသည်။

“ခင်ဗျား....နာ...နာမည်ဘယ်လိုခေါ်ပါသလဲ” သူ့စကားလုံးများ ထစ်အကုန်သည်။

သူမကသွားလေးပေါ်အောင်ပြုံးကာ “ကျွန်မနာမည်က Eos ပါ.. အရုဏ်ဦးရဲ့ နတ်ဘုရားမပေါ့...မနက်ခင်းဆိုရင် ကျွန်မအစ်ကို နေမင်းကြီး (Helios) ကို နှိုးပေးပြီး ကောင်းကင်ရဲ့တံခါးဝကို ကျွန်မရဲ့ ဟောဒီနှင်းဆီလက်နှစ်ဘက်နဲ့ ကိုယ်တိုင်ဖွင့်ပေးရတယ်လေ.. ”

ဗျာ...နတ်ဘုရားမ..? နှင်းဆီလက်နှစ်ဘက်? ကျွန်တော်အိပ်မက်မက်နေတာတော့ မဟုတ်ပါဘူးနော်?

“မဟုတ်ပါဘူး..”

ဆိုပြီး သူမက လက်ထဲက ပန်းတစ်ပွင့်နှင့်သူ့ဆီသို့ လှမ်းပေါက်လိုက်လေသည်။ ထိုပန်းကလေးသည် သူ့ ဘယ်ဘက်ရင်အုံတည့်တည့်သို့ထိမှန်သွားကာ သူ့ နှလုံးခုန်သံများရပ်တန့်သွားလေသည်။ ထိုသို့နှင့်သူနှင့် သူမ (အဝါရောင်နတ်သမီး) တို့ သူမအစ်ကိုနေမင်းကြီးမနိုးခင် မနက်ခင်းလေပြည်ရနံ့များရှိုက်ရင်း တောအုပ်အလင်းထောင့်ချိုးများရောက်သည် အထိ အတူတူလမ်းလျှောက်ကြသည်။ သူကတော့ နတ်သမီးလေးအလစ်၌ လေရှုးနှင့်အတူ သူ့မျက်နှာပေါ်သို့တစ်ချက်တစ်ချက်ရောက်လာသော သူမ၏ ဆံကေသာများကို ခိုးနမ်းနေမ်ိသည်။

သူမရဲ့ ပန်းပေါင်းစုံဝတ်ရုံရနံ့ကြားမှာ ယစ်မူးရင်း တစ်ခဏလေးအတွင်း ကဗျာဆန်တဲ့အလှမှာ စီးမျောပျော်ဝင်နေလေပြီ။ သူ ခရီးလည်းဆက်မထွက်ဖြစ်တော့ ထိုတောအုပ်အတွင်းမှာ နေထိုင်ရင်း မနက်ခင်းအာရုဏ်တက်ချိန်များ ကိုသာ သူစောင့်မျှော်နေလေ့ရှိသည်။ ဒီလိုနှင့် သူရယ် အဝါရောင်နတ်သမီးရယ် နံနက်ခင်းတိုင်း တောအုပ်ကြီးထဲ၌ လျှောက်သွားကြကာ နေထွက်ကာနီးအချိန်လောက်တွင် သူမက လမ်းခွဲသွားလေ့ရှိသည်။ သူမ၏စံနန်းတော်ဖြစ်သော သမုဒ္ဒရာ အစွန်းတစ်ဘက်ကိုလည်း နတ်မြင်းပျံခြောက်ကောင်ကသော ရထားလုံးဖြင့်ခေါ်သွားလေ့ရှိသည်။ ထို့အတူ ထိုရထားလုံးဖြင့်ပင် ကမ္ဘာကြီးအနှံ လျှောက်လည်ကြလေသည်။ တစ်နေ့တွင် သူတို့နှစ်ယောက်အကြောင်းကို ဇုနတ်မင်းကြီး သိသွားကာ နတ်သမီးလေးအား လူသားနှင့် ချစ်ကြိုးသွယ်မိသည့်အတွက် သူမအား အပြစ်ဒဏ်ခတ်လိုက်ကာ လူပြည့်သို့ မဆင်းရဟု အမိန့်ထုတ်လိုက်လေသည်။

ထိုနေ့မှစ၍ သူသည် မနက်ခင်းတိုင်း နတ်သမီးလေးကို စောင့်မျှော်ပါသော်လည်း နတ်သမီးလေးသူ့ထံမရောက်လာနိုင်တော့ပေ။

ရေကန်ကြီးနား၌လည်းကောင်း၊ သမုဒ္ဒရာအစပ်၌လည်းကောင်း၊ ပန်းပွင့်များကြား၌လည်းကောင်း၊ မနက်ခင်း အရုဏ်မတက်မှီ ကောင်းကင်ပေါ်သို့မော့်ကြည့်၍ လည်းကောင်း နတ်သမီးလေးရှိတတ်မည့် နေရာတိုင်း၌လိုက်ရှာသော်လည်း နတ်သမီးလေးကတော့ ပေါ်မလာတော့ပေ။

နေ့များကို နာရီများစား၍...ရက်များမှသက္ကရာဇ်များကို စားသည့်တိုင်အောင် အဝါရောင်နတ်သမီးအား သူစောင့်နေခဲ့သည်။ သို့သော် သူမ၏အရိပ်တောင်မှ သူမမြင်ရတော့ပေ။

တစ်နေ့ ကြည်လင်သည့်ကန်ရေပြင်ထဲတွင် သူ့ကိုယ်သူ ငုံ့ကြည့်မိသောအခါမှ သူ့တစ်ခေါင်းလုံးဖြူဖွေးကာ အဘိုးကြီးတစ်ယောက်ဖြစ်နေကြောင်း အံ့သြခြင်း စိတ်မကောင်းဖြစ်ခြင်းများစွာဖြင့်တွေ့လိုက်ရ့လေသည်။ အချိန်များမှာမြန်ဆန်လွန်းလှလေသည်။ သူ့၏ငယ်ဘဝကပုံပြင်များသည်လည်း အဘိုးအိုအရွယ်ရောက်နေသည့် သူ့ထံသို့ တစ်ကျော့ပြန်ရောက်မလာနိုင်တော့ကြောင်း သိရသည့်အခိုက်၌ အဘိုးအိုလည်း ကန်စပ်၌ အရုပ်ကြိုးပြတ်လဲကျသွားလေတော့သည်။

Sunday, December 23, 2007

ဒီလိုနဲ့ပဲ



တေးရေး - ငမင်း
တေးဆို - Tom & Jerry

ငါဟာမောနေ



တေးရေး - ဘချော

မှတ်ချက်။ ။လွန်ခဲ့သော နှစ်နှစ်ခန့်က

တာအို ဖြစ်စဉ်များ


အိပ်မက်အစ....

.........................................

..................................................


သူသည် လူသားမျိုးနွယ်တစ်စုမဟုတ်သည့် တောင်ကျရေခဲချောင်းများမှ မြစ်ဖျားခံ၍ စီးဆင်းလာခဲ့သည်။ နွားရိုင်းသွင်းချိန်ကဲ့သို့ သားရဲတိရစ္ဆာန်များအတိပြီးကာ အလင်းပြောက်မရှိသော လျှိုများထဲတွင် တစ်ကိုယ်တည်း စမ်းချောင်းငယ်တစ်ခုလို သတိကြီးကြီးဖြင့်တိတ်ဆိတ်စွာ စီးဆင်း၍ နေရောင်ခြည်များက သူ့မျက်နှာပြင်ပေါ်သို့ မိန်းမောယစ်မူးစွာ ခုန်ဆင်းပျော်မြူးလေ့ရှိသည့် လွင်ပြင်ကျယ်များတွင်တော့ သူသည် အပူအပင်မရှိသော ကလေးတစ်ယောက်လို လွတ်လွတ်လပ်လပ် စီးဆင်းလေ့ရှိသည်။ အကွေ့အကောက်များကို အေးအေးလူလူဖြတ်ကျော်၍ ချောက်ကမ္ဘားများအရောက်တွင်လည်း ရေတံခွန်အဖြစ် မကြောက်မရွံ့ခုန်ချလေ့ရှိသည်။ ထို့အပြင် သက်တံ့ရောင်စဉ်များဖြင့် သဘာဝကို အလှဆင်လိုက်သေးသည်။ အနိမ့်အမြင့်များကို ရေပြင်ညီအတိုင်းသဘောထားကာ ထာဝရစီးဆင်းနေဆဲပင်။ ရွာငယ်ဇနပုဒ်များမှ မိန်းမပျိုများသည်လည်း နေဝင်ရီတရောတွင် ပုံးဖာမှောက်ဆင်၍ သူ့ဆီကို ညနေတိုင်းလာရောက် နှုတ်ခွန်းဆက်သကြသည်။ သူမတို့ထံမှ သူသည်လည်း ရပ်ရေးရွာရေးမှ အစ အတင်းစကားများအဆုံး နားထောင်ရင်း ဘာတစ်ခွန်းမှပြန်မပြောပဲ ပြုံးပြုံးကြီးစီးဆင်းနေဆဲပင်။ သူ့ထံမှ သက်ရှိသတ္တဝါ လူသားတို့အတွက်အရေးပါသည့် အသက်ဓာတ်ကို လာရောက်ကူးယူကြသည်။ သူသည် မြစ်တစ်စင်းဖြစ်နေသည်။


သူသည် သစ်ပင်တစ်ပင်လည်းဖြစ်နေပြန်သည်။ လူတို့သည် သူ့အရိပ်တွင်နေ၍ သူ့အခက်ချိုးသည့်တိုင်အောင် တစ်စက်မှမငြီးငြူ သူ့ကိုယ်ခန္ဓာအမိုးဖြင့် လူသားတို့အားနေရောင်ဒဏ်မှကာကွယ်ပေးသည်။ နေပူပူမိုးရွာရွာ ဝတ္တရားမပျက်၊ မြို့ပြတွင်သာမက ယာတောများ၊ မြစ်ချောင်းနံဘေး၊ တောင်တန်းများ၊ တောအုပ်များစသည်ဖြင့် လက်ညိုးထိုးမလွဲနေရာတိုင်းတွင် သူ့အရိပ်များရှိသည်။ ရှင်သန်စဉ်အတောအတွင်းလည်း လူတို့ရှုသွင်းရန် အောက်ဆီဂျင်ကို ထုတ်လွှတ်၍ လူသားတို့အန္တရာယ် ကာဗွန်ဓာတ်ငွေ့များကို စုပ်ယူသည်။ သေဆုံးသည့်အခါတွင်လည်း သူ့ကိုယ်ခန္ဓာအားမီးတိုက်စေခြင်းဖြင့် လူသားတို့အတွက် အပူဓာတ်၊ အလင်းဓာတ်၊ အနွေးဓာတ်ကို ရရှိစေသည်။ သူသည် သဘာဝတရား၏ ဖြစ်စဉ်များထဲတွင် တည်ငြိမ်ရင့်ကျက်လွန်းစွာဖြင့် အခြေခံကျလွန်းသော သက်ရှိသစ်ပင်လည်းဖြစ်ခဲ့သည်။


သူသည် မျက်စိတစ်ဆုံးစိမ်းလန်းကျယ်ပြန့်သော မြက်ခင်းစိမ်းတစ်ခုလည်း ဖြစ်ခဲ့ပြန်သည်။ စိမ်းစိုသော မြက်နုနုကြောင့် တိရစ္ဆာန်တို့အသက်ရှင်ရသလို နို့၊ အသား ပရိုတင်းဓာတ်များကြောင့်လည်း လူသားတို့ သွယ်ဝိုက်သောနည်းဖြင့် အသက်ဆက်ရသည်။ အစိမ်းရောင်ဆံပင်ဖြင့် လုံမငယ်တစ်ယောက် ခေါင်းလျှော်ပြီးကာစ ဆံပင်ဖြန့်၍ အခြောက်ခံနေသကဲ့သို့ မြကဗ္ဗလာအရောင်အဆင်းဖြင့် ကြည့်လေရာ လွင်ပြင်များ တောင်ကမ္ဘားယံများတွင် မြင်သူတိုင်းအား မျက်စိပသာဒဖြစ်စေလေသည်။ မြက်ခင်း၏အဓိပ္ပယ်၌ ကျယ်ဝန်းလွတ်လပ်ခြင်း အမြဲစိမ်းလန်းခြင်း သဘောတရားများကိန်းအောင်းလျက်ရှိသည်။ သူသည် မြက်ခင်းစိမ်းတစ်ခုလည်းဖြစ်နေခဲ့သည်။



အိပ်မက်အဆုံး.....................

................................

.......................

သူသည် အိပ်မက်ကလန့်နှိုးခံရသည့် အခိုက်၌ မနုဿလူသားတစ်ယောက်ဖြစ်နေလေသည်။ သို့သော်လည်း တသွင်သွင်စီးဆင်းနေသည့်မြစ်တစ်စင်းဘေးရှိ သစ်ပင်ကြီးတစ်ပင်၏အရိပ်အောက် ကျယ်ပြန့်စိမ်းစိုသောမြက်ခင်းစိမ်းပေါ်တွင် အေးအေးလူလူထိုင်ကာ တာအိုဖြစ်စဉ်အကြောင်းဖတ်နေသည့် ကလေးငယ်တစ်ယောက်ကိုတော့ အိပ်မက်ထဲ၌ သူ့လန့်မနိုးမီ တွေ့လိုက်ရလေသည်။


Friday, December 21, 2007

ခြေသုတ်ခုံ အချစ်

သူငယ်ချင်းတစ်ယောက်ကပြောပြတယ်...

ဗျာ...အချစ်? ရေခဲခြစ်၊ ချစ်ချစ် ယိုစုံ၊ ဦးချစ်၊ မီးခြစ်၊ ချစ်စမ်းမောင်၊ ခြစ်သည် ညှစ်သည်...အစရှိသဖြင့်ပေါ့...ဒီအချစ်တွေပဲ ကျွန်တော်သိတယ်ဗျာ...

မချစ်ရင်မနေနိုင်တာကလွဲလို့ ...ဘာအလုပ်မှ မလုပ်ရင်တော့ ခင်ဗျား ထမင်းမစားရဘူးပေါ့ဗျာ... မိဘတွေက ချမ်းသာရင်တော့ အားအားယားယား အားရပါးရ ချစ်နိုင်ပါတယ်။ (အပေါစား အချစ်ဝတ္တုတွေလည်း ဝယ်ဖတ်ပေါ့ဗျာ..တစ်အုပ်မှ တစ်ထောင့်ငါးရာတည်းရယ်)

သူက...ဆက်ပြောသေးတယ်...

ခင်ဗျားတို့ သီချင်းရေးဆရာတွေ၊ တွေ့..ကြိုက်...ငြား...အချစ်ဝတ္တုရေးတဲ့ စာရေးဆရာတွေရေးသလို တက္ကသိုလ်ကျောင်းသား မိဘကကားတစ်စီးဝယ်ပေးထား အတန်းမတက် လပ်ယား လပ်ယား(စာလုံးပေါင်းမှန် မမှန်မသိ) အကြော်ဆိုင်ထိုင်၊ ကန်ဘောင်သွား၊ သူငယ်ချင်းမတွေနဲ့ တဟီးဟီးတဟားဟား အဲဒီထဲကမှ အချောဆုံးကောင်မလေးနဲ့ကြိုက်၊ ဝတ္တုဆန်တဲ့ ဒိုင်ယာလောခ့်တွေ ရွတ်ပြ၊ မိဘချင်းကလည်းငယ်သူငယ်ချင်းမို့ သဘောတူ၊ သူငယ်ချင်းဇာတ်ပို့တွေကလည်း အတင်းလှော်၊ ဇာတ်ဝင်သီချင်းလေးဆို ပန်းခြံထဲလျှောက်သွား... ဒါမျိုးတွေက မြန်မာ ဗီဒီယိုလားလို့ မေးရမလောက်အောင် ခင်ဗျားတို့ပဲချစ်ကြဗျာ။ (အဲလို ဘဝမျိုးကျွန်တော်မရခဲ့လို့ အဆိုးမြင်တယ်လို့ပြောရင်လည်းပြောဗျာ)

ခင်ဗျားတို့ကဗျာဆရာတွေဆိုပိုဆိုး...ဒီဘာမဟုတ်တဲ့ စိတ်ခံစားချက်လေးကိုပဲ တခမ်းတနား စာတွေစီ၊ စကားလုံးတွေနဲ့ မွမ်းမံ၊ အတွေးအခေါ်တွေနဲ့ တန်ဆာဆင် ခင်ဗျားမှာ တစ်ခြားလုပ်စရာမရှိတော့ဘူးလားဗျာ... ဥပမာ..ယားလို့ကုတ်သလိုမျိုးပဲ ဆိုပါတော့...မိန်းမဆိုတာက အချိန်တန်ရင် ခင်ဗျားမလိုချင်လည်း သူ့အလိုလိုကို ရလာမယ့် ပြဿဒါးနံတစ်နံလို့ပဲ ကျွန်တော်မြင်တယ်။

တစ်ကယ်ချစ်တယ်ပြောလည်း ခင်ဗျားလိမ်နေတာဗျာ...ခင်ဗျားကိုယ်ခန္ဓာ အတ္တဘောကြီးလောက် တစ်ခြားအပုပ်ကောင်ရုပ်ဆောင်တွေကို ခင်ဗျားမချစ်ဘူးဗျ...မယုံရင်လောင်းမလား? ချစ်လှပါချည်ရဲ့ဆိုတဲ့ ခင်ဗျားကောင်မလေးကို များများမဟုတ်ပါဘူးဗျာ...ရေသုံးရက်လောက်မချိုးဘဲနဲ့ သွားတွေ့ကြည့်ပါလား? ဒါမှမဟုတ် သူက ရေသုံးရက်လောက်မချိုးထားတဲ့အချိန် ခင်ဗျားက သွားတွေ့ကြည့်ပါလားဗျာ... လက်ဖျားနဲ့တောင်တို့ချင်မှာ မဟုတ်ဘူး...

တကယ်က အာရုံငါးပါးကိုပဲချစ်နေကြတာဗျာ (ဆရာတော်ကြီးလေသံဖြင့်)

တစ်ကယ်ချစ်ပါတယ်ဆိုတဲ့ခင်ဗျား ဘဝမှာဗျာ...ဥပမာ။ ။ငွေတစ်ပြားမှမရှိဘူး.ပါတိတ်ဖိုးလည်းမရှိဘူး ..ပေးစရာလည်းတစ်ပြားမှမရှိဘူး...အဲဒါမျိုးဆို ခင်ဗျား ယောက္ခမနဲ့တွေ့ဖို့သာပြင်ပေတော့... ဂျာလကီးဂျောင်းပဲ... ခင်ဗျားမိန်းမကို နွားမရွှံ့ပိတ်လုပ်ပြီးတော့ ဗိုက်ရွှဲ အဆီပြန်မျက်နှာပေးနဲ့ ပရာဒိုပေါ်ကဆင်းလာမယ့် သားသတ်ရုံပိုင်ရှင်တစ်ယောက်ယောက်ဆီမှာ သမီးပြန်တိုးပေးစားလိမ့်မယ်။ အဲဒီအချိန်ကြရင် ခင်ဗျားဘာလုပ်မလဲ? ချစ်လှပါချည်ရဲ့ဆိုတဲ့ ခင်ဗျားမိန်းမလည်း ရွှေတွေစိန်တွေ တွေ့ရင် ခင်ဗျားဆိုတာ ဘယ်နှစ်ရတီရှိလဲဆိုတာမေ့သွားလိမ့်မယ် ကိုယ့်လူ...မယုံမရှိနဲ့ဗျ... ဒါကို ငဝိုင်းသီအိုရီလို့ခေါ်တယ်...

အချစ်အကြောင်း သီချင်းလိုပေါ့ဗျာ..နေရာတကာမှာ ချစ်ချစ်နေကြတော့ခက်တယ်....တစ်ကယ်တမ်း ဘဝဆိုတဲ့ စာလုံးနှစ်လုံးနဲ့ယှဉ်လာရင် အချစ်ဆိုတဲ့ စကားလုံးက ဆင်နဲ့ဆိတ်လိုဖြစ်ဖြစ်သွားတတ်တယ်ဗျ... ဥပမာဗျာ။ တစ်ကယ်တမ်းဘဝအတွက်ရုန်းကန်နေရသလို...ရည်မှန်းချက်ကြီးကြီးနဲ့

ကျောင်းစာတွေကျက်.... ထားလိုက်ပါတော့ဗျာ စကော်လာရှစ်လည်းရ နိုင်ငံခြားမှာလည်းကျောင်းသွားတက်မယ့်ကောင်မလေးတစ်ယောက်ယောက်ကို ခင်ဗျားကဘယ်လောက်ပဲကြွေပြကြွေပြ ခင်ဗျားဆိုတာ သူ့ဘဝထဲမှာ မရှိဘူးဗျာ...ခင်ဗျားက သူ့ဘဝ သူ့ပညာရေး အတွက် နားလည်မှုဘယ်လောက်ပဲပေးပေး ခင်ဗျားက တစ်ကယ်ချစ်တော့ သူ့အတွက် ဘာလုပ်ပေးရမလဲစဉ်းစား.... ကောင်မလေး ပျော်အောင်လို့ ရုပ်ရှင်တွေထဲကလို မနက်စောစော ပန်းကလေးတွေသွားပေး..ကဒ်ကလေးတွေပေး.....လက်ဆောင်လေးတွေပေး....ကဗျာလေးတွေစပ်ပေး...ဘယ်လောက်ချစ်ကြောင်း ဘယ်လောက်မြတ်နိုးကြောင်း သူဘယ်ဘဝရောက်ရောက် ဘယ်နိုင်ငံသွားသွား တစ်နေ့သူပြန်လာမယ့်အချိန်ကိုစောင့်နေမယ်ဆိုတဲ့အကြောင်း၊ ဘာညာပေါ့ဗျာ... သွားပြောကြည့် “ခေါင်းရှုပ်တယ်...ဒီအချိန်မှာဒါတွေမစဉ်းစားချင်ဘူးလို့” ခင်ဗျားကိုပြန်ပြောလိမ့်မယ်ဗျာ...နောက်ပြီး “သူ တစ်ခြားနိုင်ငံမှာကျောင်းတက်နေတဲ့အချိန် ခင်ဗျားက ဆတ်ဆလူးထရင်ဘယ်လိုလုပ်မလဲ...အဲလိုမျိုးတွေ မပူပန်ချင်ဘူးလို့ မြေကြီးလတ်ခတ်လွဲပြောလိမ့်မယ်ဗျာ.”.. ခင်ဗျားမှာပဲ သူနဲ့အတူတူ သူငယ်ချင်းမကျ ရည်းစာမကျ ပျော်နေရတဲ့အချိန်တွေကိုပြန်စဉ်းစားလိုက် သွက်ချာပါဒလိုက်သလို ဆန့်ငင်ဆန့်ငင်နဲ့ ဆတ်ဆလူးထတဲ့ ငါးပြေမ ရေထတဲ့အချိန် ကုန်းပေါ်ရောက်ပြီး ရေကျတော့ရေထဲပြန်မဆင်းနိုင်သလို ဟစိ ဟစိ ဆန့်တငင့်ငင့်နဲ့ ကျန်ခဲ့စေရမယ်ဗျာ... နောက်ပြီး ခင်ဗျားသူငယ်ချင်းတွေကလည်း အချစ်ရူး၊ စောက်ပေါ.... မိန်းမတစ်ယောက်အတွက်နဲ့ စိတ်လေ ပြီး ဘဝအတွက်အချိန်တွေကိုစတေးတော့ ဂရုဏာဒေါသောနဲ့ ဝိုင်းဆဲကြလိမ့်မယ်ဗျ... အဖြစ်မရှိတဲ့ စောက်တုံး၊ စောက်အ စသဖြင့်ပေါ့ဗျာ...

ကဲ..ကျွန်တော့်အချစ်ဋီကာလည်း တော်တော်ရှည်သွားပြီဗျာ...ခင်ဗျားကွန်ပြူတာကနေဖတ်နေတော့ မျက်စိညောင်းလှရောပေါ့....

ကျွန်တော့်အတွက်တော့ အချစ်ဆိုတာ ခြေသုတ်ခုံလို၊ အမဲအူပြုတ်တစ်ပွဲလို၊ ပါကင်ဖွင်ရင်တော့ မွှေးမွှေးပျံ့ပျံ့နဲ့ သုံးပြီးရင် မည်းတူးသွားတတ်တဲ့ တစ်ခါသုံးစနိုးတာဝါတစ်ခုလို၊ နောက်ပြီး ရောင်းမကုန်တဲ့ လက်ဘက်ရည်ဆိုင်စားပွဲပေါ်က ယင်နားနေတဲ့ လမုန့်တစ်ခုလို၊ ပြောရရင်တော့အများကြီးဗျာ...အဲလိုပါပဲ မယ်မယ်ရရမရှိလှပါဘူး...တစ်ကယ်တမ်းတော့ အချစ်ဆိုတာ “ဘာမှမရှိတဲ့ ဆုပ်ကိုင်လို့မရတဲ့ လိုက်ဖမ်းရင်မောတဲ့” လေလို၊ရေလို စိတ္တဇနာမ်တစ်ခုပါပဲ...ခင်ဗျားလိုက်ရင်ပြေးပေမယ့် ခင်ဗျားကမလိုက်ရင်တောင်မှ လမ်းလျှောက်ရင်းခလုတ်တိုက်တတ်တယ်ဗျာ... ခြေသည်းမလန်အောင်တော့သတိထားပေါ့ ကိုယ့်လူရာ...ဒါပါပဲ..

Saturday, December 8, 2007

အိပ်မက်အပိုဒ်ခွဲများ

သူသည် ကလေးဘဝက ပန်းချီဆရာတစ်ယောက်ဖြစ်ခဲ့သည်။ သူ့ဘဝသည် ကောက်ကြောင်းများ၊ ရောင်စုံခဲတံများ၊ စာရွက်အလွတ်များ၊ ကျောင်းက စာရေးစားပွဲခုံများ၊ အိမ်ကနံရံများ ပေါ်တွင် သူ့၏ လက်ရာများကိုမြင်တွေ့နိုင်၏။

သူသည် ငယ်စဉ်ကတည်းက ဂီတသမားတစ်ယောက်လည်းဖြစ်ခဲ့သည်။ ပွဲဈေးတန်းမှ အဘွားဝယ်ပေးသော ကလေးဂစ်တာလေးကိုကိုင်ကာ ရုပ်မြင်သံကြားမှလာသော သီချင်းများအတိုင်းရပ်ကွက်ကို သီဆိုဖျော်ဖြေခဲ့ဘူးသည်။

ရလာဒ်အဖြစ် အဘွားသည် သူ့မြေးအတွက် ဂစ်တာအသေးလေးတစ်လက် စပါယ်ရှယ် အော်ဒါမှာပေးခဲ့သည်။ ထိုဂစ်တာလေးရတုန်းက သူ့မှာ ပျော်မဆုံး မော်မဆုံးပေါ့။

သူသည် ကလေးဘဝက သိုင်းဆရာလည်းဖြစ်ခဲ့ဘူးသည်။ မှောင်ရီမိုးချုပ် ဘောလုံးကွင်းထဲတွင် ရွယ်တူများနှင့် သိုင်းရူး ရူးခဲ့ဘူးသည်။

ထို့နောက်တွင်တော့ ဘောလုံးပိုးဝင်ကာ ဘောလုံးသမားတစ်ယောက်ဖြစ်ခဲ့ပြန်သည်။ ကျောင်းတွင်ကန်သည်၊ ရပ်ကွက်ထဲတွင်ကန်သည်။ နေရာစုံတွင်လိုက်ကန်သည်။ နဖူးကွဲ၊ ဒူးပြဲ...ရန်ပွဲများ...

သူသည် ရေမှာပျော်သော ဒင်ကျီးငှက်တစ်ကောင်လည်းဖြစ်ခဲ့သည်။ တစ်ခြားနိုင်ငံများသို့သွားရောက်ယှဉ်ပြိုင်ခဲ့သည်။ မုဆိုးစိုင်သင်ရင်း အမဲလိုက်အက ပြိုင်ပွဲများ၏ အထာကိုလည်း သဘောပေါက်လာခဲ့သည်။

ရာသီတွေ နာရီတွေနှင့်အတူ သူ့ခံယူချက်များ စိတ်ထားများလည်း ပြောင်းလဲလာသည်။

အထက်တန်းကျောင်းသားဘဝတွင် သူသည် အင်ဂျင်နီယာတစ်ယောက်လည်း ဖြစ်ချင်ခဲ့သည်။ သို့သော် တစ်နှစ်တာသင်တန်းတက်ကာ သူသည် ပင်လယ်ပျော် စင်ရော်တစ်ကောင်ဖြစ်ခဲ့သည်။

တစ်ဖန်သူသည် မြေဓာတ်၏ ဆွဲငင်အားကြောင့် ကုန်းပေါ်တွင် ကုန်သွယ်ရေးပညာသင်ယူခဲ့ပြန်သည်။

ထို့နောက်တွင်တော့ မိမိ၏လွတ်လပ်ခွင့်ကို လက်မှတ်တစ်ခုနှင့် ၃ နှစ်တာလဲလှယ်ခဲ့ပြန်သည်။

ယခုအချိ်န်တွင် သူအဖြစ်ချင်ဆုံးသောဆန္ဒမှာ အပိုဒ် ၂ အိပ်မက်ဖြစ်နေလေသည်။ သို့သော် ဖြစ်ချင်ရာမဖြစ်သည့်လောကထဲတွင် မျှော်လင့်ချက်ဆိုသည်မှာလည်း ပင်ပင်ပန်းပန်းရှိလှသည်။ ထို့ကြောင့်အိပ်မက်များအား သူလွှတ်ချထားခဲ့သည်မှာ ဖုန်များပင် အလိမ်းလိမ်းတက်နေလေပြီ။ တစ်ခါတစ်လေတော့လည်း ဖုတ်ဖက်ခါကာ ထိုအိပ်မက်များကို သူတစ်ခုချင်းလိုက်ဝတ်ကြည့်နေမိသည်။ နောက်ထပ် အိပ်မက်အင်္ကျီ ဘယ်နှစ်စုံလောက်လဲဝတ်ရဦးမည်လည်း သူမသိသေး။

သေချာတာကတော့.....

ထိုသူ့၏ အိပ်မက်များမှာ ကျွန်တော့်၏ အိပ်မက်များပင်ဖြစ်လေသည်။

Saturday, November 24, 2007

မြစ်ကျိုးအင်း



မိခင်ဧရာဝတီက

သန္ဓေဖျက်ချလိုက်တဲ့အခါ

“ငါ” ဆိုတာ အပယ်ခံအဖြစ်

ပေါက်ဖွားရှင်သန်လာခဲ့ရတယ်...


သွေးထဲမှာ

ငါးဆိုတဲ့ သတ္တဝါတွေ ကူးခတ်

ငါ့ကလီစာ ရေမှော်ပင်တွေကို

ကိုက်ဖြတ်စားသုံးကြရင်းပေါ့...


မိတ်ဆွေ မိုးလာရင်

ငါ့အသားအရည်တွေ စိုပြည်လို့

ရေသောက်မြစ်များ စိမ်လန်းပျော်ရွှင်ကြတယ်..


နေရောင်ပြင်းပြန်ရင်

ငါ့ခန္ဓာကိုယ်ခြောက်ခမ်း

အသက်ငွေ့ငွေ့ကို မောမောပန်းပန်း

မနားတမ်း ရှိုက်သွင်းရတယ်...


ညရောက်ရင်တော့

ငွေလမင်းက ငါ့ပါးပြင်ကို

ဆွဲငင်ရှိုက်နမ်း အသစ်တဖန်

လန်းဆန်းရပြန်တယ်...


သို့....

အသင်လူသားများ

ငါ့အသွေးတွေကို

သောက်သုံးကြပါ...

သင်တို့ ချိုးငင်ကြပါ....

အားလုံးအတွက်

နောက်ဆုံးထွက်သက်အထိ

ထာဝစဉ် ပေးဆပ်ချင်တဲ့ငါဟာ

“----------” တစ်ခုသာဖြစ်တယ်...

Friday, November 16, 2007

မြို့သစ်ခေါ်သံ

မြို့လယ်ခေါင်မှာ ရှေးဟောင်းကားဘီးရာတွေနဲ့

ပတ်ကြားအက်နေသော လမ်းမများ

အညှိတက်နေသော မှောင်ပိန်းပိန်းမီးဂျစ်ပုံးနောက်က

ပုပ်အဲ့ဟောင်နံနေသော လမ်းကြားများ

ဒါ ၅၄သန်းရဲ့ စာမျက်နှာတစ်ခုဖြစ်တယ်။


ခိုနားရာမဲ့ ခိုတွေရယ်

ဘတ်စ်ကား မီးခိုးလုံး ညနေခင်းတွေရယ်

အမှိုက်ကောက် ဗိုက်ပူနံကားလေးများရယ်

ထမင်းရည်မဝသော မွေးကင်းစတွေရယ်

ဖယောင်းတိုင်ပျပျထဲက ကျောင်းသားငယ် စာအံသံတွေရယ်

ဒါတွေက မြို့တော်ရဲ့ ကြားနေကျ မြင်နေကျ

ရီနေဆန်မဟုတ်သော ဆင်ခြေဖုံးပြဇာတ်တစ်ပုဒ်လည်း ဖြစ်ရဲ့...


အလို....

ဘုန်းကြီးကျောင်းက “အုန်းမောင်း”ခေါက်သံလား

အလိုတော်ရိတွေရဲ့ “တောက်”ခေါက်သံလား

ညကဗျာလည်း သွေးသံရဲလို့

သက်ကြီးခေါင်းချချိန်မှာ ခြောက်ချားစွာနဲ့

ပုန်းအောင်းနေကြရသော ညများစွာလည်းရှိရဲ့...


အဲဒီမြို့တော်ပါပဲ

လူရည်ချွန်ကြီးတွေ

အင်ဂျင်နီယာကြီးတွေ

ထိပ်တန်းပါရဂူတွေ

အကျော်အမော်အနုပညာရှင်တွေ

ရဲဘော်သုံးကျိပ်လို သတ္တိပြောင်သူတွေ

ဗိုလ်အောင်ဆန်းလို နိုင်ငံ့ခေါင်းဆောင်တွေ

တသီတတန်း မီးရှုးဆောင်ကြဉ်းပေးခဲ့ဘူးတယ်။


တာဝန်တွေပုခုံးပြောင်း

ငါတို့ လူငယ်တွေ ထမ်းဆောင်ရမယ့်အချိန်ရောက်ခဲ့ပေါ့

ကိုယ့်လက်ကိုသွေးရင်း မြို့ဟောင်းကိုပစ်လို့ မြို့သစ်ရဲ့ ခေါ်သံ

ငါ့တို့ရာဇဝင်ကို ဈာန်သွင်း

ရင်ခွင်တံခါးတွေ ဟင်းလင်းဖွင့်ထားကြစို့လား...

Tuesday, November 13, 2007

နထ္တိအိတ်

ကျွန်တော့်အိတ်ထဲတွင် အောက်ပါပစ္စည်းများပါရှိသည်။ ၄င်းတို့မှာ-


၁။ အသစ်ကျပ်ချွတ်မနက်ခင်းများ (ခဏခဏ နေမြင့်မှထဖြစ်သော)

၂။ သန်းဝေတတ်သည့် ဘတ်စ်ကားဂိတ် (ခဏခဏ နောက်ကျမှရောက်သော)

၃။ စက်ရုပ်လူသားများ (အလုပ်သွား....အိမ်ပြန် ရစ်သမ်ထဲတွင် လကုန်ရက်နှင့် သောကြာနေ့ကိုစောင့်မျှော်နေသော)

၎။ မေ့လို့မရခြင်းများ (လေအေးစက်မတပ်ထားသော)

၅။ ဘယ်လက်တစ်ဘက် (နာရီဝတ်ဆင် မထားသော)

၆။ ကြောင်လေးတစ်ကောင် (ခဏခဏ ဆာတတ်သော)

၇။ ပြတ်ရွေ့အလုပ်များ (တစ်ခုပြီးတစ်ခု ရွှေ့ခဲ့သော)

၈။ ဟိုးမား၏ lliad ကဗျာတစ်ပုဒ် (တစ်ခါမှ မဖတ်ဖူးသေးသော)

၉။ ဂစ်တာတစ်လုံး (မှိုတက်နေသော)

၁၀။ မျှော်လင့်ချက်တစ်ချို့ (မြေမြှုပ်ခံလိုက်ရသော)

၁၁။ အဖြူရောင်မျက်နှာကျက်တစ်ခု (ကြယ်အတုများတလက်လက်ထနေသော)

၁၂။ စားလက်စ ပဲနီစေ့များ (ရေခဲသေတ္တာထဲတွင် စည်သွပ်ထားသော)

၁၃။ ဓားတစ်လက်(အာခီးလိစ်၏ ဒေါသရည်သုတ်ထားသော)

၁၄။ ဘူးခွံတစ်ခု (အထဲတွင် ဘာမှမထည့်ထားသော)

၁၅။ ပန်းသီးတစ်လုံး (အာဒမ်နှင့် ဧဝ မစားခင်ခိုးယူလာသော)

၁၆။ အုတ်နီခဲရောင် ညနေခင်းများ (မပေါ့တပေါ်မိန်းမများ လမ်းသလားသော)

၁ရ။ ကတ္တရာလမ်းများ (ဒေါချာစိုင်းကာ ပြန်လာလေ့ရှိသော)


အစရှိသဖြင့် တစ်ဆယ့်ခုနှစ်မျိုးမက ပါဝင်ပါသည်။

တစ်ယောက်တည်း

ပလက်ဖောင်းမင်းသား

Sunday, November 11, 2007

ထွက်ပေါက်ပန်းချီ

စုတ်ချက်တွေက

ဓားသွားအဖြစ်ပြောင်းသွား

အဖြူတလက်လက် ကင်းဗတ်စ်တစ်ချပ်ပေါ်မှာ

ဟောင်းလောင်းပေါက် အလင်းစက်တွေ

မွစာကြဲခဲ့ပြီ...


လမ်းမပေါ်မှာ

ရဲ့ရင့်ရင့်အနီရောင်တွေ

အေးစက်တဲ့သံတိုင်တွေနောက်

ကြောက်ခမန်းလိလိ

လဲလျောင်းခဲ့ကြရပြီ...


လက်ညှိုးတို့ရေ သင်တို့ မကွေးခင်

ဟောင်းလောင်းပေါက် အစာအိမ်တွေရယ်

ကျည်ကာ အင်္ကျီမဝတ်နိုင်သူတွေရယ်

နာကျည်းချက်တွေအတွက်

ဦးနှောက်ကို အလုပ်ပေးကြစမ်းပါ..


ဖန်ဆင်းရှင်သာရှိတယ်ဆိုရင်

သေနတ်တွေကို ရုပ်သိမ်းခိုင်းမိမယ်...

ဓား အချင်းချင်း...

လှံ အချင်းချင်း...

ယောက်ျားပီသခြင်းပဲ ကောင်းတယ်...


ရောင့်ရဲတတ်တဲ့လူမျိုးတို့ရေ..

သင်တို့သွေးတွေ ရဲရဲနီကြောင်းလည်း

ပန်းချီကား တစ်နေရာရာမှာ

ငြိမ်းချမ်းခြင်း ဆိုတဲ့အဓိပ္ပယ်

နားမလည်တဲ့လူတွေအတွက်

မှုန်းချယ်ပြသရဦးမယ်...

Friday, October 26, 2007

လိုအပ်ခြင်းနံပါတ် (၁)

လမ်းလျှောက်တတ်ဖို့အတွက် သင်သည် ခြေထောက်တစ်စုံလိုအပ်သည်။

ထိုခြေထောက်များ လှပနေရန်မှာလည်း လမ်းလျှောက်ရခြင်းလောက်အရေးမကြီးပါ။


အသက်ရှုဖို့အတွက် ကျွန်ုပ်တို့လူသားများ နှာခေါင်းတစ်ပေါက်တော့ အနည်းဆုံးလိုအပ်သည်။

နှာခေါင်းပြားခြင်း၊ ကောက်ခြင်းကလည်း ကျွန်တော့်အတွက် ရှုသွင်း၊ ရှုထုတ် လုပ်ဖို့လောက်အရေးမကြီးပါ။


မိန်းကလေးများလှချင်ကြသည် (သို့မဟုတ်) အလှအပမက်ကြသည်။

တိရစ္ဆာန်များမှ ထုတ်လုပ်သည့် အလှကုန်ပစ္စည်းများ ဆိုသည်မှာလည်း လူများကို အသုဘကမ္မဋ္ဌာန်းရှုဖို့ကောင်းအောင် သတိပေးသလိုပင်။

သို့သော်လည်း ကျွန်တော်အပါအဝင် ပုရိသတို့ ရုပ်အလှအပက ရုန်းမထွက်နိုင်ကြသေးပေ။

ရုပ်လှသော်လည်း စိတ်ဓာတ်မလှခြင်းသည် မဆလာမပါသော ကြက်သားဟင်းဆီပြန်တစ်ခွက်သာ ဖြစ်ပေလိမ့်မည်။


ကျွန်တော်တို့ အသက်ရှင်ဖို့အတွက် ထမင်းစားကြသည် ထို့အတွက်အလုပ်လုပ်ကြသည်။ အလုပ်လုပ်နိုင်ဖို့အတွက် ထမင်းစားကြသည်။ အကောင်းဆုံး သံသရာ ဥပမာတစ်ပုဒ်သည် ရစ်သမ်မိနေတုန်းပင်။ အချိန်တန်တော့ အသိမပေးပဲ ထွက်ခွာကြသည်။ ရုတ်တရက်ကြည့်ရင် ဘဝအတွက် အလုပ်လုပ်ခြင်းကအရေးကြီးသလို။ တကယ်တော့ သင်လုပ်ချင်သည့်အလုပ်ကို မသေခင်အထိ လုပ်ဖို့သည် အရေးကြီးဆုံးဟု ဆိုချင်သည်။ အတ္တကြီးသည် ဟု ကျွန်တော့်ကို ကင်ပွန်းတပ်ချင် တပ်ကြပါစေ။


ပန်းကလေးများ ပွင့်တော့မည်

ဖူးတံဝင့်လို့ချီ နေခြည်မှာရွှေ့ရည်လောင်း

ငါတို့စာသင်ကျောင်း

ဒီစာပိုဒ်ကို ရုတ်တရက်ကြည့်လိုက်ရင် ကျွန်တော်တို့ စာသင်ကျောင်း သည် ပန်းပေါင်းစုံပွင့်အာကာနီး ရွှေရောင်နေခြည်များကခုန်မြူးထူးနေသည့် ဥယျာဉ်အလယ်က တစ်ထပ်စာသင်ကျောင်းလေး တစ်ဆောင်ဟု မြင်ကြပေလိမ့်မည်။ (ဖတ်စာအုပ်ထဲက ပုံလေးအတိုင်း)

တစ်ကယ်တော့ ကျွန်တော့်အမြင် စာဆို ဆိုလိုချင်သည်မှာ ပန်းကလေးများ၊ ရွှေရောင်နေရောင်ခြည်များဆိုသည့် သဘာဝတရားဆိုသည့် တစ်ဘဝစာ စာသင်ကျောင်းဟု မြင်ရန်လိုအပ်သည်။ ကျောင်းဆိုသည်မှာ ဆရာ၏ သင်ရိုးညွှန်းတမ်းအတိုင်း လိုက်နာသင်ယူရ၍ သဘာဝတရားတွင် သင်ကိုယ်တိုင် လေ့လာချင်သည့်ဘာသာရပ်အား ပြဋ္ဌာန်းခွင့်ရှိသည်။ သဘာဝတရားသည် ကျွန်တော့်အတွက်တော့ ပင်လယ်တစ်ခုသာဖြစ်သည်။ ဟင်းလင်းပြင်သဘောတရားများပါသည်။ ထို့သို့လူပြိန်းတွေး တွေးမိဖို့တော့ လိုအပ်ပေလိမ့်မည်။

စာတစ်ပုဒ်ရေးဖို့အတွက် နာမည်ကျော်သူများ၏စာများကျွန်တော်ကူးမရေးတတ်ပါ။ စာကြီးပေကြီးများကြောင့် ကျွန်တော့်စာများလေးမှာစိုးလို့ဖြစ်သည်။ ဘဝကို ပေါ့ပေါ့ပါးပါးဖြတ်သန်းလိုသော ငနဲတစ်ကောင် ဒီလမ်းထဲတွင်နေထိုင်လေသည်။ သူ့အတွက်တော့ အိမ် မလိုအပ်ပါ။ လိုရာကို စိတ်လွတ်ကိုယ်လွတ်သွားနိုင်သော ခြေသလုံးတစ်စုံတော့ ယခုအချိန်တွင် လမ်ဘရိုဂီးနီးတစ်စီးထက် မဖြစ်မနေလိုအပ်နေလေသည်။

Thursday, October 18, 2007

ငါလိုချင်တာ

ဘယ်သူ ဘယ်ပါတီ ဘယ်စနစ်ပဲ ခေါင်းဆောင်ပစေ...


ငါလိုချင်တာ လူလူချင်းလေးစားမှု

ငါလိုချင်တာ ရင်ဝယ်သား အုပ်ချုပ်မှု

ငါလိုချင်တာ ငါတို့လူမျိုး ဂုဏ်မငယ်မှု

ငါလိုချင်တာ အကျိုးရှိတဲ့ ငြင်းခုန်မှု

ငါလိုချင်တာ လွတ်လပ်စွာကူးသန်းရောင်းဝယ်မှု

ငါလိုချင်တာ ပြည်သူတွေ ထမင်းဝမှု

ငါလိုချင်တာ နိုင်ငံတိုးတက်မှု


ငါလိုချင်တာ ခြစားမှုမဟုတ်

ငါလိုချင်တာ ပြည်သူ့မျက်ရည်မဟုတ်

ငါလိုချင်တာ အတ္တအမိန့်တွေမဟုတ်

ငါလိုချင်တာ ကိုယ်ကျိုးကြည့်သော ခေါင်းဆောင်မဟုတ်

ငါလိုချင်တာ ပါးစပ်ကအော်သော နိုင်ငံတိုးတက်မှုမဟုတ်

ငါလိုချင်တာ ဘာပြောပြော ခေါင်းညိတ်နေမှုမဟုတ်

ငါလိုချင်တာ...

ငါလိုချင်တာ...

Thursday, September 27, 2007

Today At Topayoh

Everybody!! Don't wait until SAT to meet and pray for our ppl in myanmar..

let's meet topayoh monastery today at 7.... pls spread the news...

Come out and stand for our weaponless ppl in burma...

SALUTE!!

for those who gave their lives for our country...

for poor people...

for our generations...

Hereby, I give my best salute for 9 persons who gave their lives....

'SALUTE'

Monday, September 24, 2007

ဗီးနပ်စ်လက်က လွတ်ကျသွားတဲ့ည

ကျွန်တော်ထိုင်နေသည်။ ကုလားထိုင်တစ်လုံးပေါ်တွင်လည်းဖြစ်နိုင်သလို အုတ်ခုံပေါ် ကြမ်းပြင်ပေါ်တွင်လည်းဖြစ်နိုင်သည်။ ဘာပဲပြောပြော ကျွန်တော်ထိုင်နေသည်။ အပိုင်းအစပြိုကွဲခြင်းသီအိုရီ၊ ဇော်ဇော်အောင်၊ ခင်မောင်ရင်၊ ပို့စ်မော်ဒန် အတွေးအခေါ်ဖြစ်တည်မှု၊ ခပ်ကျကျ လဘ္ဘက်ရည်တစ်ခွက်၊ စားပွဲပေါ်တွင် အိပ်ပျော်နေသော ကတ်သီးကတ်သတ် မင်းခိုက်စိုးစန်၊ ကမ်းခြေ၌ ၂၄ ပစ္စည်း(ဘုရားစာမဟုတ်) ပါဝင်သောဗီရိုတစ်လုံးထမ်း၍ လမ်းလျှောက်နေသော မြတ်သစ်၊ ပန်းချီနှင့် အနုပညာ၊ လွှဲနေသော ချိန်သီးများ၊ စီးကရက်ပြာခွက်၊ ဖုံမှုန့်တွေကပ်ညှိနေသော ခေါင်းထက်က မရေရာခြင်းက တမွှတ်မွှတ်လည်နေသည်။ စကားတွေပြောနေခြင်းလား၊ စိတ်ကပြောနေခြင်းလား စကားတွေက ကျွန်တော့်စိတ်ကိုပြောနေခြင်းလား? မသိစိတ်က စကားတွေကိုပြောနေခြင်းလား? အတွေးတွေက ဦးနှောက်ကို အလုပ်ပေးနေခြင်းလား? ဦးနှောက်က အတွေးတွေကို အလုပ်ပေးခြင်းလား?

ရီသံတစ်ချို့ ပျံ့လွင့်လာသည်။ ဟီလာတိုက်သည့် ရီခြင်းမျိုး၊ ကျွန်တော့်ကို ကြည့်၍ ရီနေခြင်းလား? သူတို့ဘာသာရီနေခြင်းလား? သေချာတာကတော့ လူတစ်စု၏ ပက်ပက်စက်စက် ရီသံကြားတိုင်း ကိုယ့်ကိုကိုယ်မလုံမလဲ ဖြစ်တတ်သည် မှာ လူ့သဘာဝ ဖြစ်မည်။ ဘေးခုံက အမည်မဖော်လိုသူ တရုတ်ကြီးနှစ်ယောက်ကလည်း ကျွန်တော်မသိသောဘာသာစကားများဖြင့် ကျွန်တော့်အကြောင်း ပြောနေသည်ကို ကျွန်တော်သိနေသည်။ သူတို့ဆက်ပြောနေကြသည်။ ကွန်ဖြူးရှပ်အကြောင်းလား၊ ကဏန်းလေးလုံးစလုံးလွဲသွားသော လေးလုံးထီအကြောင်းလား၊ မဟာရံတံတိုင်းအကြောင်းလား၊ ဆိုးလွန်းပေလွန်းသောသား သမီးတွေအကြောင်းလား? ဒါမှမဟုတ် ဘယ်လောက်လိမ္မာကြောင်း တစ်ယောက်နှင့် တစ်ယောက် ပြိုင်နေခြင်းလား? ကျွန်တော်နှင့်မဆိုင်၊ စပ်စုလိုသော စိတ်နှင့်သာ။

ရုတ်တရက် ဟင်းလင်းပြင်တစ်ခု အစာအိမ်ထဲရောက်လာသည်။ ဆာလာသည်ပေါ့ဗျာ။ ဆိုင်များကပိတ်နေပြီ။ လျှောက်ကြည့်ရင်းနှင့် ခေါက်ဆွဲရောင်းသည့် တရုတ်ကြီးနှင့်တွေ့သည်။ အဆီပြန်နေသောမျက်နှာတစ်ခု၊ မွှေးပျံ့သောရသတဏှာ ရနံ၊့ အငွေ့တစ်ထောင်းထောင်းထနေသော ဝမ်းမီး၊ ဗလာအိတ်ကပ်ကို စမ်းမိ၍ ပိုက်ဆံမထုတ်ရသေးကြောင်းသတိရသည်။ ငွေထုတ်စက်၊ ကိန်းကဏန်းများ ကျွန်တော့်ရှေ့က ဖန်သားပြင်ပေါ်မှာ ပြေးလွှားသွားကာ ငွေနှစ်ဆယ်ထွက်ကျလာသည်။ ထိုအချိန်၌ ဆာလောင်လွန်း၍ အော်ငိုသံတစ်ချို့ကြားရသည်။ မှောင်မည်းကာ စုတ်ပြတ်သတ်နေသော အိမ်လို့ပင် အမည်မတပ်နိုင်သော ခနော်နီခနော်နဲ့ တဲတစ်ချို့ပေါ်ရှိ ကြမ်းပြင်ပေါ်တွင် အစာရေဆာပြတ်ကာ မိန်းမောနေသူများ၊ ပေါင်မုန့်အပဲ့စများ၊ ဆန်ကွဲကြမ်းခဲများ၊ ထမင်းရည်ပုလင်းခွံများ၊ ထိုထဲကထွက်ကြသော ထမင်းရည်စက်များ ကြမ်းကျဲကျဲပေါ်မှာ ပြန့်ကျဲ ခွေးမျိုးကောင်းတစ်ကောင်က လျှာနှင့်လျှက်နေလေသည်။ တစ်ချိန်တည်းမှာပင် စားပွဲပေါ်မှာ စားသောက်ဖွယ်ရာအစုံအလင်နဲ့ လူတစ်စု က ဒင်နာ ပါတီပွဲပေးနေသည်။ စိန်တွေညွှတ်နေအောင် ဆင်ထားသော လူများ၏ လောဘကြောင့် စားနိုင်သလောက်အပြင် အပိုယူ၍ အစားအသောက်များစွာ အလဟဿဖြစ်ကာ လေလွင့်ကုန်သည်။ ခွေးချင်းပင် မတူညီတာကတော့ ထိုနားအမှိုက်ပုံက ဝဲစားက တစ်ဖြဲနှစ်ဖြဲစားပြနေသည်။ ကျွန်တော့်လက်ထဲ ဗန်ဂိုး၏ အာလူးတစ်လုံးရောက်လာသည်။

ကျွန်တော် မစား ထိုခွေးဝဲစားကို လှမ်းပေါက်လိုက်သည်။ သမရိုးကျ “ကိန် ကိန် ကိန်” ဟု မအော် “အောင်မလေးကြောက်ပါပြီဗျ” ဟုအော်၍ ထိုခွေး နန်းတော်အောက်သို့ဝင်ပြေးသည်။

ခေါက်ဆွဲတစ်ပန်းကန်ရှေ့ကျွန်တော်ရောက်လာသည်။ လောဘ၊ ရသာ၊ လောင်မြိုက်ခြင်း၊ တပ်မက်မှု၊ မွတ်သိပ်မှု တစ်ပန်းကန် ကုန်သွားသည်။ မရေရာခြင်းတွေစားလိုက်ရ၍ နေသာထိုင်သာရှိသွားသည်။ ဝမ်းတထွာအတွက် ရေတခွက်ဖြည့်လိုက်သလို။ ကော်ဖီသောက်နေတုန်း ဗီးနပ်စ်ရောက်လာသည်။ ထူးထူးခြားခြား ခုခေတ်မိန်းကလေးတွေ ဝတ်သလို ဟိုကြပ် ဒီကြပ်မပေါ့်တပေါ် အဝတ်အစားနှင့် အန္တရာယ်ကို လက်ယပ်ခေါ်နေသည့် သဘော။ ဒါနဲ့ သူမက အက်ဒီဆင်ထံကျွန်တော် အပ်ထားသော လက်အတုရပြီလားဟုလာမေးသည်။ ကျွန်တော်တပ်ပေးလိုက်သည်။ စေတနာနှင့်ပါ။ သူမ အိမ်သာတက်ရာတွင် အခက်တွေ့နေမှာစိုးလို့ ကျွန်တော်ကိုယ်တိုင် အော်ဒါမှာပေးထားသောလက်၊ သူမနှင့်ကွက်တိ။ သို့သော် သူမက မယူဟုဆိုကာ ကျွန်တော့်ကိုပြန်ပေးသည်။ လက်မရှိခြင်းသည်ပင် သူမ၏တန်ဖိုးဆိုလား? ကျွန်တော်လည်း မတတ်သာသည့်အဆုံး ဂျပန်များထံသို့ လှမ်း၍ အော်တိုမက်တစ် ကမုတ်တစ်လုံး သူမအတွက် ထပ်မှာရပြန်သည်။

ရှုး....

တိုး....

တိုး....

ကျွန်တော့် EOS ၄ ထပ်မြောက်တွင် အိပ်မောကျနေသည်။

Saturday, September 22, 2007

မြန်မာသီချင်းကြီးများ

မြန်မာသီချင်းကြီးများ နားထောင်လိုသူများအတွက်

http://morris.myanmar-sar.org/index.php?d=Myanmar+Oldies

http://mission.itu.ch/MISSIONS/Myanmar/music/index.htm

http://www.burmeseclassic.com/song_kala.htm

ကျွန်တော့်အတွက်တော့ သီချင်းကြီးများက ဟောင်းပေမယ့်ကောင်းနေဆဲပါဗျာ...ရှေးတုန်းကလူကြီးများ နားထောင်တဲ့သီချင်းကို ကျွန်တော်တို့ခံစားခြင်းဖြင့် ကျွန်တော့်တို့ အဖေ၊ အမေ၊ အဘိုး၊ အဘွားများရဲ့ လူငယ်ဘဝကို ချောင်းကြည့်နေရသလိုပါပဲ။

ဒီလင့်ခ်များကို နေးတစ်မြန်မာဖိုရမ်မှ ရရှိပါသည်။ တစ်ခြားမြန်မာသီချင်းကြီးများစွာလည်း နေးတစ်ဖိုရမ်တွင်ရှိပါသည်။ လင့်ခ်ပေးသူများ သီချင်းတင်ပေးသူများအား ကျေးဇူးအထူးတင်ပါကြောင်း....

Thursday, September 20, 2007

အင်တာဗျူး

ဒေါက်...ဒေါက်...ဒေါက်...(တံခါးခေါက်သံ)

လာပါ...ဝင်ခဲ့ပါ..(ခေါ်သံ)

ဗျူးသ တွေ့ရတာဝမ်းသာပါတယ်....(အောက်သိုးသိုးမျက်နှာထား (ဝါ) ပုပ်နေသောမျက်နှာထားဖြင့်)


ဖြေသူ သြော်...ဟုတ်ကဲ့. (ဇဝေဇဝါဖြင့်)


ဗျူးသူ ခင်ဗျားနာမည် “.........” နော်။


ဖြေသူ ဟုတ်ကဲ့ပါ...နာမည်အပြည့်အစုံကတော့“............” ပါ။


ဗျူးသူ ခင်ဗျား ဒီစားကျက်ကိုရောက်နေတာကြာပြီလား?


ဖြေသူ ဗျာ...စားကျက်? သြော်...သုံးနှစ်လောက်တော့ရှိရောပေါ့....(မှုန်ကုပ်ကုပ်ဖြင့်)


ဗျူးသ ခင်ဗျားဖြစ်ကြောင်းသက်သေအထောက်အထား?


ဖြေသူ မှတ်ပုံတင်ဒီမှာပါ.....(လူကိုယ်တိုင်က သူ့ရှေ့တွင်ငုတ်တုတ်)


ဗျူးသူ ။ အေးဗျာ... ဒါနဲ့ ခင်ဗျားလျှာ ခဏလောက်ထုတ်ပြပါလား? (အေးဆေးစွာဖြင့်)


ဖြေသူ ဗျာ...လျှာ ထုတ်ပြရမယ်? (အံ့သြဟန်ဖြင့်)


ဗျူးသူ ။ ခင်ဗျား ဖိနပ် ခွာလေးတစ်ချက်လောက် မြှောက်ပြပါလား?...


ဖြေသူ ခွာ? (စိတ်ညစ်ညူးဟန်ဖြင့်)


ဗျူးသူ ။ အေးလေဗျာ....ခွာနာ လျှာနာရှိမရှိပေါ့... စစ် နိုင်မှတော်ကာကြတာ....နောက်ပြီး သွားလေးစေ့ပြပါဦး?


အင်း မဆိုးပါဘူး...ခင်ဗျားက ဂျိုလေးတော့ နည်းနည်းထောင်ချင်တယ်..... ဒူးကတော့ ကုပ်ပါရဲ့ ဒါပေမယ့်

အမာရွတ်တွေ၊ ချုပ်ရာတွေနဲ့..... အင်း... ကျောကတော့ မဆိုးပါဘူး...ပြောင် ပါတယ်....


အရင်ကရော ခဏ ခဏ ဝှေ့ ဘူးလား? ခင်ဗျား သခင်ရဲ့ ထောက်ခံစာရော?


နောက်ပြီး ကွန်ပြူတာသုံးတတ်လား?


အရင်စားကျက်က ဘာရည်ရွယ်ချက်နဲ့ ထွက်ခဲ့တာလဲ? ခင်ဗျားမှာ အတွေ့အကြုံမရှိပဲကိုး....


နွားနောက်၊ နွားသိုး၊ နွား ဘာသာစကားရော ပြောတတ်လား? နွားရူးရောဂါ ကာကွယ်ဆေးရော ထိုးထားလား?

********************************************************************

ဖြေသူ (ခဏကြာတိတ်ဆိတ်ပြီးမှ) ထိုလူ၏ နွားသေးနံ့နံသော မျက်ခွက်ကြီး အားထိုး၍ ပြန်လာခဲ့သည်။

Sunday, September 16, 2007

ရည်းစားစာ

သူမကို ကျွန်တော်ဖွင့်ပြောလိုက်တယ်။ ဘယ်လောက်အထိ ချစ်မိနေပြီဆိုတဲ့အကြောင်း။ ဒီနေရမှာ “အချစ်” ဆိုတာဘာလဲလို့ မမေးပါနဲ့။ တစ်ချို့မေးခွန်းတွေက အဟောင်းဆိုင်ပို့သင့်နေပါပြီ။ ဥပမာ။ ။ သဘာဝတရားက ဘာလဲ? လူဆိုတာရော? သင်ဟာ ဘယ်လိုလူစားမျိုးလဲ? စသည်ဖြင့်ပေါ့။ ဒါနဲ့ သူမက အဖြေမပေးပါဘူး။ ကျွန်တော်လိုချင်တဲ့ အဖြေမပေးဘူးဆိုပါတော့။ ခါးခါးသီးသီး အဖြေလည်း မဟုတ်ပြန်ဘူး။ သူငယ်ချင်းလိုပဲနေကြရအောင်တဲ့။ ကျွန်တော်ဟာ ငါးမျှားချိတ်မှာမိနေတဲ့ ငါးတစ်ကောင်ပါ။ ချိတ်အစွန်းထွက်နေမှန်း သိရက်သားနဲ့ ကျွန်တော့်အသားကြောင့် သူလည်း ဗိုက်ဝပါစေဆိုပြီး ကျွန်တော်လည်း ဗိုက်ဝအောင် ငါးစာကို ဟပ်ခဲ့တယ်။ သူမက ဆွဲမတင်ပါဘူး။ ဒီအတိုင်းပဲထားမှာလားလို့မေးတော့ ပြန်လွှတ်ပေးမယ်တဲ့။ ပါးဟက်က အမာရွတ်ရယ် ပါးစောင်မှာ သံချိတ်စူးတဲ့ ဒဏ်တွေကြောင့် ကျွန်တော်အသက်ရှုမဝမှာကို နောက်ပြီး ငါးတောမတိုးနိုင်မှာတွေကိုတော့ သူမလစ်လျှူရှု့နိုင်ရက်တယ်။ နောက်ပြီး သူမသာဆို ဘယ်တော့မှငါးမမျှားဘူးတဲ့။ သူများအသက်သတ်တဲ့ အကုသိုလ်အလုပ်တွေ မလုပ်ဘူးဆိုပဲ။ ကျွန်တော်ဒီမှာ ဆန့်ငင်ဆန့်ငင် ဟစိ ဟစိ ဖြစ်နေတာကိုတော့ သူမ ဂရုမစိုက်ဘူး။ အဲလို ငပေမလေးကို ခပ်ဆတ်ဆတ်လောက်ရိုက်ရရင် ဘယ်လောက်ကောင်းမလဲ။ (တကယ်တမ်းတော့ ကျွန်တော်လည်း မရိုက်ရက်ပါဘူး)

နောက်ပြီး သူမကပြောသေးတယ်။ ရီလေးရှင်းရှစ်ပ် ဆိုတာ မကောင်းဘူးတဲ့။ တစ်ယောက်က ဂရုတစိုက်ရှိပြီး နောက်တယောက်က အသစ်ရှာတာတို့ ပေါ့ပျက်ပျက်လုပ်တာတို့ဆို ခံရတယ်တဲ့။ သူမအရင်က ခံစားခဲ့ရတာတွေပေါ့။ ဘာလို့သူမက ကျွန်တော်လည်း အဲဒီလိုလုပ်မယ်လို့ ထင်နေတာလဲ မသိဘူး။ လူတစ်ယောက်ကို တိုင်းတဲ့ပေတံနဲ့ နောက်တစ်ယောက်ကိုတိုင်းတာ ဘယ်တရားပါ့မလဲ။

ဟုတ်ပါတယ်။ ကျွန်တော် လူကောင်းတစ်ယောက်မဟုတ်တာ။ ဒါပေမယ့် လူဆိုးတစ်ယောက် လူယုတ်မာတစ်ယောက်လည်း မဟုတ်ဘူး။ မိန်းကလေးတွေရဲ့ အချစ်နဲ့ကစားရတာကိုလည်း ပျော်တယ်လို့ ဘယ်တုန်းကမှ မထင်ပါဘူး။ နောက်လည်း ထင်မှာ မဟုတ်ဘူး။ ခေါက်ရိုးကျိုးအောင် တရားသေပုံသွင်းထားတဲ့ စည်းကမ်းတွေကိုင်ပြီး တိုင်ပေါ်မတက်ပြချင်တဲ့ လူမလိမ္မာတစ်ကောင်ပါ။ (ဟောဒီ လူမိုက်ဆိုတဲ့ကောင်ရဲ့ ရင်ဘတ်ထဲမှာလည်း သူမကိုချစ်တဲ့ အဖြူထည်အချစ်ရှိတယ်ဆိုတာတော့ ရိုးလွန်းလို့မပြောပြချင်တော့ပါဘူး) အခုထိလည်း လူ့မလိုင်တွေ တွေ့တိုင်း နံပြားနဲ့တို့တို့စားချင်တဲ့ကောင်ပါ။

အဲဒီကောင်ရဲ့ မယဉ်ကျေးမှုတွေထဲမှာ လိုချင်တဲ့အရာတစ်ခုကို လိုချင်တဲ့အချိန်မှာမရဘဲ နောက်မှရရင် ပေါ့ပျက်ပျက်ဖြစ်ဖြစ်သွားတတ်လို့ ပြန်ယူဖို့မကြိုးစားချင်တတ်တဲ့ ခပ်ဆိုးဆိုးဥာဉ်တစ်ခုလည်းရှိတယ်။ (အဲတော့ ဘာလုပ်ရမှာလဲ လို့မတွေးပါနဲ့) အဲဒီဖြစ်စဉ်ထဲကို ဝင်ကြည့်ပါ။ ဘယ်လောက်ခံရခက်မလဲဆိုတာ။ ဒါပေမယ့် သူမနဲ့တွေ့မှ လူမိုက်ရဲ့ ဥာဉ်ဆိုးတွေလည်း ခေါင်းမဖော်ရဲအောင်ပါပဲ။ သူမ အသံပဲကြားချင်နေတယ်။ သူမအခုအချိန် ဘယ်ရောက်လို့ ဘာလုပ်နေတယ်ဆိုတာကိုပဲ သိချင်နေတယ်။ သူမရဲ့ မျက်နှာလေးကိုပဲ မြင်ချင်နေတယ်။ သူမဆိုတဲ့ စိတ္တဇနာမ်စားတစ်ခုရဲ့ ထိန်းချုပ်မှုတစ်ခုပေါ့။

သူငယ်ချင်းတဲ့.....။ သူမ ကိုမြင်သာမြင်ရ မချစ်ရ မကြင်ရတဲ့ဘဝ။ ဆံနွယ်လေးတွေ ကိုင်တွယ်ခွင့်မရှိတဲ့ဘဝ ရှင်လျက်ငရဲပြည်မှာ တိုက်ပိတ်ခံနေရသလိုပါပဲ။ တဆစ်ဆစ်နဲ့ ကျွမ်းလောင်နေတာပေါ့။ ဒါပေမယ့်လည်း လုံးဝမတွေ့ရတာထက်စာရင် ဘာအသံမှမကြားရတာထက်စာရင် ခံသာပါသေးတယ်။ ဒီခံစားမှုအပေါ်မှာလည်း ကိုယ့်ကိုယ်ကို ပြန်သနားနေခြင်းမဟုတ်ပါ။ ကိုယ်ခံစားရတာကို ကိုယ့်ဘာသာကိုယ် ပြန်သနားနေခြင်းလောက် ရှက်စရာကောင်းတာ မရှိ။

တစ်ချို့အတွက် ရယူပိုင်ဆိုင်ခြင်းတဲံ။ ကျွန်တော့်အတွက်ကတော့ သူမပျော်အောင်ဘာလုပ်ပေးရမလဲ ဆိုတာပဲ တွေးနေမိတယ်။ မနက်မိုးသောက်ချိန်မှာ နှင်းဆီပန်းလေးတစ်ပွင့်က သူမအတွက်အပြုံးတစ်ခု ယူဆောင်ပေးနိုင်မလား။ သူမကို ချစ်တယ်ဆိုတဲ့ သူမနာမည်နဲ့ ကီးချိန်းလေးက သူမကြည့်မိတိုင်း ကြည်နူးနိုင်ပါ့မလား။ သူမပျော်အောင် ဘယ်လိုပြက်လုံးတွေထုတ်ပြီး ဟာဒယရွှင်ဆေးတိုက်ကျွေးရမလဲ။ ကျွန်တော့်ခေါင်းထဲက ဥာဏ်နီ ဥာဏ်နက်တွေလည်း ငြိမ်ငြိမ်မနေရပါဘူး။ သူမပျော်အောင် ဘယ်လိုထားရမလဲပဲ တွေးနေမိတယ်။ သူမရယ်သံတစ်ချက်ဟာ ကျွန်တော့်အသက်တစ်ရက် ပိုရှည်စေလို့ပေါ့။

သေချာတာကတော့ သူမကိုယ်တိုင် ခုံဖိနပ်မှာ ခွေးချီးသုတ်ပြီး ကျွန်တော့်ပါးကို မရိုက်မခြင်း ဇွဲကောင်းကောင်းနဲ့ ဆက်စောင့်နေဦးမှာပါ။ နောက်ပြီး အရာတိုင်းပြောင်းလဲနေတဲ့ လောကကြီးထဲမှာ ဘယ်တော့မှမပြောင်းမလဲမယ့် အချစ်တွေနဲ့ လည်း ဆက်ချစ်နေဦးမှာပေါ့။ (မှတ်ချက်။ ။ သူမကိုပြန်မပြောကြပါနဲ့ ကျွန်တော့်ဘလောခ့်မှာ ရင်ဖွင်ရုံသာဖြစ်ပါသည်။)

ပုံ

ငါးမည်ရမောင်စက်

ကြောင်တောင်တောင်တက်သူများအသင်း

ဥက္ကဋ္ဌ (မိမိဘာသာပေးသောဘွဲ့)

Sunday, September 9, 2007

အီကွေတာ၏ ကြာပွတ်ရစ်သမ်

(၁)


စုန်းမ၏ဝတ်ရုံနက် လွှမ်းခြုံထားခြင်းခံရသော ညက ကြောက်စရာကောင်းလောက်အောင် ခြောက်ကပ်ကပ်အနံ့နှင့်

ကောင်းကင်က မှောင်ပိန်းလို့ ကြယ်သေတွေအိပ်တန်းတက်နေကြလေပြီ။

တိမ်နီတွေကတော့ အုပ်စုလိုက် အမြန်နှုန်းမြှင့်၍ လေနှင်ရာ တရွတ်တိုက် နေကြသည်။

ဟူးဟူးရားရား လေပြင်းတစ်ချက်ဝှေ့လိုက်တိုင်း ခန္ဓာကိုယ်ထဲက အက်တမ်တွေ စိမ့်ကွဲသွားမလောက် ချမ်းသည်။

ပင်လယ်ရေ၏ အထိအတွေ့က ဟိုးရေအောက်က ရေခဲတစ္ဆေတစ်ကောင် ပွတ်သပ်နေသည့်နှယ် ကျောရိုးထဲအထိလှိုက်ကာ တစ်ကိုယ်လုံးနွမ်းမောလာသည်။ သဘာဝတရားက ဖန်ဆင်းထားသည့် အဆီးအတားများသည် မွန်လေး၏ ကျောက်ဆောင်ကဲ့သို့ ခိုင်မာသော ဆုံးဖြတ်ချက်ကို ဘယ်နည်းနှင့်မှ ရိုက်ပုတ်နိုင်စွမ်းမရှိ။ ဖြည်းဖြည်းမှန်မှန်နှင့် သူ ကူးခတ်လျက်ရှိသည်။

အမှန်အတိုင်းဝန်ခံရလျှင် သူ၏ဘဝ၌ ထိုမျှအချိန်အခါလောက်အထိ နွမ်းနွမ်းလျလျနှင့် နာရီများစွာကြာအောင် မကူးခတ်စဘူး။ ရေကျွမ်းသည်မှန်သော်လည်း ပင်လယ်ဖြတ်ကူးသည့်အချိန်၌ တစ်ချက်တစ်ချက်တော့ ခြေသလုံးကြွက်သားများက တောင့်တင်းကာ ဟိုးရေအောက်တွင်ဖြစ်တည်သော သံလိုက်စက်ကွင်းဆွဲအားတစ်ခုက သူ့တစ်ကိုယ်လုံး ကို လက်ယပ်ခေါ်ကာ ဆွဲငင်စုပ်ယူနေသလိုခံစားရသည်။ ခြေကုန်လက်ပမ်းကျကာ ထိုဆွဲငင်အားနောက်သို့ ဖြစ်ချင်ရာဖြစ် လွှတ်ချလိုက်လိုသော အခါမျိုးတွင် ရန်ကုန် ဆင်ခြေဖုံးရပ်ကွက်ရှိ အ်ိမ်၌အပူအပင်ကင်းစွာ အိပ်စက်နေသော ဇနီးသည်၏မျက်နှာနှင့် သူမ၏ဘေး၌ ရှိနေမည်ဖြစ်သော သားလေးမျက်နှာ များက ကုန်ခမ်းသွားသည့် အားသစ်များ ကို အစားလောင်းထည့်လိုက်သလို။ အိုမင်းဟောင်းနွမ်းသော ပန်းချီကားတစ်ချပ်ကဲ့သို့ ဆေးပြယ်နေပြီဖြစ်နေသော သူ့အပေါ်တစ်ခါမှ အထင်ကြီးသည့်ဟန်မပြဘူးသည့် ဖခင်၏ တင်းမာသောမျက်နှာက သူ့ရဲ့ ယောက်ျားမာနကို ပုတ်ခတ်လို့ ဒေါသမာန်တို့ ခေါင်းထောင်ကာ ကူးခတ်နေသောလက်များသို့ လျှပ်စစ်စီးအားတစ်ခု စီးဝင်စေသည့် ပမာ။ သူအပြင်မှာ ရန်ဖြစ်လာတိုင်း စိုးရိမ်သောမျက်ဝန်းညိုညိုတို့ဖြင့် တောက်လျှောက်လိုက်ကြည့်နေတတ်သည့် မိခင်၏ လပြည့်ဝန်းမေတ္တာတို့က နားထဲ၌ “မေမေရဲ့သားနိုင်တယ် မေမေရယ်ရင်ဆိုင်ပွဲတိုင်း” ဆိုသည့် စိတ်ဓာတ်များ ပို့သနေသလို သူ၏ အကြောများအပြင် ခြေသလုံးကြွက်သားများကို ပြေလျော့စေသည်။ စိတ်ချပါမေမေ။

ကူးသည်။ လုံးဝဆက်လက်ကူး၍ မဖြစ်တော့သည့်အခါ၌ ဘောင်းဘီအိတ်ထဲထည့်လာသော အမှိုက်ထည့်သည့် အိတ်အမည်းကို အတော်အသင့်လေဝင်သည်အထိ ပါးစပ်ထဲမှ လေကိုမှုတ်ထည့်သည်။ လေအိတ်ကဲ့သို့ ခန္ဓာကိုယ်အလေးချိန်ကို ထိန်းထားနိုင်သည့် အခါ၌ အဝနှစ်ဘက်ကိုချည်၍ ထိုလေအိတ်ကို ဖက်ကာ တစ်ကိုယ်လုံးကို ဖြေလျော့သည်။ ရေထဲ၌ ထိုကဲ့သို့ကိုယ်ဖော့ကာ လေအိတ်ထဲသို့လေမှုတ် ထည့်ရန်ကျွမ်းကျင်မှုကို တစ်ခါမှ မသင်ဘူးသော်လည်း သေငယ်ဇောကြောင့် သူအလိုလိုတတ်မြောက်လာခြင်းဖြစ်သည်။ စင်စစ်ထိုအချိန်၌ သူကိုယ်တိုင်လေအိတ်ဖြစ်၍ လေအိတ်ကလည်း သူအသက်ပင်။ ရေ၌အမှိုက်အဖြစ်မျောပါလာသော သစ်သားစများကိုတော့ လေအိတ်၏နံရံကို မတိုးခွဲနိုင်အောင် သူသတိထားကာ ဖယ်ရှားပေးနေရ၏။ ပင်လယ်ရေစီးကလည်း သူ့ကိုတစ်ခြားကမ္ဘာသို့ တွန်းပို့နေသည်။ ရေစီးနှင့်အတူပါလာသော ရေဒန်းတွေကလည်း သူ၏အရေပြားထက်၌ လာကပ်၍ ကျင်စက်နှင့် တို့ထိနေသလို။ ထိုအရာအားလုံးကို အန်တုကာ သူ၏ လက်များက ရေမျက်နှာပြင်သို့ စည်းချက်ကျကျထိုးခွဲကာ မျှော်လင့်ချက်ဘက်ကမ်းသို့ ကူးခတ်လျက်ရှိသည်။


(၂)

မင်း သွားလို့ဖြစ်ပါ့မလား? ဟင်းသီးဟင်းရွက်ကားနဲ့သာလိုက်ပါကွာ။ ငါ ကြည့်စီစဉ်ပါ့မယ်” စိတ်ဓာတ်မာလွန်းလှသော သူငယ်ချင်း ဇေယျက စိုးရိမ်ပူပန်စွာ သူ့ကို ကြည့်ရင်းပြောနေသည်။ ဇေယျနှင့် သူ ခင်သည်မှာ နှစ်ပေါင်းမနည်းတော့ ဟိုးကလေးဘဝထဲက အခုအချိန်အထိ။ သေဖော် သေဖက် ဆိုလည်းမမှား။

မပူပါနဲ့ကွာ၊ မင်းငါ့အကြောင်းလည်းသိတာပဲ၊ ငါ့အတွက် အကောင်းဆုံးဆိုတဲ့လမ်းကိုလျှောက်ဖို့ ငါ နောင်တမလိုဘူး၊ အခုအချိန်မှာ ဘယ်နည်းနဲ့ဖြစ်နိုင်မလည်းပဲ ငါစဉ်းစားတယ်။ ငါရေလမ်းကြောင်းတွေလည်း လေ့လာပြီးပြီ။

သူ ပင်လယ်ဘက်သို့မျှော်ကြည့်၍ ဇေယျကို သွေးအေးအေးပြန်လည် ရှင်းပြမိသည်။

အေးပါကွာ၊ ငါလည်း ပြောမယ့်သာပြောရတယ် အောင်ဘုတို့တုန်းက ဟိုဘက်ကမ်းလည်းအရောက် ဟင်းသီးဟင်းရွက်တောင်းထဲမှာ အသက်ရှု ကျပ်လို့ မွန်းပြီးသေနေတယ် ဆိုတုန်းက ငါ့မျက်စိထဲမှာ မြင်ယောင်နေမိတာ၊ ဒီနည်းက တကယ်တော့မဟန်ပါဘူးကွာ” ဇေယျ၏ မျက်နှာမှာ အဘိုးအိုကြီးကဲ့သို့ ဖြစ်နေသည်။

အေး၊ ငါဟိုရောက်မှ ငါနဲ့ဟိုကမိန်းကလေးတစ်ယောက်နဲ့ တွဲရိုက်ထားတဲ့ ဓာတ်ပုံတစ်ပုံ ပို့လိုက်မယ် ဟုတ်ပြီလား?”

သူပြုံးဖြဲဖြဲလုပ်၍ ပြောလိုက်သည်။

အေး မင်းပုံကို ငါ ရန်ကုန်က မင်းမိန်းမဆီ ဆက်ပို့ပေးလိုက်မယ် ဟုတ်ပြီလား? ဟား ဟား ” ဇေယျ ပြန်ပက်သည်။

သူပြုံး၍သာကြည့်နေမိသည်။ ဒီနိုင်ငံမှာနေရင်း သူနှင့် ဇေယျ အလုပ်ပေါင်းစုံအောင်လုပ်သည်။ အလုပ်ကြမ်း ပေါင်းစုံ။ နယ်စပ်သွား၍ ယိုးဒယားဘက်က ကူးလာမည့် သူများကိုလည်း ကားနှင့်ကြိုပို့လုပ်သည်။ စားသောက်ဆိုင်တွင်လုပ်သည်။ စက်ရုံတွင်လုပ်သည်။ သူတို့နှစ်ယောက်ကို ခွဲ၍မရ။ တစ်ခါသူရယ် ဇေယျရယ် ဒီမြို့က လူမိုက်များနှင့် ရန်ဖြစ်ရင်း အုတ်နံရံကျော်အတက်တွင် လူမိုက်တစ်ယောက် နောက်ကဓားနှင့် လှမ်းခုတ်လိုက်သောကြောင့် ဇေယျ ပေါင်သားတစ်ချို့ ထိုအုတ်နံရံတွင်ပင် ကပ်ကျန်ရစ်သည်။ ထိုစဉ်က ဇေယျကိုထမ်း၍ ဆေးရုံသို့ပြေးရသည်။ သို့သော် ဇေယျ အကြောထိသွားကာ ခြေတစ်ဘက်က သိပ်မသန်တော့။ ဇေယျသည်လည်း သူ့ကိုကြည့်၍ သူ့အတွေးနှင့်သူ။

တိတ်ဆိတ်ခြင်းက ဗလာဆင်ဖိုနီတေးသွားတစ်ပိုဒ်လို သူတို့နှစ်ယောက်ကြားဖြန့်ခင်းထားသည်။

သူငယ်ချင်းနှစ်ယောက်၏လမ်းခွဲမှာ လေနှင့်အတူရွက်လွှင့်လာသော ညမွှေးပန်းရနံ့တွေ အပြိုင်းအရိုင်း မရှိ။

ညငှက်တွေလည်း ဆွံအ နားမကြားဖြစ်ကာ ကျီးကြည့်ကြောင်ကြည့် ကြည့်နေကြသည်။

အမှောင်ပါးပါးက ဖြိုးဖြိုးဖြဖြဖြင့် မီးခိုးရောင်ဖျော့ဖျော့ အပျိုးခံထားရသည်။

သူနောက်ကိုလှည့်မကြည့်ဖြစ်။

ထိုအတူ ဇေယျကလည်း သူ့နောက်မှာ စောင့်ကြည့်နေမှာမဟုတ်မှန်း သူသိနေသည်။

ထိုခဏ၌ ဇေယျသည် မွန်လေးဖြစ်၍ မွန်လေးသည်လည်း ဇေယျပင်။

ထိုသို့ဖြင့် လှေကလေးကိုသူလှော်ခတ်သလို လှေကလေးကလည်း သူ့ကိုထမ်းပိုး၍ ရေကဗ္ဗလာအမည်းရောင် ပေါ်တွင် ဝဲဂယက်ငယ်လေးများ ထစေကာ ဝေး ဝေး လာခဲ့သည်။


(၃)

လူက လှော်တက်ကို အသုံးပြုရင်း လှော်တက်ကလည်း လူကို အသုံးပြုကာလှေကလေးကိုရွေ့စေ၏။

ခပ်ဝေးဝေးက ပင်လယ်ကူးသဘောင်္များ၏ အသက်ရှုသံသဲ့သဲ့၊

ဆားငန်ရေ၏ စိမ်းရွှေရွှေရနံ့ နဲ့အတူ တချက်တချက် မျောပါလာသော သစ်တုံးသေများ၊

လက်ခုပ်ထဲမှာ ပါလာသော ပင်လယ်အော်သံတစ်ချို့၊

သူ့ရဲ့လှေကလေးအား ခပ်ဖွဖွလေး ထိတွေ့ နမ်းရှိုက်နေသော ညက ဝိဥာဉ်မဲ့စွာဖြင့် လှိုင်းတို့၏ ဂျစ်ပဆီဗုံသံကြားမှာ ဝစ်လစ်စလစ် ကခုန်နေသည်။

လှေကလေးဖြင့် လမ်းခရီးတစ်ဝက်ကိုကျော်လာပြီ။ လှေနှင့်ဆက်သွားလို့မဖြစ်တော့။ သူသည် လှေကိုတ်ိမ်းမှောက်၍ မြှုပ်လိုက်သည်။ ထို့နောက် တဝက်ကျန်သေးသောခရီးကို ဆက်လက်ကူးခတ်လာခဲ့သည်။ ငါးမွေးကန်များကြားမှ ဖြတ်ကူးသည်။ ရုတ်တရက် ငါးများထတွတ်လေမလားဆိုသော အတွေးဖြင့် မနားနိုင်ပဲ အမြန်ကူးသည်။

ကူးသည်။

သူ ကူးသည်။

သူ ပင်လယ်ကိုဖြတ်၍ ကူးသည်။

သူ သမုဒ္ဒရာဝမ်းတစ်ထွာအတွက် ပင်လယ်ကိုဖြတ်၍ ကူးသည်။

အချို့သူများအတွက် စိတ္တဇဆန်သော ရူးသွပ်မှုအဖြစ် သူ သမုဒ္ဒရာဝမ်းတစ်ထွာအတွက် ပင်လယ်ကိုဖြတ်၍ ကူးသည်။

သူ့မောမောပန်းပန်း အသက်ရှုသံများကပင် ဒီလိုည၌ သူ့ကိုပြန်ခြောက်လှန့်နေသည်။ နောက်ဆုံးတွင်တော့ ကမ်းခြေကိုမြင်နေရပြီ။ သူအားတက်ကာ ဆက်လက် ထိုးခွဲလာခဲ့သည်။ ရေအောက်မြေကြီးနှင့် သူ့ခြေထောက်ထိသည့်အချိန်၌ အူထဲအသည်းထဲက လှိုက်ကာ ဝမ်းသာမိလေသည်။ ထိုခဏ၌ အားပြတ်ကာ ရေတိမ်ထဲသို့ သူလုံးဝ နစ်မြှုပ်သွားလေသည်။ လူဆယ်ယောက်ကူးလျှင် ခုနှစ်ယောက်လောက်သာ ဆိုက်ကပ်နိုင်သောကမ်းသို့ သူရောက်ခဲ့ချေပြီ။ အလုပ်ကြီးအကိုင်ကြီး လုပ်ခဲ့ရသူတို့ထုံးစံအတိုင်း သူမောပန်းစွာဖြင့် သောင်ပြင်ပေါ်၌ ခြေပစ်လက်ပစ်နားနေမိသည်။ လှိုင်းတို့ရိုက်ပုတ်သံမှာ ဟစ်ဟောပ့် စည်းချက်လိုလိုက်နေသလို။ ငိုမဲ့မဲ့တိမ်နီတွေကင်းဆင်သွားလေပြီ။ ဘီလူးမျက်နှာဖုံးနှင့် လေကြမ်းများကလည်း အခုမှ မင်းသားခေါင်းဆောင်းကာ အသုံးတော်ခံနေသည်။ ကောင်းကင်မှာလည်း ကြယ်တွေတစ်ရေးနိုးနေပြီဖြစ်သည်။ ကြယ်အကြီးများ၊ အစုအစုများ၊ မျက်စိထဲတွင် ဖုန်မှုန့်လိုလို လင်းလောက်တောက်ပနေသော ကြယ်မှုန်ကြယ်မွှားများ အာလုံးက သူတို့ကို သူတို့အတောက်ပဆုံးထွန်းညှိကာ သူ့ကြိုးစားမှုကို အသိအမှတ်ပြုနေသယောင်ယောင်။ ကြယ်များကိုကြည့်ရင်း ကြည့်ရင်းနှင့် သူ့မျက်လုံးများဝါးလာသည်။ ကြယ်တွေလည်းမထင်မရှားဖြစ်ကာ တဖြည်းဖြည်းဝေး ဝေးလာသည်။ ညအမှောင်ထုကသူ့ မျက်ဝန်းထဲသာမက တစ်ကိုယ်လုံးကိုလွှမ်းခြုံကာ အစိမ်းရောင်နတ်သမီးတစ်ပါး၏ အိပ်မွေ့ချခြင်း အတတ်ပညာ၌ လှလှပပ ပျော်ဝင်သွားတော့လေသည်။

ငယ်စဉ်ဘဝက ပျော်ရွှင်မှုပုံရိပ်များ.....

သူ၏ ပထမဆုံးသော အချစ်ည....

ချစ်သူရင်ခွင်၌ အဟာရဓာတ်သောက်သုံးနေသော သားလေး...

ငိုနေသော အမေ.....

အဖေ့ အော်သံများ....

ခေါင်းမှာ ချောင်းအရိုက်ခံလိုက်ရသော်လည်း ရီမောနေသော ဇေယျ...

အရာအားလုံးက ရုပ်ရှင် အနှေးဇာတ်ဝင်ခန်းများလို မှောင်မည်းသော အိပ်မက်ပိတ်ကားထက်၌ တစ်ကွကချင်း ပြသနေလေသည်။


ဆက်ရန်


Wednesday, September 5, 2007

သစ္စာနီ - လူ၏ကွန်တိုမျဉ်းများ

ဆရာ သစ္စာနီရဲ့ အရေးအသားတွေ အတွေးအခေါ်တွေ၊ တင်ပြပုံတွေကို လေးစားမိပါတယ်။

အပြည့်အစုံကို ဒီမှာ ဆက်ဖတ်ပါ။

Monday, September 3, 2007

39th Merdeka (Malaysia 3- 1)

Before Final



At final



်fouls



ဒီပွဲနဲ့ပတ်သတ်ပြီး ဒီမှာ ဆွေးနွေးထားပါတယ်...

ဒီမှာတော့ တစ်ဖက်သတ်ပဲ ကြည့်ရသေးတယ်ဗျာ...ပွဲအပြည့်အစုံ ကိုတင်ပေးကြရင်ကောင်းမယ်

ပြီးခဲ့တဲ့နှစ်ကတော့ မလေးရှားရောက်တုန်းမို့လို့ မာဒေးကားကြည့်ဖြစ်လိုက်ပါတယ်။

ဒီနှစ်တော့ ပွဲကြီးပွဲကောင်းလွတ်သွားတယ်ဗျာ...

လိပ်ကြီး


မအိမ့်ရဲ့ တက်ချက်ကတော့ ရက်စက်လိုက်ပြန်ပြီဗျို့။ ခြေမချိုးလည်းမမှီတဲ့အဖြစ်ပါဗျာ။ ၅ ခု။ အင်း အမှန်အတိုင်းပြောရရင် ကျွန်တော်လည်း မသိပါဘူးဗျာ။ ကိုယ့်စာရေးအားကို ကိုယ်သဘောမကျသေးပါဘူး။ တက်တော့လည်း ချိုးရတာပေါ့ဗျာ။ ခြေမ...ခြေမ။ ကဗျာတွေအကြောင်းတော့ ထည့်မရေးတော့ပါဘူးဗျာ။ ဘာလို့လဲဆိုတော့ အားလုံးကြိုက်လို့ပါ...ဟီး ဟီး (ကျွန်တော့်နာမည် မောင်လိပ်ပါ ကိုယ့်ဘက်ကိုယ်ပဲယက်ပါတယ်း)

၁။ ကိုစက် (၁၊ ၂၊ ၃)

၂။ ထိန်းချုပ်မရခြင်း

၃။ ပင်လယ်မုဆိုး

၎။ စိမ်းမြွှာ

၅။ ကုဠေရှစ်ဆယ် သူဠေးသားနဲ့ ကျွန်တော်

အရှိန်မနည်း သတ်ထားရတယ်။ ကြိုက်တာ ကတော့ အကုန်ပဲ... ကိုယ်ရေးတာကိုး...း)

ဒါနဲ့ ဒီလိပ်သီချင်းလေးဆိုပြချင်တယ်ဗျာ..

ကျွန်တော့်နာမည် မောင်လိပ်ပါ

ကိုယ့်ဘက်ကိုပဲ ယက်ပါတယ်

အဖေကတော့ ဦးဦးလိပ်ပေါ့

သောင်ပြင်ပေါ်မှာ ပျော်ပါတယ်

အမေကတော့ ဒေါ်ဒေါ်လိပ်ပေါ့

လိပ်ဥ တွေကို ဖွက်ပါတယ်...

ရေညှိထုပ်တွေ ခိုးခိုးစားရင်

တစ်ခါတစ်ခါ ကျွန်တော့်ကိုရိုက်တယ်...