ပြိုင်ပွဲ

ကောင်းကင်တွင် တိမ်သားမည်းမည်းများက တရိပ်ရိပ် တက်လာသောအခါ လေကတဖြည်းဖြည်းထန်လာသည်။ ရွက်ထဲသို့ လေအပြည့်တိုးဝင်လာသောကြောင့် သူ့လှေကလည်း အရှိန်တဖြည်းဖြည်းမြင့်တက်လာသည်။ သူ့အာရုံတွင် လက်ထဲက တက်ကို မြဲမြံစွာကိုင်၍ လှေကို လေအားနှင့်အတူ ပန်းတိုင်သို့ မြန်သထက်မြန်အောင် ရောက်ရန်သာ အရေးကြီးနေသည်။ ပြိုင်ပွဲတွင် ဗိုလ်စွဲအနိုင်ရရန် အရေးကြီးသည် မဟုတ်ပါလော။ သူ့ကဲ့သို့ ပင် တစ်ခြားနိုင်ငံမှ ပြိုင်ဘက်များကလည်း သူ့အား ကျော်တက်နိုင်စေရန်အတွက် အနောက်မှ တဝေါဝေါဖြင့် ကပ်လိုက်လျှက်ရှိသည်။ ဒီနိုင်ငံကာပြိုင်ပွဲတွင် အနိုင်ရ ဗိုလ်စွဲမှ သူမျှော်လင့်ထားသော ဆုဖလားကို ရယူသိမ်းပိုက်နိုင်သလို တိုင်းပြည်အတွက်လည်း တာဝန်တစ်ခုကျေပွန်အောင် ဆောင်ရွက်နိုင်လိမ့်မည်ဟု သူဆုံးဖြတ်ထားပြီးဖြစ်သည်။ သူ့ခန္ဓာကိုယ်တွင် ရှိသမျှ ကြွက်သားများကို ဖျစ်ညှစ်၍ လှေမတိမ်းစောင်းစေရန် အရှိန်အကောင်ဆုံးရစေရန် ကြိုးစားလျှက်ရှိသည်။

သူနောက်ထပ် ဘွိုင်(buoy) တစ်ခုကို ပတ်ပြီးလျှင် ပန်းဝင်ရန်သာရှိတော့သည်။ လေကလည်း ပြင်းသထက်ပြင်းလာကာ လှေတစ်ချို့မထိန်းနိုင်သဖြင့် မှောက်ကုန်လေတော့သည်။ သူကတော့ သဘာဝကို အန်တုကာ ပန်းတိုင်သို့သာ အစောဆုံးဝင်ရန် အားခဲလျှက်။ ထိုအခိုက်တွင် မမျှော်လင့်ထားသော အရာတစ်ခု ရုတ်တရက်ဖြစ်ပေါ်လာသည်။ သူတို့ နိုင်ငံမှ ကောင်မလေးတစ်ယောက် သူပတ်ခဲ့သော ဘွိုင်သို့မရောက်ခင် လေပြင်းလွန်း၍ လှေမှောက်နေသည်။ သူ့လှေက ထိုကောင်မလေးလှေအနားမှအဖြတ်တွင် လှိုင်းကြီး လေကြီးလွန်းသဖြင့် သူမဘာသာ လှေပြန်မထောင်နိင်။ မှောက်နေသော လှေကို ကိုင်ကာ အားကိုးရာမဲ့ အော်ငိုနေသည်။ နောက်ပြီး သူမ အသက် က အခု မှ ၁၀ နှစ်ပင်မရှိသေး။ ပြိုင်ပွဲအတွက် တာဝန်ယူထားသော အသက်ကယ်အဖွဲ့မှာလည်း မှောက်သော လှေများများလွန်းသည့်အတွက် သူမဆီသို့ရောက်မလာနိုင်။ ရေကလည်း ရေခဲမှတ်နားကပ်နေသည့် အခြေအနေ အေးစက်လွန်းနေသည်။ သူ့ Wetsuit (အအေးဒဏ်ကို ကာကွယ်ရန်ဝတ်သော လည်ပင်းမှ ခြေထောက်အထိလုံခြုံစေသာ အင်္ကျီ) အတွင်းမှပင် သူအအေးဓာတ်ကို ခံစားသိရှိနေရသည်။ ရေခဲတမျှအေးသော ရေထဲတွင် အားကိုးရာမဲ့ အော်ငိုနေသော မျက်နှာ။ အရေးကြီးသော နောက်ဆုံးပြိုင်ပွဲ။ ရုတ်တရက် သူ့ခေါင်းထဲသို့ လျှပ်စီးမိုးကြိုးလက်သလို အတွေးတစ်ခု ဝင်ရောက်လာသည်။

စက္ကန့်ပိုင်းအတွင်းမှာပင် သူ့လှေမှကြိုးကို ခြေထောက်တွင်ချည်၍ ရေထဲသို့ ဒိုင်ဗင်ထိုးချလိုက်သည်။ ထို့နောက် ထိုကောင်မလေးရှိရာသို့ ကူးခတ်သွား၍ လှေကို ကျွမ်းကျင်စွာပြန်ထောင်မတ်ပေးလိုက်သည်။ ထို့နောက် သူက ရေထဲမှာနေ၍ သူမကို လှေပေါ်သို့ပြန်တွန်းတင်ပေးလိုက်ကာ လှေထဲတွင်ရှိသောရေများကို တတ်နိုင်သလောက်ခပ်ထုတ်ပေးလိုက်သည်။ ထိုအချိန်တွင် အသက်ကယ်လှေအဖွဲ့ ရောက်လာကာ သူမကို ကမ်းစပ်သို့ ပြန်လည်ခေါ်ဆောင်သွားတော့သည်။ သူမကတော့ ငိုနေတုန်းပင်။

ထို့နောက် သူ့လှေပေါ်သို့ ပြန်တက်လိုက်ကာ ပြိုင်ပွဲကို ဆက်ပြိုင်လေသည်။ ခရာ မှုတ်သံနှင့်အတူ ပန်းဝင်လေပြီ။ သို့သော် သူအလိုချင်ဆုံးသော ပထမနေရာတော့ မဟုတ်တော့။ ဆုပေးပွဲတွင်လည်း သူအလိုချင်ဆုံးသော ဆုဖလားကို တစ်ခြားနိုင်ငံသားတစ်ယောက် ရယူသွားသောအခါတွင်လည်း သူအားရပါးရပြုံးလိုက်မိတော့သည်။ သူ့ရင်ထဲတွင်ဖြစ်ပေါ်မိသော ပီတိမှာကား ထိုပွဲတွင် အနိုင်ရဗိုလ်စွဲရခြင်းထက် အဆပေါင်းများစွာသာလွန်ကြောင်း သူ့ကိုယ်တိုယ်သိရှိနေသောကြောင့်ဖြစ်သည်။

လက်ဆောင်

ဟိုးရှေးရှေးတုန်းက ကျွန်တော်ပေးခဲ့ဖူးသော လက်ဆောင်တစ်ခု...အမှတ်တရ ဘလောခ့်မှာ သိမ်းထားချင်လို့ပါ...ဗွေမယူလောက်ပါဘူးနော်..

(၁)

လူတွေက မျှော်လင့်ချက်အတွက် ခရီးဆက်တယ်
ဒါပေမယ့် ငါ့အတွက်ဒီခရီးက မျှော်လင့်ခြင်းကမ်းဆုံးပဲ….

ဒီလိုနဲ့ပဲ တစ်ဘဝစာ မျှော်လင့်ခြင်းတွေပိုက်ပြီး ကျွန်တော်လေဆိပ်ထဲဆိုက်ကပ်ခဲ့တယ်။ သူမရဲ့ သာယာလေးနက်တဲ့ အသံရယ်၊ လျှို့ဝှက်မှုတွေရယ်၊ ဝိုးတဝါးနဲ့သူမပုံရိပ်တွေကတော့ ဦးနှောက်ထဲမှာ အလွတ်ရနေပြီ။ အဲဒီဓာတ်ပုံကိုင်ပြီးပဲ ကျွန်တော် ကျီးကန်းတောင်းမှောက်ခဲ့ပါတယ်။ အလင်းချိုးတဲ့တစ်ထောင့်မှာတော့ ကျွန်တော့်နတ်သမီး ကျက်သရေရှိတဲ့ဝတ်စုံနဲ့။ ကျွန်တော့်နှလုံးသားတွေကျိန်းသွားတယ်…. ဘေးမှာလည်းအစ်ကိုတစ်ယောက၊် သူတို့ အပြုံးချင်းချိတ်လို့။ ဘုရား…ဘုရား…သူမအရင်ကပြောတဲ့အတိုင်း မဟုတ်ပါစေနဲ့။ ကျွန်တော့်မျှော်လင့်ချက်တွေ သေတ္တာထဲတည့်ပြီး လာလမ်းကိုပဲပြန်လှည့်ရမလား? ခရီးဆုံးကိုလှမ်းရမလား? ချီတုံချတုံဖြစ်နေတုန်းပဲ သူမ ကျွန်တော့်ကိုတွေ့သွားခဲ့ပါတယ်။ ကျွန်တော်အငတ်မွတ်ဆုံး အပြုံးတစ်ခုကိုလှစ်ဟလို့….. ကျွန့်တော့်ဘဝတစ်ခုစာ ပျော်ဝင်စေလောက်တာပေါ့။ သူမကစကားဆိုတယ်….

“ကိုဒီပါလင်း ဟုတ်ပါတယ်နော်…”

“ဟုတ်…ဟုတ်ပါတယ်” သူမနဲ့တွေ့မှ ကိုယ့်ကိုယ်ကို ယုံကြည်လှချည်ရဲ့ဆိုတဲ့ ကျွန်တော့်အသံတွေ အက်ရှကုန်တယ်။

“အင်း…ဓာတ်ပုံထဲကထက် ပိုငယ်တယ်ထင်ရတယ်နော်။” အနီရောင်နှုတ်ခမ်းတစ်စုံနဲ့တင် သေလောက်ရဲ့။ သူမကျွန်တော့်ကိုစေ့စေ့ကြည့်ပြီးပြောလိုက်ပုံများ… အမှန်တော့ကျွန်တော်က ဥုံဖွဆိုပြီး အသက်ပိုကြီးချင်နေတာ သူမမှ မသိပဲ။

“ထင်လို့ပါ…မ…။ ဒါနဲ့…” ကျွန်တော့်မျက်လုံးရဲ့အဓိပ္ပါယ်ကိုသူမသိတာပေါ့။

“သြော်ဒါက… ကိုအောင်ထွန်းပါ။ မ….ရဲ့ ခင်ပွန်းလောင်းပေါ့။” သေချာသွားပါပြီ။ အရာအားလုံးခဏရပ်တန့်သွားတယ်။ သူကအောင်မြင်စွာပြုံးပြီး လက်ဆွဲနှုတ်ဆက်တယ်။ ကျွန်တော့်နက္ခတ်ကို ဂဠုန်ခွစီးလိုက်သလိုပါပဲ။

“တွေ့ရတာဝမ်းသာပါတယ်…” ကျွန်တော့်ဘဝမှာ ဝမ်းအနည်းဆုံး အခိုက်အတန့်ဆိုတာတော့ မျက်နှာမှာ မပေါ်စေရပါဘူး။

“ဟုတ်ကဲ့ အကူအညီလိုရင်လည်းပြောပါ။ ကျွန်တော်ကဒီရောက်နေတာကြာပြီ။”

လူယောင်ဆောင်ထားတဲ့ ဂဠုန်ကြီးက ပြုံးဖြီးဖြီးနဲ့ ပြောတယ်။ အဲဒီအချိန်ကြမှ ကျွန်တော့်ကိုလာကြိုတဲ့သူငယ်ချင်းဇာနည်က နောက်ကြခြင်းနဲ့ ရောက်လာပါတော့တယ်။ ထုံးစံအတိုင်း အလာပသလာပ ပြောပြီးကျွန်တော်တို့လမ်းခွဲခဲ့ပါတယ်။

သူ့အိမ်အပြန်လမ်းမှာ ကျွန်တော့်သူငယ်ချင်းကမေးတယ်။ ကျွန်တော်ဖြေဖို့တောင် အားမရှိတော့သလိုပဲ။
ကျွန်တော်ငြင်းပယ်ခံရတဲ့နောက်တော့ လာလမ်းအတိုင်းပြန်မယ် စိတ်ကူးသေးတယ်။ ဒါပေမယ့် ခံနိုင်ရည်မွေးပြီး ရင်ဆိုင်ရဲရမှာပေါ့။ ဘုရင့်နောင်ဖောင်ဖျက်တဲ့ အသံလည်း နားထဲမှာ တဝုန်းဝုန်းနဲ့ပေါ့။ သွေးပျက်လောက်ရဲ့။

အပြန်လမ်းတစ်လျှောက်
သစ်ပင်တွေလည်းဖျားလို့…..
ငှက်တွေလည်းအတောင်ကျိုး….
နေဝင်ချိန်လည်း အရောင်မရှိတော့သလိုပါပဲ။





(၂)

လူဆိုတာကမျှော်လင့်ထားသလိုမဖြစ်ရင်၊ ငြင်းပယ်ခံရရင် စိတ်ဓာတ်ကျတတ်တယ်
ကျွန်တော်လဲလူထဲကလူပါပဲ ဒါပေမယ့် အရှုံးတွေနဲ့ကျွန်တော် သူငယ်ချင်းဖြစ်နေပါပြီ…..

ရရာအလုပ်ဝင်လုပ်ရင်း သူမကိုတွေ့ခွင့်မရှိတဲ့ မျှော်လင့်ချက်မဲ့မြို့မှာ အသက်ဆက်ခဲ့တယ်။ မရှိမဲ့ရှိမဲ့မာနကိုပိုက် ကျွန်တော်ငတ်တစ်လှည့် ပြတ်တစ်လှည့်နဲ့ပေါ့။ ကျွန်တော်မှာအမြဲတမ်းချမ်းသာတာဆိုလို့ ဂစ်တာတစ်လက်ရယ်၊ ကော်ဖီသောက်တဲ့ခွက်တစ်ခွက်ရယ်၊ ဆေးလိပ်တစ်ဘူး နဲ့ ဇစ်ပိုမီးခြစ်တစ်လုံးရယ် ကျွမ်းနေတဲ့နှလုံးသားတစ်ခုရယ်ပါပဲ။ သြော်..သူမအတွက် စုထားတဲ့ ပန်းမျိုးစေ့တွေရယ်ပေါ့။ ဒီလိုနဲ့ ဇကာပေါက်အဆုတ်ပါ အဆစ်တိုးလာတယ်တဲ့ ဆရာဝန်ကပြောတယ်။ ကျွန်တော်နောက်ဆုံးထွက်သက်ရက်တွေကို ရေတွက်နေပါတယ်။ ထွက်ပြေးတာတော့မဟုတ်ပါဘူး။ ချုပ်ငြိမ်းချင်တာပါ။

အဲဒီနေ့က….
ကောင်းကင်ကမှောင်မည်း
အနက်ရောင်အဆုပ်လိုက်တိမ်တွေရယ်
လေပြင်းတွေက တွေ့သမျှကိုဝါးမြိုလို့
ကျွန်တော့်ဝိဥာဉ်ကိုထမ်းထုတ်မယ့်နေ့ပေါ့

ပြတင်းပေါက်ကဝင်လာတဲ့ လေပြင်းကခပ်ကြမ်းကြမ်းနမ်းလိုက်လို့ အခန်းထဲက ပြက္ခဒိန်က ပြုတ်ထွက်မတတ်။ ပြာခွက်ထဲကဆေးလိပ်ပြာ တွေကလည်း စားပွဲပေါ်မှာ ပြန့်ကျဲ။ နံရံမှာထောင်ထားတဲ့ ဂစ်တာကလည်း ကြိုးတွေပြတ်လို့။ ကျွန်တော့်ကမ္ဘာ ဖရိုဖရဲနဲ့ပေါ့။ တံခါးသံကြားလို့ ကျွန်တော်ဖွင့်ကြည့်တော့ သူမ…။ အဖြူရောင်ဝတ်စုံလေးနဲ့ အပြုံးထူထူလေးဆင်မြန်းပြီး တံခါးရှေ့မှာ ရပ်လို့…
ကျွန်တော်တံခါးဖွင့်ပေးတော့….

“နေပါစေ..မဝင်တော့ပါဘူး… ဖိတ်စာလာပေးတာ”

“ဗျာ…လာဖိတ်တာ?”

“လာမည့်စနေနေ့မှာ မ…ရဲ့မင်္ဂလာဆောင်ရှိတယ်လေ… ဘုရားကျောင်းမှာ…” သူမစကားအဆုံး ကျွန်တော့်နားထဲမှာ ခေါင်းလောင်းသံတွေ ညံသွားတယ်။ ကျွန်တော်ဘယ်လို အင်အားမျိုးနဲ့သွားရမလဲ? တွေးနေတုန်း ကျွန်တော် လက်နဲ့ပါးစပ်ကိုပိတ်လို့ ချောင်းတစ်ချက်ဆိုး လိုက်တယ်။ ကျွန်တော်ချောင်းအရှိန်ကို သိတော့ သူမက

“ဟာ မင်းချောင်းတွေတော်တော်ဆိုးနေတာပဲ….မျက်နှာကလည်းအားမရှိဘူး…ဆေးရောသောက်ရဲ့လား?”

“ဟုတ်…သောက်ပါတယ်…မ…” တကယ်တော့ကျွန်တော် လမ်းဆုံးနေပြီ။

“ရော့…….ချောင်းဆိုးရင်သုံးဖို့…” ပြောပြောဆိုဆိုသူမရဲ့ လက်ကိုင်ပဝါဖြူလေးကို ထုတ်ပေးတယ်။ ကျွန်တော်တစ်ချက်တော့ ကြည်နူးမိတာပေါ့။

“အထဲဝင်ဦးလေ…မ…..”

“မဝင်တော့ဘူး….အောက်မှာ အထွန်း စောင့်နေတယ်။ ကျန်းမာရေးကိုဂရုစိုက်…သွားတော့မယ်နော်…”

“ဟုတ်….ဟုတ်ကဲ့” ပြောပြောဆိုဆိုသူမလှည့်ထွက်သွားတော့ သူမရဲ့ ရနံ့တစ်ချို့ပဲကျွန်တော်နဲ့ ကျန်ခဲ့တာပေါ့။
သူမတို့ ကားလေးမီးခိုတန်းသွားတဲ့အထိ ကျွန်တော်ချောင်းကြည့်မိတယ်။ အဲဒီနောက်တော့ လေပြင်းနဲ့အတူ ကျွန်တော့်အဆုတ်ထဲကလည်း လေတွေရော အနီရောင်တွေရော တလဟောပြိုကျလာပါတော့တယ်။ သူမပေးခဲ့တဲ့ လက်ကိုင်ပဝါလေး ချင်းချင်းနီတဲ့အထိပေါ့။ ကျွန်တော်သိတယ် နောက်ဆုံးပြင်ဆင်ခြင်းအဖြစ် ဇာနည်ရယ် နောက်ပြီးရင်ခွဲရုံရယ်ကို ကျွန်တော်ဖုန်းဆက်လိုက်တယ်။ ဖုန်း စကားပြောခွက်ကို ချချလိုက်ခြင်း ကျွန်တော့်ခန္ဓာကိုယ်အထဲက ရှိသမျှအရာတွေ ဆန်တက် ထွက်ကြလာလောက်အောင် ပြင်းပြင်းထန်ထန်ချောင်းတစ်ချက်ဆိုးလိုက်တယ်။ ထွေးခံတင်မက၊ ကျွန်တော့် အိပ်ယာခင်းအဖြူလည်း ချင်းချင်းနီသွားတာပါပဲ။ အဲဒီလိုနဲ့ ခဏ ငြိမ်သက်ပြီး ဝင်သက်ထွက်သက် မှတ်နေတုန်း ကင်းဗတ်စ် အဖြူတစ်ချပ်ကို ပိတ်စအမည်းရောင်နဲ့ ဖုံးအုပ်လိုက်သလို ကျွန်တော့်ကမ္ဘာအမှောင်အတိကျသွား။ ကျွန်တော်တစ်ယောက် လေနှင့်အတူ လွင့်မျောသွားပါတော့တယ်။

ကျွန်တော့်ဈာပနကတော့ ထူးထူးခြားခြားမရှိ။
ကျွန်တော်စီစဉ်ထားတဲ့အတိုင်း ဒီမြို့ကအပယ်ခံလူတွေပဲတက်ရောက်လာပါတယ်။
သူတို့အတွက်တော့ ကျွန်တော့်ချွေးနဲစာထဲက လိုအပ်မယ့်အသုံးအဆောင်လေးတွေ ပြန်ပေးလိုက်နိုင်ပါတယ်။
တစ်ခြားသိတာဆိုလို့ ဇာနည်ရယ်။ ရင်ခွဲရုံက ကျွန်တော့်သူငယ်ချင်းရယ်ပါပဲ။

မပူပါနဲ့ မ…ရယ် မရဲ့မင်္ဂလာဆောင်ကို ကျွန်တော်မရောက်ရောက်အောင်လာမှာပါ။
ကျွန်တော်မလာနိုင်ရင်တောင် ကျွန်တော့်လက်ဆောင်လေးဖြစ်ဖြစ်ပေါ့။





(၃)

လူတွေက လက်ဆောင်အတွက်ငွေကိုပေးတယ်
ကျွန်တော်ကတော့ သူမအတွက်နှလုံးသားကိုပဲ လက်ဆောင်ပေးပါရစေ…

လမ်းပေါ်မှာမာကျူရီလည်း အစွမ်းကုန်အသက်လုနေတယ်။
လခြမ်းပဲ့ကလည်း ကုန်ခါနီးမီးစာလို ဟုန်းခနဲတောက်ပြီး ငြိမ်းတော့မလို။
ပုရစ်တွေကရဲ့ တတွီတွီနဲ့ အာခြစ်နေသံက
နားထဲမှာ ငှက်ဆိုးတစ်ကောင်ရဲ့ ရက်ပ် ရွတ်သံအလား….
လေအေးတစ်ချက်ဝှေ့လိုက်တိုင်း အသည်းထဲအထိစိမ့်ကနဲ…

အမှန်အတိုင်းဝန်ခံရရင်တော့ ဒီခရီးဒီလမ်းကို အချိန်မတော်တစ်ကိုယ်တည်းလာဖို့ ဇာနည့် တစ်သက်နဲ့တစ်ကိုယ် စိတ်ကူးမိမှာမဟုတ်။ ကျွန်တော့်သူငယ်ချင်းတွေကြားမှာ ဇာနည်ကမကြောက်တတ်ဆုံး။ ဒါတောင်ဘာမှန်းမသိ ဒီတစ်ခါ တော့ဇာနည်ရွံ့ နေတာကို ကျွန်တော်တွေ့နေရတယ်။

“အေးကွာငါ့ကိုကူညီပါဦး…. မင်းခိုင်းတဲ့အတိုင်းငါလုပ်ပါ့မယ်။
အားလုံးချောချောမွေ့မွေ့ဖြစ်ရင် ပြီးတာပဲ။
ဒါပေမယ့် မတန်ဘူးကွာ။ မိန်းမတစ်ယောက်အတွက်နဲ့များ…အံ့ပါ့။
မင်းလိုငပေါတွေကြောင့် မိန်းမတွေဈေးတက်တာကွ…”

ကျွန်တော့်ဘေးမှာ ဇာနည်တစ်ယောက်တည်း ရင်ခွဲရုံကအပြန် ကားမောင်းရင်းပြောနေတယ်။ ကျွန်တော့်ကိုရည်ရွယ်ပြီးပေါ့။
သူ့မျက်နှာမှာတော့ စိတ်မကောင်းခြင်းးနှင့် ဝမ်းနည်းခြင်းရောယှက်ပြိုင်နေလေရဲ့။
ဒါမှလည်းသူစိတ်သက်သာရာရမှာပေါ့ ပြောပါစေ။ အခုအချိန်မှာ ကျွန်တော့်ခန္ဓာကိုယ်ကို ဇာနည်ကလည်းမမြင်တော့။ ဘယ်သူကမှမမြင်တော့။
ကျွန်တော်အချစ်ဆုံး ဆိုသည့်အရာသည်လည်း အခုအချိန်မှာ ထိတွေ့ခွင့်တောင်မရှိတော့။ ဘာဆိုဘာမှမရှိတော့သောဘဝမှာ ကျွန်တော့်အတွက်မနက်ဖြန်ဆိုတာက နထ္တိ။ တစ်ယောက်တည်းတွေးရင်း စိတ်ညစ်ညစ်နှင့် လေတစ်ချက်ချွန်လိုက်မိတယ်။ ကျွန်တော်လေချွန်တာကို ဇာနည်ကြားသွားပြီး

“ငဒီ မင်းပါလာလား။ အေးကွာ ငါနဲ့စကားလေးဘာလေးပြောပါဦး… ငါတစ်ကောင်တည်းကားမောင်းပျင်းတာ မင်းလည်း သိသားနဲ့။”

ကျွန်တော်လည်းသိပါသည်။ ကျွန်တော်သူနှင့် အခုအချိန်မှာ စကားပြောလို့မရမှန်း။ ဒါတောင်သူ့ဝသီအတိုင်း နောက်လိုက်ပြောင်လိုက် လုပ်နေတုန်း။ ကျွန်တော်လည်းသူ့ကို စချင်နောက်ချင်စိတ်ပေါက်လာတယ်။
ကျွန်တော် ကားကက်ဆက်ခလုတ်ကိုနှိပ်လိုက်တယ်။ ဘယ်လိုမှနှိပ်လို့မရ။ ထ်ိလို့မရ။ အာရုံတွေကိုစုစည်း ကျွန်တော်ထပ်နှိ်ပ်တယ်။ ဘယ်လိုမှမဖြစ်။ စိတ်တွေကစုစည်းလို့မရ။ ကျွန်တော်လက်လျှော့ချင်လာတယ်။ ဒါပေမယ့်နောက်ဆုံးအကြိမ် ကျွန်တော်ရှိသမျှအာရုံကိုစုစည်း စိတ်ကိုတတ်နိုင်သလောက်အငြိမ်ဆုံးထား ကက်ဆက်ခလုတ်တစ်ခုတည်း ကိုသာဆောင့်နှိပ်ချလိုက်တယ်။
“အုန်း….”စပီကာအသံ မတိုးရသေးသည့်အတွက် သီချင်းသံကအကျယ်ကြီး ထမြည်လေရော။

ဟဲ့ သောက်ခွေး… ဇာနည်လန့်သွားတယ်။ သူလန့်တာကိုကြည့်ပြီးကျွန်တော်အားရပါးရ ရယ်မိတယ်။ ဒီအဖြစ်အပျက်တွေဖြစ်ပြီးနောက် ပထမဦးဆုံးအကြိမ် ရယ်မောခြင်း။ ဒါပေမယ့် ကျွန်တော့်ရယ်သံက ရေတွင်းပျက်ထဲက အသံတစ်ခုလို တိုးဝင်နွမ်းလျသွား...

သူ့ကို ထိတ်လန့်အောင်လုပ်မိသည့်အတွက် ဇာနည်ကျွန်တော့်ကိုဆဲတယ်။ သူဆဲသည့်အသံမှာ အခုအချိန်မှာ အသာယာဆုံးအသံဟုကျွန်တော်ထင်မိသည်။ ဘာပဲပြောပြော ဇာနည့်ကိုကျွန်တော်ကျေးဇူးတင်သည်။ တော်ရုံလူသွေးပျက်မည့် အလုပ်ကိုစိတ်စေတနာနှင့် ကျွန်တော့်အတွက် လုပ်ပေးသောကြောင့်ဖြစ်သည်။ ထို့နောက်ဇာနည့်ထံမှ ဘာအသံမှမကြားရတော့ပေ။ သေချာပါသည်။ ကားစပီကာကလွင့်ပျံ့နေသော “သတိ” ဆိုသည့် ကျွန်တော်အလွန်နှစ်သက်သော သီချင်းသံကြားရင်း ဇာနည်ကျွန်တော့်အတွက်စိတ်မကောင်းဖြစ်နေပေလိမ့်မည်။

မနက်ဖြန်တွေ့ဖို့ရောက်အောင်လာပါ မင်းမမေ့နဲ့ဦး
ငါ့ကိုချိန်းပြီးအဲဒီ နေ့ကတည်းက
နောက်တစ်ခါ ဘယ်တော့မှ
ပြန်မတွေ့ရတော့မယ့် သူငယ်ချင်းတစ်ယောက်

လက်ပြပြီးတော့ကားပေါ်တက်သွား ဆေးလိပ်ဖြတ်ဦးတဲ့
ကျန်းမာရေးကသိပ်ချူချာတာ
ငါ့ကို သတိပေးသွား
နောက်ဆုံးတွေ့လိုက်တဲ့နေ့တုန်းက

ခဏခဏ မေ့ထား
သေခြင်းသေခြင်းရဲ့တရား
သတိ သတိ သတိတော့ထား
သေခြင်း သေခြင်းရဲ့တရား

ကျွန်တော်ကိုယ်တိုင်သီချင်းမှာမျောပါနေတုန်း ဇာနည်ကကားစက်ကိုသတ်လိုက်သည်။ သြော်…ကျွန်တော်သူမကိုလွမ်းရင် လာမျှော်လေ့ရှိသော သူမတို့အိမ်အနောက်ဖက်ကိုတောင်ရောက်နေခဲ့ပြီဲ။
အဖြူရောင်နှစ်ထပ်တိုက်အိမ်လေးကတော့ အမှောင်အောက်မှာသူမဟုတ်သလို ငြိမ်ကုပ်လို့။ ညမီးအနီရောင်မှိန်မှိန်လေးထွန်းထားတဲ့အခန်းထဲက အပေါ်ထပ်ဘယ်ဘက်ထောင့်စွန်းက သူမအခန်းကိုကြည့်မိ။ အရာအားလုံးလှပစွာ သူမနဲ့အတူ အိပ်မောကျနေမှာပါ။ အိမ်နောက်ဖေးမြေကွက်လပ်မှာ သူမကိုယ်တိုင်စိုက်ထားသော ပန်းရနံ့မျိုးစုံက ကျွန်တော့်ရင်ဘတ်ထဲအထိ ရောက်လာလေသည်။ ဇာနည်ကကားပေါ်မှဆင်း၍ ကားနောက်ဖုံးထဲမှ အထုပ်တစ်ခုကိုယူလိုက်လေသည်။ ထိုခဏ၌ ကျွန်တော့်ဘယ်ဘက်ရင်အုံ ဟာခနဲဖြစ်သွားလေသည်။ အထုပ်ကိုသတိကြီးစွာထား၍ကိုင်ရင်း ဇာနည်ကခြံကိုကျော်တက်ဖို့အတွက် နေရာရှာနေသည်။
အထုပ်ထဲကဘူးကလေးထဲမှာတော့ သူမအတွက်ကျွန်တော်စုထားတဲ့ ပန်းမျိုးစေ့တွေကို အနီရောင်စွန်းနေတဲ့သူမရဲ့ လက်ကိုင်ပဝါလေးနဲ့ထုပ်လို့်…..နောက်ပြီး……နောက်ပြီး…….

ညကလည်း နှင်းမြူတွေသုတ်လိမ်းလို့
ပန်းရနံ့တွေထုံနေတုန်း
ဒါပေမယ့် လမင်းနဲ့အတူ ကြယ်တွေက
ကျွန်တော့်အတွက် ငိုကြွေးနေလားမပြောတတ်…
အရောင်တွေမတောက် မှိန်ဖျော့တော့စွာ…





ဇာတ်သိမ်း

အာဒမ်ကအရာရာကို အံတုပြီး ဘုရားသခင်က သူ့ဘယ်ဘက်နံရိုးနဲ့ သွန်းလုပ်ပေးထားတဲ့ ချစ်သူ ဧဝ အတွက် ပန်းသီးတစ်လုံးဆွတ်ခဲ့တယ်။
ကျွန်တော်ကဖြစ်နိုင်ရင် ကမ္ဘာပေါ်မှာမရှိသေးတဲ့ ပန်းဥယျာဉ်အသစ်တစ်ခု နှလုံးသားနဲ့ ဖန်ဆင်းပေးချင်တာပါ။

အရှေ့ဆီမှာရောင်နီနိုးလာပြီ။ ညအမှောင်ထုကိုခွဲပြီး ပထမအလင်းတန်းတွေထိုးထွက်တော့ ကောင်းကင်မှာ အမည်းနဲ့ အပြာရောင်ကဘောင်အနားကွပ်လို့ ခရမ်းနုရောင်၊ ပန်းဆီရောင်၊ လိမ္မော်ရောင်၊ အဝါရောင်နဲ့ အနီရောင်အပြင် မနက်ခင်းအရောင်စုံက နေမင်းကြီးထွက်အလာကို ခစားနေကြတယ်။
ငှက်ကလေးတွေလည်း အိပ်မှုန်စုံမွှားနဲ့ အချင်းချင်းတွတ်ထိုးလို့။
သာယာလိုက်တာ…..

ဇာနည်ပြန်သွားပြီ်။ ကျွန်တော်ခြံအနောက်ဘက်က ဒန်းလေးပေါ်မှာထိုင်ရင်း မနက်ခင်းရဲ့သံစဉ်ကို ကြိုးညိုနေမိတယ်။ တစ်ခြားပန်းပင်တွေ ဝိုင်းအုံနေတဲ့အလယ် ဇာနည်ခုနကတူးဆွသွားတဲ့နေရာကို မမှိတ်မသုန်စိုက်ကြည်နေတုန်း ကျွန်တော်အရမ်းပျော်သွားတယ်။ ကျွန်တော့်အနှစ်နှစ်အလလက ဆုတောင်းတွေပြည့်ပြီပေါ့။

နေရောင်ခြည်ရဲ့ အနမ်းထိုမြေပြင်ပေါ်ကိုရောက်ရှိတာနဲ့ ပင်စည်လေးတစ်ခုမြေကြီးထဲကထိုးထွက်လာတယ်။
နောက်ပြီး ပင်စည်ကနေကြီးထွားလာလိုက်တာ အကိုင်း၊ အခက်၊အလက်၊ အရွက်တွေနဲ့ခဏချင်းဝေဆာလို့ပေါ့။
အပင်လေးက ကျွန်တော့်ခါးအလယ်လောက်ရောက်တော့ ဆက်မတက်တော့ဘူး။ ရပ်သွားတယ်။ ကျွန်တော်လည်း မျက်လုံးမှိတ်ပြီး ကျွန်တော့်ဆီမှာရှိသမျှ စိတ်စွမ်းအားတွေ စုစည်းပြီး အပင်လေးထဲ မှာ အာရုံစူးနှစ်ထားလိုက်တယ်။ နောက်ခဏအကြာ ကျွန်တော်အမျိုးအမည်မသိတဲ့ စိတ်ကိုကြည်နူးစေတဲ့ရနံ့လေးတစ်ခုရလိုက်လို့ မျက်လုံးဖွင့်ကြည့်လိုက်တော့ ထူးဆန်းတဲ့ပန်းလေးတစ်ပွင့် ခုနကအပင်လေးထိပ်က အရွက်လေးတွေကြားထဲမှာပွင့်လို့။
သူ့အရောင်အဆင်းက မနက်ခင်းအရောင်လိုပါပဲ။ စုတ်ချက်ပိုင်တဲ့ ပန်းချီဆရာတစ်ယောက် နူးညံ့တဲ့ အရောင်အားလုံးကိုစပ်ပြီး သေသေချာချာ အနုစိတ်ခြယ်ထားလိုက်တော့ နာမည်တပ်လို့မရသလို ကျွန်တော်အရင်က မမြင်ဘူးသေးတဲ့အရောင်ပါ။ သူ့ရနံ့ကလည်း ကောင်ကင်အထိကိုပျံ့လွင့်ပြီး ရနံ့ရသူတိုင်း သူတို့ငယ်ဘဝကပျော်ရွှင်မှုတွေကို ပြန်တွေးမိသလိုမျိုး စိတ်ကိုကြည်နူးစေတာပေါ့။ သူ့ရနံ့ရလို့လားမသိဘူး ခြံထဲမှာရှိတဲ့ တစ်ခြားအပင်ပေါင်းစုံကလည်း အပြိုင်အဆိုင်ပွင့်လာကြတာ အလှပေါ်အယဉ်ဆင့်သလို ဝန်းကျင်တစ်ခုလုံး သင်းထုံလို့ပေါ့…..

ကျွန်တော်အရမ်းကိုပျော်မြူနေတုန်း သစ်ရွက်ခြောက်နင်းသံကြားတော့ အနောက်ကိုလှည့်ကြည့်မိတယ်။ သူမ…..သေချာတော့ပေါ့ ကျွန်တော့်နတ်သမီး….အပင်တွေကိုမနက်ခင်းအစောပိုင်းရေလောင်းနေကျ သူမ….. ညအိပ်ဝတ်စုံအဖြူရောင် လေးနဲ့ ရေပုံးနဲ့ရေခွက်လေးကိုကိုင်ပြီး တအံ့တသြနဲ့ ကျွန်တော့်မျက်နှာချင်းဆိုင်မှာရပ်နေတယ်။ သူမဆံနွယ်ရှည်တွေကလည်း ကပိုကယိုနဲ့ပုခုံးကိုမှီလို့…မိန်းကလေးတစ်ယောက်ရဲ့အလှကို သိချင်ရင် မနက်ခင်းအိပ်ယာထတဲ့ အချိန်ကိုကြည့်တဲ့။ တကယ်လို့သာအဲဒီလိုကြည့်ရရင် ကျွန်တော့်နတ်သမီးကအလှဆုံးနေမှာပါ။ ကျက်သရေရှိတဲ့သူမမျက်နှာပေါ်မှာ ဝိုင်းစက်အရောင်တောက်တဲ့မျက်လုံးတွေက အရောင်ပိုတောက်လို့ သူမနှုတ်ခမ်းလေးကလည်း လေးကိုင်းလိုကွေးညွှတ်လို့ အံ့သြနေလေရဲ့။ ကျွန်တော်က ယောင်ပြီးသူမနာမည်ကို လှမ်းခေါ်မိတယ်။ ဒါပေမယ့် မသိသလိုနဲ့ ကျွန်တော့်ကိုယ်ခန္ဓာရှိတဲ့နေရာကို တိုး…ဝင်…ခွဲ…ထွက် ပြီး ပန်းပွင့်ရှိရာကိုပြေးသွားလေရဲ့။ နောက်ပန်းပွင့်လေးကို ကိုင်ကြည့်ပြီး သူမတစ်ကိုယ်တည်း…

“ဟယ်…လှလိုက်တာ….အနံ့လေးကလည်းသင်းလို့”

“နေပါဦး…ဒီပန်းပင်လေးက ဘယ်လိုလုပ်ီခြံထဲကိုရောက်နေပါလိမ့်?” သူမတစ်ကိုယ်တည်း ရေရွတ်ရင်း ကလေးတစ်ယောက်လိုပျော်ရွှင်စွာ မြူးပျော်နေလေရဲ့…

“အော်..ဟုတ်ပြီ ဒီနေ့မင်္ဂလာဆောင်ဝတ်စုံလေးနဲ့ဆိုရင် ဒီပန်းလေးကအရမ်းလှမှာ….”

“ဟာ… တစ်ခြားပန်းတွေလည်းပွင့်လို့ပါလား……..”

သူမအရမ်းပျော်ပြီး ကလေးလေးတစ်ယောက်လို ပန်းလေးတွေကြားမှာ ခုန်ပေါက်နေတာပေါ့၊ အဲဒီမြင်ကွင်းကိုကြည့်နေရင်းကျွန်တော်မှာ ပျော်ရွှင်ခြင်းနဲ့ ဝမ်းနည်းခြင်းရယ်လွန်ဆွဲနေတယ်။ အရမ်းပျော်ရရင် ငိုရတတ်တယ်တဲ့။ ဒါနဲ့ကျွန်တော်အပျော်တွေကိုပဲ သိမ်းပိုက် အနိုင်နဲ့ပိုင်းပြီး သူမတို့ခြံထဲကနေလှည့်ထွက်လာခဲ့တယ်။
ကျွန်တော့်လက်ဆောင်လေးနဲ့ မင်္ဂလာဆောင်မှာ သူမဒီနေ့အစွမ်းကုန်ကို လှနေမှာပါ။ နောက်ပြီး ခေါင်းလောင်းသံတွေဝေဆာနေတဲ့ ဘုရားကျောင်းထဲက တွေ့သမျှလူတွေကလည်း သူမကိုငေးမောနေမှာပေါ့။ သူမတို့နှစ်ယောက်ဘဝတစ်သက်တာ ပျော်ရွှင်နိုင်ပါစေ။

ကျွန်တော့်ခြေလှမ်းတွေက ထွက်ပြူစနေမင်းကြီးဆီကိုဦးတည်လို့….
အလင်းတန်းတွေရောပြွမ်းနေတဲ့နေရာဆီကို လေပြည်ကိုဆန်ရင်း ကူးခတ်ဆဲပေါ့…
စိတ်ထဲမှာ မျိုးကြီးရဲ့ သူစိမ်းတစ်ယောက်ပါဆိုတဲ့ သီချင်းကိုဆိုညည်းရင်း….

မှောင်လွန်းတဲ့ဘဝမှာ သေတဲ့အထိဆက်ချစ်မှာ
ငါ့အတွက်တစ်ထောင့် တစ်နေရာမှာနေထိုင်ဆဲ
သေသည့်တိုင်ဒီဘဝထဲ ငါမင်းသာအချစ်ဆုံးပဲ
ဒီမှာအသက်နဲ့အမျှ ရှင်သန်ဆဲ

ဆုံမှတ်တို့လွဲချော်ခဲ့ မျော်လင့်ချက်မဲ့နေခဲ့
ဘယ်ဘဝမှတို့ပြန်ဆုံတွေ့ခွင့်ရှိနိုင်မလဲ အခုတော့
သူစိမ်းတစ်ယောက်ပါ…..

(D’vine)

ကိုတိုးကြီး

ဟေး…ပင်လယ်..
ဟေး…လှဲအိပ်နေတဲ့ ပင်လယ်
အခုထစမ်း..သင့်ဆီငါလာတယ်..
(တာရာမင်းဝေ)

အဲဒီလိုနဲ့ပဲ..လူတစ်ယောက်ဟာ ပင်လယ်ရဲ့ကြမ်းပြင်အောင်ကို ရောက်ရှိသွားခဲ့တယ်။
သူနဲ့အတူ ပူလောင်ခြင်းတွေလည်းပါရဲ့၊ သစ္စာဖောက်ခံရမှုအတွက် တနုံနုံဆွေးမြေ့မှုတွေလည်းပါရဲ့၊
တစ်ဘဝလုံးအတွက်ပုံအောထားသမျှတွေ..အားလုံး..အားလုံးပါပဲ၊ အနှစ်နှစ်အလလ နဖူးကချွေး
သင်္ဘောကြမ်းပြင်တွေ၊ ဖုန်မှုန့်တွေ၊ သံမှုန့်၊ သဲမှုန့်တွေအပေါ်ကျထားခဲ့ရသမျှ..
ဒီလမ်းကိုလိုက်တဲ့အတွက် ကျန်ရစ်သူတစ်ချို့က ပျော့ညံလှချည်လားလို့ စုတ်သတ်ကြလိမ့်မယ်၊
တစ်ချို့ကလည်း အဖန်ငါးရာ ငါးကမ္ဘာမှာ ကျင်လည် ရတော့မှာပဲဆိုပြီး ကရုဏာ သနားကြမယ်၊
တစ်ချို့ကလည်း သတ္တိရှိတယ်လို့ပြောတယ်..ပြောချင်ရာတွေပြောကြ..သူကတော့
ပင်လယ်ကြမ်းပြင်အောက်ကို ရောက်ရှိသွားခဲ့တော့တယ်..

XXXXXXXXXXXXXXXXXXXXXXXXXX XXXXXXXXXXXXXXXXXXXXXXXXXXXXXXXXXXX

ဟေ့လူကြီး..ခင်ဗျားမိန်းမမယူသေးဘူးလား…
အဲဒီလိုမေးလိုက်တိုင်း ကိုတိုးတစ်ယောက်အမြဲတမ်းပြုံ: ပြတတ်တယ်.. အေးပေါ့ဗျာ..လာမယ်ကြာမယ်ပေါ့..
သူ့ပုံစံအတိုင်း ဖြေးဖြေးနဲ့အေးအေးလေးပြန်ပြောတတ်တယ်။
သူ့ဘဝက သင်္ဘောကျင်း၊ ဒီသင်္ဘောကျင်းကြီးကသူ့ဘဝ။ မနက်ဆို အလုပ်လုပ်ဖို့ ဥသြဆွဲသံနဲ့အတူ အလုပ်တက်၊ သံမှုန်၊ဖုန်မှုန့်တွေကြားမှာ… မှောင်မှောင်မိုက်မိုက် အောက်ဆီဂျင်လုံလုံလောက်လောက် မရှိတဲ့ သင်္ဘောတစ်စီးရဲ့ ဝမ်းဗိုက်ထဲမှာ… ချောင်ကြိုချောင်ကြားထဲမှာ…စက်သံ..အော်သံ..လွှတိုက်သံ..ဂဟေဆော်သံတွေကြားမှာ.. အသက်နဲ့ နပန်းလုံး၊ နေ့လည် မှာ၂ ကျပ်ဖိုးဖြစ်သလိုစား၊ စီးကရက်တစ်လိပ်သောက်၊ တစ်ရေးမှိတ်၊ အလုပ်ပြန်လုပ်၊ ညနေဥသြဆွဲတဲ့ အသံနဲ့အတူ ခြေလက်မသယ်ချင်သယ်ချင် အလုပ်ပြန်၊ ၈ယောက်အတူတူနေတဲ့တစ်ခန်းထဲဝင် ဖြစ်သလိုစား ပုတီးစိပ်၊ အိပ်…အဲဒါက ကိုတိုးရဲ့သမ္မစဉ်..
တစ်ခြားလူတွေလို အရက်မသောက်၊ ပိုကာမဆွဲ၊ အချိန်ပို ရရင် တရားထိုင်ရင်ထိုင် မထိုင်ရင်စာအုပ်တစ်အုပ်နဲ့ အေးအေးလူလူနေတတ်တဲ့လူ။
တစ်ရက်ကြတော့ ဓာတ်ပုံလေးတစ်ပုံကိုင်ရင်း ငိုင်နေလေရဲ့။ အခန်းဖော်တွေကတော့ ဒီလူကြီးမရိုးသားဘူးပေါ့။

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ဟေ့ညီလေး.. ငါသင်္ကြန်ပြန်လိုက်ဦးမယ်..
ဟောဗျာ..ဆိုင်းမဆင့်ဗုံမဆင့်..
အေးကွာ..အမေနဲ့ရွာကိုလွမ်းလို့..နောက်ပြီး ငါမပြန်ဖြစ်တာလည်း ၄နှစ်လောက်ရှိပြီကွ..
ဟိုဓာတ်ပုံလေးနဲ့ရောဆိုင်လား
ဟားဟားဟား..မင်းကတော့တော်တော်အကင်းပါးတဲ့ကောင်..နဲနဲ့တော့ဆိုင်တယ်..
ကျွန်တော်အကင်းပါးတာမဟုတ်ပါဘူးဗျာ..ကိုတိုးကြီးက ပေါ်တင်ကြီး..
ကျွန်တော်အဲဒီလိုပြောလိုက်တော့.. အရင်ကလို တစ်ခါမှမပြုံးဘူးတဲ့အပြုံးနဲပြုံးရင်း…
အချစ်လေကွာ
အချစ်..ကြီးမှဝက်သက်ပေါက်တာပေါ့ကွာ…

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

နှစ်ဟောင်းကုန်လို့ နှစ်သစ်ရောက်ပြီ..ပိတောက်ပင်တွေလည်း အင်္ကျီလဲဝတ်ပြီးပြီ..ကိုတိုးတစ်ယောက်ပြန်မလာသေး။
ပြန်လာတဲ့လူတွေပြောတာတော့ သူ့ရွာမှာထမင်းရည်ချောင်းစီးအလှူပေးပြီး ကိုတိုးတစ်ယောက်မိန်းမယူပြီ။ ဂေါ်မစွံလူပျိုကြီးမဟုတ်တော့။ အိမ်ထောင်ဦးစီးကိုတိုးကြီးဖြစ်ပြီ။
နောက်တစ်လလောက်ကြာမှ ကိုတိုးရောက်လာသည်။ အရင်ကကိုတိုးမဟုတ်တော့။ ကြည့်လိုက်တိုင်းပြုံးပြုံးရွှင်ရွှင် ရီရီမောမော..အလုပ်ထဲမှာဆိုရင်လည်း တက်တက်ကြွကြွ ရွှင်ရွှင်လန်းလန်း အလုပ်ကိုလည်း နှစ်ဆတိုးလုပ်လာလို့ အလုပ်သမားခေါင်းကတောင် လျှော့လုပ်ဖို့တားရသည်။
သြော်…အချစ်ကလည်း ကိုတိုးတစ်ယောက်ကို အင်္ကျီလဲဝတ်ပေးလိုက်လေပြီ၊

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ကိုတိုးတစ်ယောက် အရင်ကလို တရားလည်းမထိုင်တော့။ ကျွန်တော်တို့နဲ့အတူ တစ်ခွက်တစ်ဖလားချရင်း စကားကိုလည်း အာဝဇ္ဖန်းရွှင်ရွှင်ဖြင့်ပြောတတ်လာသည်။ နဂိုထဲက စာဖတ်များသူဖြစ်သောကြောင့် သူ့စကားများကလည်း ကျွန်တော်တို့အားလုံးအတွက် အသစ်တွေချည်း။ မေးကြည့်တော့ သူနဲ့သူ့ရဲ့မမအကြောင်းကိုလည်းပြောပြသည်။
ငါတို့နှစ်ယောက်က အွန်လိုင်းမှာတွေ့တာကွ။ ငါထက်တော့အသက်ကလေးမဆိုသလောက်ကြီးတယ်။ ဒါပေမယ့်ကွာ မင်းသိတဲ့အတိုင်း အချစ်မှာ မျက်စိမှမရှိတာ။ အသက်ဆိုတာကတော့ ဝေလာဝေး…
ညအိပ်ခါနီးလာရင် ကိုတိုးတစ်ယောက် ဖုန်းတစ်လုံးနဲ့အလုပ်ရှုပ်နေပြီ။
မရယ်..မောင်လည်းလာချင်တာပေါ့..ရှေ့ရေးအတွက် … မရယ်..
မ…မောင့်ကိုချစ်တယ်မလား…
စသည်ဖြင့် ဖုန်းကြီးကိုကိုင်ရင်း မျက်ရည်ဖြိုင်ဖြိုင်ကျသည့်အခါကျသည်။ သဘောကျရင်း အော်ကြီးဟစ်ကျယ်လည်း အော်ရီချင်ရီနေတတ်သည်။
ရူးသွားပြီ။ လေလှိုင်းတွေကြားထဲမှာ ကိုတိုးတစ်ယောက် အကြီးအကျယ် အချစ်ရူးရူးသွားလေပြီ။

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

တစ်ညတော့ ကိုတိုးကြီးတစ်ယောက် ဖုန်းကို ငိုင်ပြီး အခန်းထောင့်မှာ ငူငူကြီးထိုင်နေသည်။
စကားလည်းမပြော။ ကျွန်တော်တို့မေးတော့လည်း မထူး။ အဲဒီနေ့မှစ၍ ဘယ်သူနဲ့မှလည်း စကားမပြောတော့။
အလုပ်ထဲတွင်လည်း အရင်လိုမဟုတ်တော့။ အားလုံးကိုလည်း ရှောင်နေတတ်လေသည။် သူ့ဝသီဆိုပေမယ့် ကြာလာသည့်အခါ မသင်္ကာတော့။ ကိုတိုးကြီးဘာဖြစ်ပြန်သနည်း။
တစ်ခြားလူတွေပြောတာတော့ သူ့ဇနီးအသစ်စက်စက်လေးက ဖောက်ပြန်သွားသည်။ အနှစ်နှစ်အလလ ကိုတိုးစုထားသည့် ပိုက်ဆံများလည်း နောက်ထပ်တစ်ယောက်နှင့် ကုန်အောင်သုံးဖြုန်းပစ်သည်။
ကိုတိုး၏ လက်ရှိအဖြစ်ကိုကြည့် ရင်းဖြစ်နိုင်ချေရှိနေသည်။ သို့သော်လည်း သူပို၍ စိတ်မကောင်းမဖြစ်အောင် တမင်တကာ မမေးမိ။ သူကလည်း လူတွေနဲ့ ကြာလာလေ ဝေးဝေးနေနေသည်။

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ဟ..ရှာကြပါဦးဟ…ခုချိန်ထိ မတွေ့သေးဘူး။
အလုပ်ထဲတွင် ကိုတိုးပျောက်သွားသည်။ လူတွေခွဲ၍ လိုက်ရှာသည်။ သင်္ဘောကျင်း၏ ချောင်ကြိုချောင်ကြားမှန်သမျှ သူသွားတတ်သောနေရာမှန်သမျှ။ မတွေ့။
နေ့လည် ထမင်းစားချိန်ကတောင် နောက်ဆုံး တွေ့လိုက်သေးတယ်။
တွေ့ပါပြီ။ ကိုတိုးရဲ့ အလုပ်သမားဦးထုပ်၊ မျက်မှန်၊ ဖိနပ်၊ အလုပ်သုံး ပစ္စည်းအားလုံးကို ဆောက်လက်စ သင်္ဘောတစ်ခုရဲ့ အနောက်ပိုင်းမှာ စနစ်တကျ ပုံထားသည်။ ဘေးတွင်တော့ ဖုန်တွေကြားထဲမှာ ထင်းနေသည့် ခြေရာများ၊ ခြေရာတွေဦးတည်နေသည်က ပင်လယ်။

သေချာသွားပါပြီ။ ကိုတိုးတစ်ယောက်ခံစားမှု့အဆုံးအစွန်သို့ရောက်ရှိသွားပြီ။ အဆုံးသတ်မလှသောဘဝတစ်ခု နိဂုံးချုပ်ခဲ့လေပြီ။
အနောက်ဘက်တွင်လည်း ပင်လယ်အောက်သို့ နေလုံးဝင်ရောက်ပျောက်ကွယ်သွားတော့သည်။


XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ဟေး…ပင်လယ်..
ဟေး…လှဲအိပ်နေတဲ့ ပင်လယ်
အခုထစမ်း..သင့်ဆီငါလာတယ်..
(တာရာမင်းဝေ)

တစ်ခါက မဝါ

တစ်ခါကအဆောင်တွင် ကျွန်တော့်ကိုယ်ပိုင်နံပါတ် သည် ၆၆၅ ဖြစ်သည်။ တစ်ည ကျွန်တော်တို့ လူစုမအိပ်ပဲနှင့် အဆောင်သစ်ဆောက်လက်စ တန်းလျားရှိ ကွမ်းယာဆိုင်သို့ ခိုးကြောင်ခိုးဝှက်ချီတက်ခဲ့ကြသည်။ ကွမ်းယာဆိုင်လေးမှာ အသစ်ဆောက်နေသော အဆောင်သစ်မှ အလုပ်သမားများအတွက် နေ့လည်နေ့ခင်းတွင်ဖွင့်လှစ်ရောင်းချခြင်းဖြစ်သည်။ သို့သော်လည်း ကျွန်တော်တို့လူစု မီးပိတ်အိပ်ချိန်တွင် မအိပ်ပဲ အဆောင်မှလစ်ကာ ခဏ ခဏ လာလေ့ရှိသောကြောင့် သဘောကောင်းသော ဆိုင်ရှင်ဦးလေးကြီးက ညပိုင်းတွင်လည်း အအိပ်ပျက်ခံကာ ဖွင့်လှစ်ပေးလေသည်။ ကျွန်တော်တို့ လူစုအတွက်တော့ မဟာအခွင့်အရေးပင်ဖြစ်သည်။ အဆောင်တွင် ဆေးလိပ်မသောက်ရ၊ ကွမ်းမစားရ၊ ဂစ်တာမတီးရ၊ ညဘက်လူ ၅ယောက်ထက်ပိုမစုရ၊ ဘာမလုပ်ရ၊ ညာမလုပ်ရ စသည့် စည်းကမ်းပေါင်းသောင်းခြောက်ထောင် ကြားထဲမှ ထိုကွမ်းယာဆိုင်လေးသည် ကျွန်တော်တို့ အားလုံး၏ ညခင်းဘက်အိုအေစစ်လေးပင်ဖြစ်သည်။

တစ်နေ့တာပင်ပန်းနွမ်းနယ်နေသမျှ ထိုဆိုင်လေးရောက်သည်နှင့် အမောပြေလေသည်။ ဆေးလိပ်သောက်ချင်သူကသောက်၊ ကွမ်းယာစားချင်သူကစား၊ လက်ဖက်သုပ်စားရင်း ရေနွေးကြမ်းနှင့် လေပေါသူကပေါ၊ ဆိုင်တွင်ချိတ်ထားသည့် မုန့်မျိုးစုံထဲမှ တစ်ထုပ်ပြီးတစ်ထုပ်စားချင်သူကစား၊ ဂစ်တာတီးချင်သူက တီး၊ ဆိုချင်သူကဆို စသည်ဖြင့် ကျွန်တော်တို့အားလုံး၏ တစ်နေ့တာ ပင်ပန်းသမျှ အပန်းဖြေလို့ရသည်။ တစ်ခါတစ်ခါ ကျွန်တော်တို့၏ ရီသံက အမှောင်ထုထဲသို့ တိုးထွက်လာတတ်သည်။ ကျွန်တော်တို့အားလုံး အမောပြေရသည့်နောက်ထပ်အကြောင်းအရင်းတစ်ခုမှာ ဆိုင်ရှင်ဦးလေးကြီး၏သမီး မဝါဖြစ်သည်။ သူမသည် လှသည်။ တစ်နေ့လုပ်စာ တစ်နေ့စားရသော သူမတို့ မိသားစုတွင် အလှအပအတွက် အချိန်ပေးရန်မရှိသလို အင်အားလည်းမရှိ။ ထို့ကြောင့် မျက်နှာတွင်လည်းဘာမှ လိမ်းခြယ်လေ့မရှိ။ သို့သော်လည်း မဝါသည်လှသည်။ ပင်ပန်းနေသောမျက်နှာပေါ်တွင် တောက်ပသောအပြုံးတစ်ခုတွေ့ရခြင်းဖြင့်ပင် ကျွန်တော်တို့အတွက်တော့ မဝါသည် လမိုက်ည၏ လမင်းတစ်စင်းပင်ဖြစ်သည်။ ထိုအလင်းကြောင့်ပင် သူမကို မဝါဟုကျွန်တော်တစ်ယောက်တည်းက နာမည်ပေးထားခြင်းဖြစ်သည်။


သူမသည် နေ့ခင်းဘက်တွင် အဖေ၏ကွမ်းယာဆိုင်တစ်ပိုင်း ကုန်စုံဆိုင်ဝိုင်းကို ဦးစီးသလို ဆယ်တန်းကျောင်းသား ဂိုက်လည်းလုပ်သည်။ ညခင်းဘက်တွင် နိုင်ငံခြားဘာသာတက္ကသိုလ်တွင် ဂျပန်ဘာသာသင်နေသည်။ ထို့အတူ LCCI level 3 လည်းအောင်ပြီးသားဖြစ်သည်။ စကားပြောကြည့်ခြင်းဖြင့်လည်း သူမသည် ခေသူမဟုတ်ကြောင်းကျွန်တော်သိသည်။ ထို့အတူ ကျွန်တော့်သူငယ်ချင်းအားလုံးလည်းသိသည်။ တစ်ယောက်နှင့်တစ်ယောက် ပါးစပ်မှဖွင့်ဟ မပြောကြသော်လည်း မဝါသည် နှစ်သက်ဖွယ်ကောင်းသော မိန်းကလေးတစ်ယောက်ဖြစ်မှန်း ကျွန်တော်တို့အားလုံး အတည်ပြုထားပြီးဖြစ်သည်။ ထိုသို့ဖြင့် ကျွန်တော်တို့၏ ညခင်းများစွာမှာ အိမ်ဆိုင်၏ ဝါကျင့်ကျင့်ဖယောင်းတိုင်မီးရောင်အောက်တွင် မဝါနှင့် သူ့ထက်ငါ စကားတွေဖောင်ဖွဲ့ရင်း ကုန်လွန်ခဲ့ကြသည်။

သို့သော်တစ်ညတွင် ကျွန်တော်တို့လူစုထိုကဲ့သို့ လစ်လစ်နေကြောင်းကို ကင်းသမားက အဆောင်မှုးအားသတင်းပို့သည်။ ထို့ကြောင့်မနက်တန်းစီလူစစ်ချိန်တွင် ထိုကိစ္စကိုရှေ့တန်းတင်၍ တာဝန်ခံက မလိုအပ်ပါပဲနှင့် ရင့်ရင့်သီးသီးစကားလုံးများဖြင့် ဓာတ်ပြားဟောင်းဖွင့်သည်။ ကျွန်တော်တို့လူစုလည်း သုံးပတ် အိမ်ပြန်ခွင့် အပိတ်ခံရသည်။ မလိုအပ်သော စည်းကမ်းများကို ခဏခဏ ဖောက်ဖျက်နေကြ ကျွန်တော်တို့အတွက်က ကိစ္စမရှိ။ မဝါတို့ကွမ်းယာဆိုင်ကတော့ အနှင်ခံလိုက်ရလေသည်။ ထို့အတွက် ကျွန်တော်တို့အားလုံးက သာ၍စိတ်မကောင်းဖြစ်မိသည်။ ရိုးရိုးသားသားလုပ်ကိုင်စားသောက်နေသော မိသားစုအတွက် ထိုအပြစ်ပေးမှုသည်လွန်လွန်းနေသည်။ ထို့အတူ တာဝန်ခံပါးစပ်မှထွက်သည့်စကားလုံးများက ကျွန်တော်တို့အားလုံးအား ခံပြင်းစေလေသည်။ သို့သော်ကျွန်တော်တို့ အားလုံး မတတ်နိုင်။

ဤသို့ဖြင့် မဝါသည် ကျွန်တော်တို့အားလုံးနှင့် တိကနဲ အစိမ်းသက်သက်ဝေးခဲ့ရသည်။ ခုချိန်ဆိုလျှင် အိမ်ထောင်ရှင်မကောင်းတစ်ယောက်ဖြစ်ကာ အိမ်တစ်ဆောင်မီးတစ်ပြောင်ဖြင့်ဖြစ်နေလောက်မည်။ သို့မဟုတ်ပါကလည်ူး မိသားစုအတွက် ရုန်းကန်ဆဲပင်ဖြစ်ကောင်းဖြစ်မည်။ မီးတိုင်မှိန်မှိန်ကြားမှ ခပ်နွမ်းနွမ်းအပြုံးတစ်ပွင့်ကို ပန်ဆင်ရင်း စကားတွေဖောင်ဖွဲ့တတ်သည့် လမိုက်ည၏ လမင်းတစ်စင်းကို ကျွန်တော်တို့သူငယ်ချင်းအားလုံးကတော့ အလျဉ်းသင့်သလို သတိရနေဦးမည်ဖြစ်သည်။

အဘိုးအို

အဘိုးအိုတွင် အိမ် (သို့) တဲတစ်လုံးရှိသည်။ သူ့တဲ၏ဘေးပတ်ဝန်းကျင်တွင် စမ်းချောင်းတစ်ခုက တသွင်သွင်စီးဆင်းလျှက်… သူစိတ်ညစ်ညူးသည့်အခါတိုင်း စီးဆင်းနေသောစမ်းချောင်းထဲတွင် ရေစိမ်လေ့ရှိကာ သူ့စိတ်အစဉ်ကို ပြန်လည်သန့်စင်တတ်သည်။ စက္ကန့်တိုင်းတွင် စီးဆင်းခဲ့သောရေများသည် အတိတ်၊ အခုသူ့ကိုယ်ကို ပွတ်တိုက်ထိတွေ့နေသော အေးစက်နေသည့်အတွေ့သည် ပစ္စုပ္ပန်၊ အနာဂတ်ကတော့ စမ်းချောင်း၏အထက်ပိုင်းမှ သူ့ဆီသို့ဖြေးညှင်းစွာတိုးဝင်စီးဆင်းလာမည်ဖြစ်သည်။ ထို့အတွက် ဘာမှစိုးရိမ်ပူပန်နေစရာမလိုသလို စီးဆင်းခဲ့သောအတိတ်များအတွက်လည်း နှမြောတသခြင်းမဖြစ်မိ လက်ရှိသူ့ကိုယ်အား ပွတ်တိုက်နေသောရေထုသည်သာလျှင် သူ့ဘဝဖြစ်သည်။ ထိုသို့ဖြင့် သူ့၏စိတ်အစဉ်သည်ပြန်လည် လန်းဆန်းကာငြိမ်းချမ်းသွားလေ့ရှိသည်။

သူ့တွင် ခြံမခတ်ထားသော ဥယျဉ်တစ်ခုလည်းရှိသည်။ ထိုဥယျဉ်ထဲတွင် သူ့၏မျှော်လင့်ခြင်းများကို နေ့စဉ်နေ့တိုင်း အရုဏ်ဦး၏ရောင်ခြည်အချို့နှင့်အတူ ပျိုးထောင်ပေးလေ့ရှိသည်။ သူ့ဥယျာဉ်ထဲတွင် စိုက်ပျိုးထားသော မျှော်လင့်ခြင်း၏ အသီးအပွင့်များနှင့် ပန်းပေါင်းစုံ၏ အလှတရားများကို လိပ်ပြာများ၊ ငှက်ငယ်များ၊ ရွာထဲရှိမိန်းမပျိုများ၊ ကာလသားများ၊ မုဆိုးမ၊ ခေါင်းရွက်ဗျတ်ထိုးဈေးသည်များ၊ ရွာ၏ အပယ်ခံများသာမက အရူးအဆုံး မည်သူမဆို အလိုရှိသလို ယူငင် အသုံးချစေသည်။ မည်သည့်ပညတ်ချက်မှမထား။ ထို့အတွက်လည်း တံခါးနှင့်ဓားမရှိစေရန်အတွက် ခြံမခတ်ထားခြင်းဖြစ်သည်။ သူ့၏ဥယျာဉ်သည် နတ်တို့ဖန်ဆင်းသောဥယျာဉ်အလား မြင်သူတိုင်း စိတ်ကြည်နူးခြင်းတစ်မျိုးကို ဖြစ်ပေါ်စေသည်။ ထိုသို့ ဖြစ်ပေါ်လာသော ပီတိတစ်ချို့နှင့် ဥယျာဉ်ထဲမှ ရာသီသီးနှံတစ်ချို့ကို သူ့ဘဝ၏ နေ့စဉ်အာဟာရအဖြစ်စားသုံးလေ့ရှိသည်။ ဤနည်းဖြင့် သူရှင်သန်သည်။

သူ၏ပန်ဝန်းကျင်တွင် ရေးဆွဲပြီးခဲ့သော ရေးဆွဲလက်စနှင့် ခေါင်းစဉ်တပ်ကာ ဘာမှမဆွဲရသေးသော ပန်းချီကား တစ်ချို့ရှိသည်။ ထိုကားများအတွက် မည်သည့်နည်းဖြင့်ရေးဆွဲမည်ဟု သူ့စိတ်ထဲတွင် သတ်မှတ်မထား၊ သူ့စိတ်ထဲတွင်ပေါ်လာသော နည်းစနစ်ဖြင့် တစ်ခါတစ်လေ ကင်းဗတ်စ၊ တစ်ခါတစ်လေ တောင်နံရံများ၊ တစ်ခါတစ်လေ သစ်ပင်များတွင် ဓားဖြင့်ချိုင်၍ လည်းကောင်း တစ်ခါတစ်လေ လှေကားထောင်၍ သစ်ပင်ပေါ်မှ သစ်ရွက်များကို အပေါက်ကလေးများဖောက်၍ လည်းကောင်း သူစိတ်လွတ်ကိုယ်လွတ်ရေးဆွဲလေ့ရှိသည်။ နေရောင်ထိုးသောအခါ ထိုသစ်ရွက်များကို ဖောက်၍ မြေပြင်ပေါ်သို့ကျနေသော အရိပ်များမှာ သူ့အိမ် (သို့) တဲ ပတ်ဝန်းကျင်တွင် လေဝှေ့တိုင်း ယိမ်းထိုးနေခြင်းဖြင့် ကင်းဗတ်စပေါ်တွင် ငြိမ်သက်နေသော Static Art အပြင် Dynamic Art တစ်ချို့ကိုလည်း သူဖန်တီးတတ်သည်။ သဘာဝအလှတရားသည် သူ့အသက်ရှုသံဖြစ်၍ သွေးကြောများထဲတွင် စိမ့်ဝင်စီးဆင်းလှည့်ပတ်လျှက်ရှိသည်။ ထိုနည်းဖြင့် သူအသက်ရှုသည်။

ညနေခင်းများတွင်တော့ သူ့၏ အိမ်ပတ်ဝန်းကျင်ရှိ အမှိုက်သရိုက်များကို လှည်းကျင်းသန့်စင်လေ့ရှိကာ ရွာအဝင်အထွက်လမ်းရှိ ရေအိုးစင်ကိုလည်း ရေပုံမှန်ဖြည့်ပေးလေ့ရှိသည်။ ထိုရေအိုးတွင်ထားသော အုန်းမှုတ်သောက်ရေခွက်၏လက်ကိုင်ကိုလည်း ကနုတ်ပန်းနွယ်ပန်းလက်များ ဖြစ်စေရန် သူကိုယ်တိုင် ဓားဖြင့်အနုစိတ်ထားသည်။ ထိုသောက်ရေခွက်သည်လည်း ခဏခဏပျောက်တတ်သလို ရွာသားတစ်ချို့ကလည်းဖျက်ဆီးတတ်ကြသည်။ ထို့သို့ပျောက်သွားတိုင်း ကျိုးပဲ့သွားတိုင်း အဘိုးအိုကဘာမှမပြော မညည်းတွားပဲ နောက်ထပ်အသစ်တစ်ခုကိုသာပြန်လည် ထုလုပ်လေ့ရှိသည်။ ထို့အတွက် စိတ်အားခိုင်းစရာ အလုပ်တစ်ခုအသစ်တစ်ဖန်ပြန်လည်ရစေသည့်အတွက် ပျော်ပင်ပျော်မိသေးသည်။ သူ့အုန်းမှုတ်ခွက် လက်ကိုင်၏လက်ရာမှာလည်း တစ်နေ့တစ်ခြားပိုမိုကောင်းမွန်လာလေ့ရှိသည်။

ညနေစောင်းလျှင်တော့ တောင်ပေါ်ရှိ ထုံးသုတ်ထားသောစေတီဖြူဖြူရှေ့တွင် တရားထိုင်ကာ ဝတ်ပြုလေ့ရှိသည်။ ထို့နောက် ဆည်းလည်းတို့၏ ပွတ်တိုက်ရိုက်သံများကို နားဆင်ရင်း တိမ်တို့ဘာသာဘာဝ ဆည်းဆာနောက်ဆုံးအချိန်တွင် ရောင်စုံခြယ်ကာ ကွန့်မြူးနေကြခြင်း သူရိန်နေမင်း၏ အနောက်ယွန်းယွန်းတွင် ကျဆုံးခြင်းအကြောင်းကို နှလုံးသွင်းသည်။ ရေသည်စီးဆင်းနေသလို၊ နေသည်လည်း နိစ္စဓူဝ စီးဆင်းနေသည်ပဲ။ ထို့အတူ လူများ၊ တိရစ္ဆာန်များ၊ အောင်မြင်ခြင်း၊ ကျရှုံးခြင်း၊ တဏှာ၊ တပ်မက်မှု၊ တွယ်တာမှု၊ ပိုင်ဆိုင်လိုမှု၊ ပေးဆပ်ခြင်း စသည်စသည်ဖြင့် အရာအားလုံးသည် သဘာဝယန္တရားကြီးတစ်ခုပမာ စီးဆင်းနေကြသည်ပဲ။ ဆည်းဆာချိန်တွင် ရွှေအိုရောင်တောက်ပနေသော လယ်ခင်းများအပေါ်တွင် ဇရာဆိုသော အမှောင်အစက်အပြောက်များ တဖြည်းဖြည်းမင်းမူလာချိန်၊ တခြမ်းပဲ့လက အပြာရောင်နောက်ခံရေးရေးတွင် ခေါင်းပြူကြည့်နေချိန်၊ ရေခပ်ရာမှပြန်လာသော လုံမများရွာဝင်ချိန်၊ နွားရိုင်းသွင်းချိန်တွင်တော့ အဘိုးအိုလည်း တောင်အောက်သို့ပြန်လည်ဆင်းလာလေ့ရှိသည်။

ထို့နောက် သစ်သီး၊သစ်ဥတစ်ခုခုဖြင့် သူ၏ တစ်ယောက်တည်းသော ညစာစားပွဲကို ကျင်းပရင်း၊ တစ်ခါတစ်ရံညစာကိုရှောင်၍ ဥပုသ်ဆောက်တည်ခြင်းဖြင့် သူ၏ ဝမ်းမီးကို ငြှိမ်းသတ်လေ့ရှိသည်။ ထိုသို့စားသောက်ပြီးချိန်များ၌ ရွာအစွန်ဆုံးဘက်အခြမ်းတွင်ရှိသော သူ့တဲဆီသို့ ရောက်လာသော ကလေးများအား ကြယ်ရောင်စုံအောက်ရှိ ကွပ်ပျစ်ပေါ်တွင် ဘီလူး၊ နတ်သမီး၊ သူရဲကောင်း အစရှိသည့် ဒဏ္ဍာရီပုံပြင်များကိုပြောပြလေ့ရှိသည်။ အဘိုးအို၏ ပုံပြင်များမှာလည်း တစ်ပုဒ်နှင့်တစ်ပုဒ် ထပ်သည်ဟူ၍ မရှိပဲ စိတ်ဝင်စားစရာကောင်းသောကြောင့် ကလေးများက သဘောကျကြသည်။ ထို့အတူ ကလေးသဘာဝမေးသော မေးခွန်းများအားလည်း စိတ်ရှည်လက်ရှည်ဖြင့် ပြန်ဖြေလေ့ရှိသည်။ လသာသည့်ညများတွင်တော့ သူ့၏တယောအိုကိုထိုး၍ သီချင်းတစ်ပုဒ်ကို ညည်းဆိုနေတတ်သည်။ ထိုအချိန်တွင်တော့ အဘိုးအို၏ တယောသံနှင့်အတူ ညသည် အသက်ဝင်ကာ နုပျိုနေတတ်သည်။ သက်ကြီးခေါင်းချချိန်တွင်တော့ သူ၏ ခေါင်မလုံသော အမိုးက ကြယ်ပွင့်များကို ရေတွက်ရင်း အရာအားလုံးကိုမေ့ကာ နှစ်နှစ်ခြိုက်ချြိက်အိပ်ပျော်သွားလေတော့သည်။

ညစာ

နိဒါန်း

အနုပညာဆိုသည်မှာ နွားမထံမှ ညှစ်ယူရရှိသောနို့ရည်ကဲ့သို့ ဖြူပြစ်ပြစ်အရောင်နဲ့လား? ဒါမှမဟုတ် ဖြစ်ကတတ်ဆန်း ရေးဆွဲထားသော ခပ်ညံ့ညံ့ပန်းချီကား တစ်ချပ်ထဲမှ မညီမညာကောက်ကြောင်းလား? ဒါကတော့ မျောက်တစ်ကောင်ရဲ့အမြီးတွင် စုတ်တံချိတ်ပေးလိုက်ရင် ကိစ္စပြီးနိုင် ဟု သူထင်သည်။ သံစဉ်မညီမညာဖြင့် ရေးစပ်ထားသော သီချင်းတစ်ပုဒ်လား? လူတွေပြောကြသော အနုပညာ၊ သူလိုက်ရှာနေသော အနုပညာဘယ်မှာနည်း? လောက၏ ဖြစ်ရိုးဖြစ်စဉ် သဘာဝအလှတရားတစ်ခုလား? အမြဲတမ်းနူးညံ့သိမ်မွေ့နေသော ရှု့မျော်ခင်းများ၊ တောင်စဉ်တောင်တန်းများ၊ မိုနာလီဆာရဲ့အပြုံးလို ရီယယ်လစ်ဇင်အရာဝတ္တုများအကြောင်းလား?

အပိုင်းအစ ၁..

ထိုမြို့လေးတွင်ယခုလတ်တလောဖြစ်ပွားနေသော သတင်းမှာရေပန်းစားလှသည်။ ပန်းချီအနုပညာ ပြပွဲ ပြိုင်ပွဲတဲ့။ အနုပညာဆိုသောအရာမှာ အားကစားလို ယှဉ်ပြိုင်လို့ရသော ကိစ္စတစ်ရပ်လား? လူတစ်ယောက်၏ ခံစားမှု ကထွက်ပေါ်လာသော အမြင် ဘဝအတွေ့အကြုံ၊ ဘဝ၏ အစိတ်အပိုင်းဖြစ်သော လက်ရာများကို အဘယ်ကဲ့သို့သော စံများဖြင့် အမှတ်ပေးကာ ရွှေတံဆိပ်ချီးမြှင့်ကြမည်နည်း? အနိုင်၊ အရှုံးကို အဘယ်သို့သတ်မှတ်မည်နည်း? အမှန်တစ်ကယ်တော့ အနုပညာရှင်များသည် ချီးကျူးခြင်း၊ ကဲ့ရဲ့ခြင်းကို လူ့သဘော လူ့သဘာဝ ခန္ဓာကိုယ်ထဲတွင်ပြည့်ကျပ်နေသော မကောင်းသည့် လေများပြင်ပသို့ထွက်လည်သော ဖြစ်ရိုးဖြစ်စဉ် ကိစ္စကဲ့သို့သာသဘောထားသည်။ အဓိကအရာမှာ ဖန်တီးသူ၏ စိတ်ထဲတွင်ဖြစ်ပေါ်သော တင်္ဂဂ လက်ကနဲလင်းလက်သွားသော ခံစားမှုနှင့် သူတို့ရှု့ထောင့်မှ မြင်တွေ့ရသော လောကသဘာဝကို အရှိအရှိအတိုင်း အမြင်အတိုင်း လှည့်စားမှုမရှိ ပကတိရိုးစင်းစွာတင်ပြကြနိုင်ခြင်းကိုပင် အနုပညာရှင်များပီတိဖြစ်ကြသည်။ အရောင်များကိုနိုင်နင်းသော ပန်းချီဆရာက ပန်းချီကားတစ်ချပ်ဖြင့်သော်လည်းကောင်း၊ သံစဉ်များဖြင့်မွေ့လျော်သူက သီချင်းတစ်ပုဒ်ဖြင့်လည်းကောင်း၊ ပန်းပုဆရာက သစ်သားတုံး ကြားခံနယ်တစ်ခုဖြင့်လည်းကောင်း၊ ကချေသည်က သူ၏ ပဉ္စလက် ကကြိုးများဖြင့်လည်းကောင်း၊ သူတို့ရင်ထဲတွင်ဖြစ်ပေါ်လာသော စကားလုံးများကို ပရိတ်သတ်၏ ရင်ထဲသို့အရောက်ပို့ပေးကြခြင်းပင်ဖြစ်သည်။ မည်သည့်အတိုင်းအတာအထိ သူတို့ခင်းကျင်းပြသသော ကြားခံနယ်များကို ပရိတ်သတ်က ဘာသာပြန်နိုင်သနည်း ဆိုသည့်အချက်အပေါ်တွင်မူတည်၍ အကောင်းအဆိုးကို လက်ခံသူက ခွဲခြားကြပေလိမ့်မည်။

ခက်သည်မှာ သူတို့အနုပညာ ကျောင်းဆင်းပွဲနှင့်အတူ ကျင်းပမည်ဖြစ်သော ခပ်ကြောင်ကြောင် ပန်းချီပြပွဲ၊ ပြိုင်ပွဲအတွက် သူခေါင်းစားနေခြင်းပင်ဖြစ်သည်။ ကျောင်း၏ လုပ်ရိုးလုပ်စဉ်အတိုင်း ကျောင်းဆင်းလက်မှတ်က ဒီပြိုင်ပွဲတွင်ပါဝင်သူမှရမည်ဟု ဆရာကပြောသည်။ အမှန်တစ်ကယ်တော့ “လုပ်ရိုးလုပ်စဉ်၊ သမာရိုးကျ၊ ဖြစ်ရိုးဖြစ်စဉ်” ထိုစကားလုံးများကို သူနားကြားမြင်းကပ်သည်။ သူ့အတွက်တော့ လက်မှတ်ကအရေးမကြီးပေ။ ဒီကျောင်းတက်ခဲ့သည်မှာလည်း အသက်မွေးဝမ်းကျောင်းထမင်းစား လက်မှတ်တစ်ခုလိုချင်၍မဟုတ်။ သူ့တွင်ရှိသောဗီဇတစ်ခု အဘယ်မျှထက်သန်သနည်းဟု မိမိကိုယ်ကို တိုင်းတာကာရှာဖွေချင်၍ သင်တန်းကိုတက်ရောက်ခဲ့ခြင်း ဖြစ်သည်။

သူ့ပန်းချီတန်းမှ အခန်းဖော်များက ရှု့မျော်ခင်းများအကြောင်း၊ မနက်ခင်းအရုဏ်တက်ချိန်တွင် ပွင့်ဖူးနေသော ပန်းကလေးတစ်ပွင့်အကြောင်း၊ ညနေရီရီအချိန် တောင်တန်းများတွင်မေးတင်နေသော အရောင်စုံတိမ်တိုက်များ၏ အလှတရားများအကြောင်း၊ ရေချိုးဆိပ်တစ်ခုတွင်ရေချိုးနေသော ကာယလုပ်သားများ၏ ပုံတူပန်းချီတစ်ခုအကြောင်း၊ အချိုးအစားကျနပြေပြစ်သော ပန်းချီကိုယ်ဟန်ပြအလှပြမယ် မိန်းကလေးတစ်ယောက်၏ ဝတ်လစ်စလစ် ခန္ဓာကိုယ်ပုံတူတစ်ခုအကြောင်း၊ ဆေးရောင်များဖြင့် စပ်ကာ စိတ်၏ ခံစားမှုကို ရောင်ပြန်ဟပ် ဖော်ပြသော မော်ဒန်ပန်းချီကားများအကြောင်း စသည်စသည့်အကြောင်းအရာများဖြင့် ရေးဆွဲကာပြိုင်ပွဲဝင်ကြမည်။

သူအတွက်တော့ ထိုအရာများမှာ အက်ကြောင်းထပ်နေသော အကြောင်းအရာများဟု ပင်မြင်သည်။ ဟိုးရှေးတုန်းကလူများလည်း ခံစားခဲ့ပြီးပြီ။ ထို့နောက် ထိုအရာများတွင်လည်း တစ်ကယ့်အလှအပ အစစ်ကိုသူခံစား၍မရ။ သူ့အမြင်အရ တကယ့်အလှတရားသည် ကြမ်းတမ်းသည့်ဘဝနှင့် အခက်အခဲများ ရောပြွန်းနေသော ဘဝ၏ စိတ်ဓာတ်အလှအပများတွင် ကိန်းဝပ်နေသည်ဟု ထင်သည်။ ဥပမာ။ ။ဒဿဂီရိလို ကြမ်းတမ်းသည့် ဘီလူးတစ်ကောင်၏ မယ်သီတာအပေါ်တွင်ထားရှိသော နူးညံ့သိမ်မွေ့သည့် ချစ်ခြင်းမေတ္တာလိုမျိုး၊ အဝတ်အစားတွေစုတ်ပြတ်ပေရေနေသော လမ်းမပေါ်မှ မိဘမဲ့ကလေးတစ်ယောက်က သူ့ဝမ်းအဆာခံ၍ အစာမစားပဲစုထားသောပိုက်ဆံဖြင့် လှောင်အိမ်ထဲက ငှက်တစ်ကောင်ကို ဝယ်ကာ လွှတ်ပေးနေသည့် မြင်ကွင်းပန်းချီကားမျိုး စသည့်တို့ကို စိတ်ဝင်စားသည်။ ထို့အပြင် လူတစ်ချို့ မမြင်နိုင်သော ဗီလိန်ဆန်ဆန်အလှတရားများကို လည်း စိတ်ဝင်စားသည်။ ဥပမာ။ ။ ဒုတိယကမ္ဘာစစ်တုန်းက နာဇီများနှင့်ပူးပေါင်းကာ တစ်ကိုယ်ကောင်းဆန်လွန်း၍ လူမျိုးအချင်းချင်းအပေါ်၌ ကိုယ်ကျိုးရှာလွန်းသည်ဟုနာမည်ကြီးသော၊ သူ့လူမျိုးများစွာက ရွံရှာမုန်းတီးသော၊ ဂျူးလူမျိုးသူဠေးကြီး ရှင်းဒလားက သူ့စည်းစိမ်များအကုန်ခံ၍ နာဇီတို့ထံမှတစ်ဘက်လှည့်နှင့် အသက်ခံရတော့မည့်ဆဲဆဲ ဂျူးများကိုဝယ်ကာ ရထားပေါ်တင်နေပုံ… စသည့်အကြောင်းအရာများကို သူအမိအရချယ်မှုန်းချင်သည်။

ခက်သည်မှာ ထိုပြိုင်ပွဲအတွက် သူဘယ်အကြောင်းအရာကိုရေးဆွဲရမည်ဟု သူကိုယ်တိုင်စဉ်းစား၍မရ။ ပြိုင်ပွဲဝင်ရမည့်ရက်က နီးကပ်လာပြီ။ သူပြိုင်ပွဲမှ နုတ်ထွက်ခွင့်ပြုပါရန် ဆရာ့ကိုသွားတွေ့သည်။ ဆရာက သူ့လက်ရာဒီပြိုင်ပွဲတွင် ပါဝင်မှဖြစ်မည်ဟုအတင်းအကြပ်တိုက်တွန်းသည်။ အနှစ်နှစ်အလလ သူ့အပေါ်တွင်ထားသော ဆရာ့၏စေတနာ သူဘဝတစ်ခုလုံး ပန်းချီတွင်နှစ်၍ အနစ်နာခံကာ သင်ကြားပေးခဲ့သော ဆရာ့၏ ပန်းချီပညာ ထိုအရာများကိုသူလေးစားသည်။ ထိုအရာများကြောင့်ပင် ဆရာ့စကားကို လက်မြှောက်အရှုံးပေးကာ အိမ်ပြန်လာခဲ့သည်။

သူလမ်းတစ်လျှောက်လုံးစဉ်းစားသည်။ နေကလည်းဝင်သွားပြီ။ သူပြန်လာရာလမ်းတစ်လျှောက် သူတို့မြို့ကလေး၏ မြင်ကွင်းများကလည်း အရင့်အရင့်အတိုင်းပင် မထူးခြားလှ။ ညဘက်ရောင်းသည့် ဘုံဆိုင်ကလေးထဲတွင်တော့ လူစည်ကားနေသည်။ အာခေါင်ထဲမှ ခြောက်ကပ်လာကာ သူ့လည်းတစ်ခွက်တစ်လေလောက် ဝင်သောက်ချင်သည့်စိတ်ပေါ်လာသည်။ ချောင်ကျကျ စားပွဲသို့သွားကာ တစ်ယောက်တည်းသောက်နေမိသည်။ တစ်ခွက်….ပြီးနောက်တစ်ခွက်….

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

အပိုင်းအစ ၂…

ဆိုင်ထဲမှထွက်၍ အိမ်ပြန်လာသည့်အခါတော့ သူအနည်းငယ်ရီဝေနေပြီ။ အိမ်ပြန်ရာလမ်းတစ်လျှောက် လမ်းမပေါ်တွင် ခွေးလေခွေးလွင့်များမရှိ။ ကြောင်လေကြောင်လွင့်များသာ လမ်းမီးရောင်များကျဲဖြန့်ကာပက်ဖြန်းထားသော လမ်းပေါ်တွင်ပျော်မြူးနေကြသည်။ ဒါကတော့ သူရောက်ရှိကာ နေထိုင်နေသောမြို့၏ ထူးခြားချက်ဖြစ်သည်။ ကြောင်များမှာ အရွယ်စုံဆိုဒ်စုံရှိသည်။ မွေးကင်းစ ကြောင်ပေါက်စကလေးများမှ ကြောင်အို၊ ကြောင်နာ၊ ကြောင်ဝဲထူ အစုံရှိသည်။ အရောင်အသွေးများမှာလည်း အစ၊ုံ အနက်အဖြူကွက်ကြားများ၊ အဝါရောင်များ၊ မီးခိုးရောင်များ၊ အနက်ရောင်တောက်တောက်ကြောင်စုန်းများ စသည်ဖြင့်။ ဘာအကြောင်းကြောင့်မှန်းမသိ ဒီမြို့က လူတော်တော်များများက ကြောင်ကို ရန်သူလိုသဘောထားသည်။ မချစ်တတ်ကြ။ တစ်ချို့က အလကားနေရင်း ကြောင်အမြီးကို ဖြတ်တတ်သည်။ ထို့ကြောင့် ကြောင်တော်တော်များများမှာ မြီးတိုများဖြစ်သည်။ တစ်ချို့ကြောင်ချစ်တတ်တဲ့လူများလည်းရှိပါသည်။ ဤမြို့တွင် ကြောင်များကို အစာကျွေးချင်ရင်တောင် ညဘက်လူခြေတိတ်ချိန်ကြမှ ခိုးကြောင်ခိုးဝှက်ဖြင့်ကျွေးကြရသည်။ အများစုကတော့ ကြောင်ကို ကြောက်ကြသည်။ ထို့ကြောင့် ကြောင်များ၏ဘဝမှာ အိမ်မွေးခွေးများ၏ ဘဝနှင့် စာလျှင် ဆီနှင့်ရေကဲ့သို့ကွာသည်။ လမ်းမပေါ်တွင်အိပ်၊ ကျွေးသောလူရှိလျှင်ကြုံရာစား၊ မိုးရွာရင် မြောင်းကြိုမြောင်းကြားမှာနေ၍ မိုးခို စသည်ဖြင့် လမ်းပေါ်မှာနေ၍ လမ်းပေါ်မှာသေသော လမ်းပျော်လူဆိုးများဖြစ်သည်။

သူ့အိမ်နားအရောက် လမ်းထောင့်ချိုးတစ်ခုတွင် တစ်စုံတစ်ရာထူးခြားနေသည်ဟု သတိပြုမိသည်။ မွေးကင်းစကြောင်ပေါက်စလေးကောင်ခန့်က တစ်စုံတစ်ခုကို ဝိုင်း၍ကြည့်နေကြသည်။ ထို့ဖြင့် ကြောင်လေးများအနားသို့ကပ်သွားမိသည်။ အနီးကပ်မှကြည့်သည်တွင် လသားခန့်ကြောင်ပေါက်ကလေးများဖြစ်နေသည်။ တော်ရုံအားဖြင့် လူစိမ်းသူတို့နားကို အကပ်မခံ၊ ထို့အပြင် သူတို့အရွယ်သည် မည်သည့်အခါမျှအငြိမ်မနေ၊ တစ်စုံတစ်ခုနှင့် အမြဲတမ်းလိုလို ဆော့ကစားနေတတ်သည်။ အခုတော့ သူအနားကပ်ခံသည်ကို ထွက်မပြေးသည့်အပြင် ငြိမ်ကုပ်ပေကပ်၍ ထိုအရာကိုဝိုင်းကြည့်နေကြလေသည်။ မြင်ကွင်းက သူ့အားဆွဲဆောင်သွားလေသည်။ ထို့ကြောင့်သူလည်း အိမ်ကို ပြန် ကင်းဗတ်၊ စုတ်တံ၊ ဆေးစပ်သည့်ပျဉ်ပြား၊ ဆေးဗူး စသည့် ကိရိယာတန်ဆာပလာများကို ယူ၍ ထိုနေရာသို့ပြန်လာကာ တစ်ညလုံးအလုပ်လုပ်လေတော့သည်။ မိုးစင်စင်လင်း၍ နေထွက်လာသောအခါမှ ထိုအရာကို ကောင်းမွန်စွာ မြေမြှုပ်၍ သူအိမ်ပြန်လာခဲ့သည်။ ကြောင်ကလေးများလည်း ဘယ်ရောက်သွားပြီ မသိ။

ထို့နောက် သူရက်သတ္တ်ပတ်လုံး အခန်းထဲမှအခန်းအပြင်မထွက်ပဲ ကင်းဗတ်စ်ရှေ့တွင် ပုံကြမ်းလောင်းထားသော ပန်းချီကို အချောသပ်ခြင်း အလုပ်ဆက်လုပ်သည်။ နေ့တွေညတွေလည်းမသိ၊ ထမင်းစားချိန်လည်းမရှိ။ သူ့အမြင်အာရုဏ်တွေ၊ စိတ်ခံစားမှုများလည်း ထိုနေ့ညက မြင်ကွင်းထဲတွင်သာရှိသည်။ အရမ်းအိပ်ချင်လွန်းသည့်အခါတွင်လည်း ပန်းချီကားရှေ့တွင်ပင် ခဏတစ်ဖြုတ် အိပ်စက်သည်။ အိပ်မက်ထဲတွင်လည်း ပန်းချီဆက်ဆွဲနေသည်။ ထို့ပြင်ရုတ်တရက် အိပ်မက်ကလန့်နိုး၍ ငေါက်ကနဲ့ထထိုင်ချိန်တွင်ပင် ပန်းချီကား၏မြင်ကွင်းက သူ့အာရုံငါးပါးကို ဆွဲဆောင်ခေါ်ယူသွားပြန်သည်။ ထိုအခိုက်အတန့်များတွင် စုတ်တံသည့်သူ့ခန္ဓာကိုယ်အစိတ်အပိုင်းဖြစ်သွားကာ စုတ်ချက်များသည် သူ့အသက်ရှုသံနရီများပင်ဖြစ်သည်။ အရမ်းမောပန်းနွမ်းနယ်လွန်းသဖြင့် စုတ်တံကိုတောင်လက်က မနိုင်တော့သော အခိုက်အတန့်များတွင် အခန်းထဲတွင် ခေါက်တုံ့ခေါက်ပြန်လျှောက်ရင်း သူ့၏ဆွဲလက်စ ပန်းချီကိုသေသေချာချာကြည့်မိသည်။ ထိုသို့ဖြင့် နေ့နေ့ညညရေးချယ်ရင်းဖြင့်ပင် သူ့ပန်းချီကားပြီးဆုံးသွားလေပြီ။ ရေးဆွဲပြီးပြီးချင်း၌ပင် သူ့ပန်းချီကားကို သူမကြည့်ရက်တော့ပေ။ အနက်ရောင်အဝတ်စတစ်ခု လျင်မြန်စွာအုပ်မိုးပေးလိုက်ရတော့သည်။

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

နိဂုံး

နေသာသောနေ့တစ်နေ့တွင် ပြပွဲစတင်လေပြီ။ သူတို့မြို့ကလေး၏ နာမည်ကြီးသော အနုပညာသင်တန်းကျောင်း၏ ကျောင်းဆင်းပြပွဲ ဖြစ်သည့်အလျောက် လူအများက ဝတ်ကောင်းစားလှများဝတ်၍ စိတ်ဝင်တစားလာရောက်ကြည့်ရှု့ကြသည်။ အနုပညာအကြောင်းနကန်းတစ်လုံးမှ နားမလည်သူများကလည်း လူတတ်ကြီးများလုပ်၍ ဟိတ်ဟန်ကြီးတစ်ခွဲသားဖြင့် တွေ့သမျှမြင်သမျှ ပန်းချီကားများ၌ မှတ်ချက်များလိုက်ရေးနေသည်။ သူဠေးများ၊ လူကုံတန်များကလည်း ဖောင်းကားနေသော သားရေအိတ်များ ပိုက်၍ သူတို့ဧည့်ခန်းတွင် သို့ အိမ်တွင် အလှချိတ်ရန်အတွက် ရှုခင်းပန်းချီများ၊ နာမည်ကြီးသူတို့၏ ပုံတူပန်းချီကားများ စသည်စည်ဖြင့် “ဒီကားလေးက မဆိုးဘူး..”ဟု ဆိုကာ သေသေချာချာပင် မကြည့် ကောင်တာပေါ်သို့ ပိုက်ဆံပစ်တင်၍ ပန်းချီကားကို ဈေးထဲမှ ဟင်းရွက်ကန်စွန်းလို ကြမ်းကြမ်းတမ်းတမ်းကိုင်တွယ်၍ ဝယ်သွားတတ်ကြသည်။ အမှန်တော့သူတို့ဝယ်ယူသွားသည်မှာ ပန်းချီဆရာ၏ ဘဝအစိတ်အပိုင်းတစ်ခုဖြစ်သည်။ ပန်းချီဆရာ၏ ကြိုးစားမှု၊ ပန်းချီကားရေးဆွဲနေချိန်အတွင်း ဖြစ်ပေါ်နေသော စိတ်ခံစားမှု ပျော်ရွှင်ဝမ်းနည်းမှု၊ စိတ်ဓာတ်တက်ကြွမှု၊ စိတ်ဓာတ်ကျမှု စသည်ဖြင့် အခိုက်အတန့်ကာလ၏ သူ့ဝိဥာဉ်အစိတ်အပိုင်းတစ်ရပ်ကို ငွေပေး၍ ဝယ်ယူသွားကြခြင်းပင်ဖြစ်သည်။ ထိုမြင်ကွင်းများကို မမြင်လိုလှသဖြင့် သူ၏ ပန်းချီကားအားအုပ်ထားသည့် အဝတ်အနက်အား ခွာချပေးပြီးသည်နောက်တွင် ခန်းမ၏အဝေးဆုံးသို့ကျောခိုင်းလာခဲ့တော့သည်။

ကဲနေခဲ့ပေဦးတော့ကွာ…ပန်းချီထဲက ကြောင်လေးတွေရေ….မင်းတို့ရဲ့ ခံစားချက်တွေနဲ့လူတွေကို သတင်းစကားတစ်ခုလောက်ပေးလိုက်ကြပါ။ လူကုံတန်တွေရဲ့ ထမင်းစားခန်းထဲက နံရံပေါ်မှာနေပြီး မင်းတို့ကို ကြည့်သမျှလူတွေအားလုံးရဲ့ စိတ်တွေကစဥ့်ကလျားဖြစ်အောင် သူတို့ရဲ့ အဇ္ဈတ္တတွေကို ခြောက်လှန့်လွှတ်လိုက်စမ်းပါ။ မင်းတို့ဘဝတွေဘယ်လောက်ဆိုးနေတဲ့အကြောင်း၊ လူသားဆိုတဲ့လူတွေရဲ့ စာနာခြင်းငတ်မွတ်မှုကိုခံစားနေရပြီး အပယ်ခံတွေဖြစ်နေကြတယ်ဆိုတဲ့အကြောင်း ပန်းချီကားထဲကနေ အသံကုန် အော်ပြောကြလိုက်စမ်းပါ။

နောက်ဆက်တွဲ…

ကျွန်တော်သည် ပန်းချီဝေဖန်ရေးဆရာတစ်ယောက်ဖြစ်သည်။ ကျွန်တော်တို့မြို့လေး၏ ပန်းချီ ပန်းပုကျောင်းရှိဆရာများ၏ ဖိတ်ခေါ်ချက်အရ ကျောင်းဆင်းပန်းချီပြပွဲ၊ ပြိုင်ပွဲသို့ရောက်ရှိခဲ့သည်။ ပြပွဲခန်းမထဲရှိ် ပန်းချီကားများ အရောင်အသွေးစုံလင်စွာဖြင့် အစီအရီခင်းကျင်းထားသည်မှာ ရောင်စုံကမ္ဘာတစ်ခုထဲသို့ရောက်သွားသည့်အလားခံစားရသည်။ ရှုမျှော်ခင်းပန်းချီများ၊ အရုဏ်တက်အလင်းရောင်များဖြင့် လန်းဆန်းတက်ကြွနေသော ပန်းပေါင်းစုံပန်းချီများ၊ လှေဆိပ်တွင်ဆိုက်ကပ်ထားသော သင်္ဘောများ၏ သက်ငြိမ်အလှများ၊ အချိုးအစားကျနပြေပြစ်လွန်းသော မိန်းကလေးတစ်ယောက်၏ ပုံတူပန်ချီကား၊ စသည်ဖြင့် အတော်ဆုံးပန်းချီကျောင်းသားများ၏လက်ရာဖြင့် ပြခန်းက လောက၏ သဘာဝအလှများခင်းကျင်းပြသရာ ဘုံဗိမာန်တစ်ခုဖြစ်နေသည်။ ပန်းချီဆရာများအားလုံးနီးပါးမှာလည်း သူတို့ဆွဲထားသောပန်းချီကားဘေးတွင်ရပ်၍ လာသမျှလူများအားနှုတ်ဆက်နေသည်။ သို့သော် ပန်းချီကားတစ်ချပ်မှာမှု ပိုင်ရှင်ကင်းမဲ့နေသည်။ ခန်းမပတ်လည်တွင်ရှိသော နူးညံ့သည့်အလှတရားများ၏ အလယ်ခေါင်တွင် နောက်ခံဆေးအနက်သုတ်ထားသောနံရံပေါ်မှ ထိုပန်းချီကားက ကြည့်မိသမျှလူများအားလုံး သက်ပြင်းချကာ မှင်သက်ငေးမောနေစေသည်။

ကျွန်တော်လည်း ထိုပန်းချီကားရှေ့သို့ရောက်သွားမိသည်။

ပန်းချီကားမှာ ညဥ့်နက်နက်အချိန် ရှုပ်ပွပေရေနေသော နောက်ဖေးလမ်းကြားထဲမှ လမ်းမီးရောင်မှိန်မှိန်အောက်တွင် ဖြစ်ပျက်နေသော အကြောင်းအရာကို ချယ်မှုန်းထားသည်။ ထိုပန်းချီထဲတွင်…

“ကြောင်ကလေး လေးကောင်၊ တစ်ကောင်ကို အရောင်တစ်မျိုးစီဖြင့်ဖြစ်သည်။ အဖြူအနက်ကြား၊ အဝါ၊ မီးခိုး၊ မဟူရာ အရောင်စသည်ဖြင့်”

သူတို့၏ ဗဟိုတွင် ဒဏ်ရာများဖြင့်မိန်းမောနေသော (သို့) သေနေသော ကြောင်မကြီးတစ်ကောင်၊ သူမဒဏ်ရာများမှ သွေးများက ခြောက်ကပ်ကာ အိုင်ထွန်းနေသည်။ သူမရှေ့တွင် ဘယ်အိမ်မှဝင်ခိုးလာမှန်းမသိသော အသားတစ်တုံး၊ သူမ၏ ကလေးများအား ချကြွေးထားသော်လည်း တစ်ကောင်မှမစား၊ သူမအားဝိုင်းရံ၍ ကြည့်ရှုနေကြသော မြင်ကွင်းဖြစ်သည်။ ကြောင်မကြီး၏ ဝေဒနာခံစားနေရသော်လည်း ပီတိဖြစ်နေသည့် မျက်နှာ၊ ကြောင်ကလေးတစ်ကောင်ခြင်းစီ၏ မျက်နှာတွင်ဖြစ်ပေါ်နေသော ဝမ်နည်းမှု၊ ဆာလောင်မှု၊ တုန်လှုပ်ခြောက်ချားမှု၊ အံ့သြမှု၊ ကြင်နာမှုစသည့် ခံစားမှုများကိုလည်း ပန်းချီဆရာက အမိအရ ဖမ်းမိအောင် အစွမ်းကုန်ကြိုးစား၍ ဖန်တီးထားသည်။ စုတ်ချက်များမှာကြမ်းသည်။ ညစ်ပတ်ပေရေနေသော နောက်ဖေးလမ်းကြား၊ စုတ်ချက်များကို ကြည့်ရင်းဖြင့် ရင်ထဲတွင် အော်ကလီဆန်လာကာ အနံ့အသက်ဆိုးတစ်ခု နှာခေါင်းထဲရောက်လာသလို ခံစားရသည်။ အရောင်အစပ်အဟပ်မှာ ပိုင်နိုင်လွန်းလှသည်။ ပန်းချီကားတစ်ချပ်လုံးရှိ အရောင်များကို ခပ်မှိန်မှိန်ဖြင့် ခြောက်ကပ်၍ထားသော်လည်း သွေးနှင့် အသားတုံးအား အနီရောင်အပြင်းစားသုံးထားသည်။

ထိုကားအားကျွန်တော်ကြည့်နေမိသည်မှာ အချိန်ဘယ်လောက်ကြာသွားမှန်းမသိတော့….ထိုပန်းချီကားထဲမှ ပန်းချီဆရာပေးချင်သော မက်ဆေ့ခ်ျတစ်ခုခြင်းစီကို ဘာသာပြန်ကြည့်မိသည်။ မက်ဆေ့ခ်ျတစ်ခုခြင်းဆီကို ဘာသာပြန်ရင်နားလည်သလိုရှိသော်လည်း အားလုံးခြုံကြည့်မိသည့်အခါ ဝေဝါးနေပြန်သည်။ စုတ်ချက်ကြမ်းများ အရောင်အစပ်အဟပ်များမှာကြမ်းလွန်းသည့်အတွက် သူ့ စိတ်ရေအလျဉ်အတိုင်း ရေးဆွဲထားသော မော်ဒန်ပန်းချီတစ်ချပ်လား? လောကထဲတွင်ပကတိတည်ရှိနေသော မြင်ကွင်းအစစ်တစ်ခုကို ချပြထားသည့်အတွက် ရီယယ်လစ်ဇင်လား? ဒါမှမဟုတ် သူ့အတွေးထဲတွင်ရှိသော အကြောင်းအရာတစ်ခုကို ဖန်တီးထားခြင်းလည်းဖြစ်နိုင်၍ အိုင်ဒီယယ်လစ်ဇင် ပန်းချီကားတစ်ချပ်လား? ဘယ်လိုတံဆိပ်ကပ်ရမလဲ…ကျွန်တော်မသိတော့…

ကျွန်တော်မှတ်မှတ်ရရသိ၍ မှတ်မိသည်မှာ ပန်းချီကား၏ အမည်နာမပင်ဖြစ်သည်။ ထိုကား၏

အမည်မှာ “ညစာ” ဟူ၍……

အလင်းနှစ်များ၏ရာဇဝင်

ပန်းပုနတ်သားဈာန်ဝင်စား၍ အချိုးအစားကျနစွာသွန်းလုပ်ထားသော ခေါမနတ်ဘုရားမ ရုပ်ထုတွင် သူမ ဝိဥာဉ်ကိန်းအောင်းနေလေမလား? အာခေါင်ခြစ်၍ ပါးပြင်းအမောက်များထောင်ကာ မာန်ဖီနေသော တိမ်မည်းများနောက်ကွယ်တွင်ရော? နေရောင်ခြည်များဖြာကျ စီးဆင်းနေသော ပင်လယ်ရေပြင်အောက်က ကျောက်စွယ် ကျောက်ခက်များကြားတွင်ရော? အစိမ်းရောင်ခပ်ပါးပါး ဖြင့်လေယူရာယိမ်းနေသော မြက်ပျိုပင်မများကြားတွင်ရော? ရီဟားနား၏ ချိုရှရှ အသံများကြားတွင်ရော? ဖြေရှင်းရခက်သော သင်္ချာပုစ္ဆာများတွင်ရော? တဂိုး၏ ကဗျာတစ်ပုဒ်တွင်ရော? ……..? ……….? ........?

“…………”

နာမည်(သို့) ပညတ်တစ်ခုကို အော်ခေါ်ရင်း ကျွန်တော်နွမ်းလျစွာလဲကျသွားခဲ့သည်။ နာမည်ကြောင့်လူများကိုခေါ်နေရသည်လား? လူများကြောင့် အမည်နာမများမှည့်နေရသည်လား? သူကိုယ်တိုင်ရောက်နေသည့်နေရာကလည်း သဲကန္တာရတစ်ခု၏ ဗဟိုတစ်ခုတွင်လိုလို…ပင်လယ်ကမ်းစပ်က သဲသောင်ပြင်ပေါ်တွင်လို…သို့သော် သဲများက အနက်ရောင်သဲပွင့်များဖြစ်နေသည်။ ထို့အတူ ကောင်းကင်ကလည်း ပိန်းပိတ်အောင်မှောင်မဲနေလေသည်။ သေချာသည် အနက်ရောင်ပန်းချီကားတစ်ချပ်ထဲတွင် သူပိတ်မိနေလေပြီ။

“အား”

ကျွန်တော့်တွင်ကြွင်းကျန်ရစ်နေသေးသော အားအင်များကုန်သွားအောင် အော်ဟစ်ပစ်လိုက်သည်။ လူတစ်ယောက်အနက်ရောင်ပန်းချီကားတစ်ချပ်ထဲရောက်နေသည်လောက် လောကတွင် ကြောက်စရာကောင်းသော အချိန်မရှိဟု မသိစိတ်က သိနေလေသည်။

ဤသို့ဖြင့် အချိန်အကန့်အသတ်ကင်းမဲ့စွာ အနက်ရောင်အကျဉ်းထောင်ထဲတွင် ကျွန်တော် နေခဲ့ရလေသည်။ ဝမ်းဟာ၍စားတော့လည်း အမှောင်ထဲတွင် ရမ်းသမ်း၍စမ်းမိသော အနက်ရောင်တောက်တောက်သစ်သီးများ…၎င်းတို့၏အရသာများမှာလည်း တူးခါးလွန်းလှသည်။ အာသာပြေတစ်ကိုက်နှစ်ကိုက်ကိုက်၍ ပြန်ထွေးထုတ်ပစ်ရသည်။ သောက်တော့လည်း အနက်ရောင်မင်ရေကဲ့သို့ ရေများ သူ့လည်ချောင်းထဲကတဆင့် ဝမ်းဗိုက်အစာအိမ် ကလီစာများ သူ့ခန္ဓာကိုယ်အတွင်းပိုင်းများ အထိအနက်ရောင်အရည်များ စိမ့်ဝင်သွားကြသည်။ သူ့အသားအရေများလည်း တစ်ဖြည်းဖြည်းချင်းနှင့် အနက်ရောင်ပြောင်းနေလေပြီ။ သူ့တစ်ကိုယ်လုံးအား အနက်ရောင်မှော်ဆရာမတစ်ယောက်က သူမ၏ဝတ်ရုံနက်ဖြင့်လွှမ်းခြုံလိုက်လေပြီ….

ထိုဝတ်ရုံနက်ကိုခြုံရင်းဖြင့်ပင် ဘာမျှမမြင်ရသော စမ်းတဝါးဝါးခရီများလျှောက်ခဲ့သည်။ လမ်းလျှောက်ရင်း တစ်ခါတစ်လေ သွေးရူးသွေးတန်းပြေးလွှားရင်း အနက်ရောင်ကျောက်ခဲ ကျောက်ဆောင်များဖြင့် ပွန်းပဲ့ခြစ်ရှကာ ခြေထောက်နှစ်ဘက်မှ သွေးမည်းမည်းများ သဲပွင့်နက်များတွင်းသို့ စိမ့်ဝင်ပျောက်ကွယ်သွားကြလေသည်။ သို့သော်လည်းအလင်းရောင်တွေ့လိုတွေ့ငြား ဆက်လျှောက်လာခဲ့သည်။ ပြေးလွှားလာခဲ့သည်။ ထို့သို့လမ်းလျှောက်ရင်း ပြေးလွှားရင်းဖြင့် တော်တော်ခရီးရောက်နေပြီဟု ကျွန်တော်စိတ်ထဲတွင်ထင်နေသော်လည်း နဂိုရောက်ခဲ့ဘူးသောနေရာများသို့ ပြန်လည်ရောက်ရောက်လာလေသည်။ သွားပြီ အနက်ရောင်ဝင်္ကဘာထဲတွင် ကျွန်တော့်ဝိဥာဉ်ပိတ်မိနေလေပြီ….

“…………..”

ထိုနာမည်ကိုပဲ ကျွန်တော်ထပ်မံ၍ တိုးတိုးလေးညည်းတွားမိလိုက်သည်။ ချက်ချင်းဆိုသလိုပင် အနက်ရောင်ကောင်းကင်ပြင်၌ အဖြူစက်လေးတစ်စက်ပေါ်ထွက်လာကာ ကျွန်တော်ရောက်ရှိနေသော ပန်းချီကားပေါ်တွင်အုပ်ထားသော အဝတ်ကို တစ်ဘက်မှလူတစ်ယောက်က တဖြည်းဖြည်းချင်းလှန်ကြည့်လိုက်သလိုမျိုး အလင်းတစ်စနှစ်စမှ ကောင်းကင်တစ်ခုလုံး လင်းချင်းလာကာ ကျောင်းစိမ်းဝတ်စုံဖြင့်ကောင်မလေးတစ်ယောက်၏ အရိပ်တစ်ခုက ထိုအလင်းရောင်ထဲတွင် ထင်ဟပ်လာလေသည်။

“ဟင်……မြတ်” အဖြူအစိမ်းဝတ် ကျောင်းသားဘဝတုန်းက ဖြူစင်စွာ မြတ်နိုးရသော သူမဖြစ်နေလေသည်။ အနက်ရောင်ပန်းချီကားအတွင်းပိုင်းမှ လူတစ်ယောက်က သူမအားလှမ်းကြည့်နေသည်ကို သိမှသိပါလေစ။ ပါးနှစ်ဘက်တွင် ပါးကွက်ကြားလေးနှစ်ခုဖြင့် ပါးချိုင့်များပေါ်လွင်အောင် ပန်ဆင်တတ်သည့် အပြုံးတစ်ခုကိုတွေ့လိုက်ရသည်။ ထိုအချိန်တွင် သူမ၏အနောက်ဘက်မှ လူတစ်ယောက်၏ ရုပ်ပုံပေါ်လာကာ သူမ၏ပခုံးကိုလှမ်းဖက်လိုက်လေသည်။ သူမ၏ အဝတ်အစားများမှာလည်း ကျောင်းစိမ်းဝတ်စုံမှ ခေတ်စားနေသော ဖက်ရှင်ဒီဇိုင်းပုံစံသို့ပြောင်းသွားကာ ထိုလူနှင့်လက်ချင်းချိတ်၍ ထွက်သွားလေသည်။ ကျွန်တော်ငေးကြည့်နေမိသော ကောင်းကင်လည်း ရုတ်ချည်းအမှောင်ပြန်ဖုံးသွားလေသည်။

သက်ပြင်းတစ်ချက်ရှိုက်ကာ အနက်ရောင်သောင်ပြင်ပေါ်တွင် ခြေရောလက်ရောပစ်၍ ထိုင်ချလိုက်သည်။ မှောင်မည်းနေသော ကောင်းကင်ကြီးအား မှိုင်တွေတွေနှင့်ငေးကြည့်နေတုန်း အလင်းရောင်ပါးပါးလေးတစ်ဖန်ပြန်လည် သမ်းလာသည်ကို ဝမ်းမြောက်ဖွယ်တွေ့လိုက်ရလေသည်။ ဒီတစ်ကြိမ် ပန်းချီကားကို မမှိတ်မသုန်စိုက်ကြည့်နေသည်မှာ ကျက်သရေရှိသောကောက်ကြောင်းတစ်ခုဖြင့် ထာဝစဉ်ကျော့ရှင်းလှပနေတတ်သော “မ” ဖြစ်နေလေသည်။ ထုံးစံအတိုင်း သူမအလှက မဟာဟန်ဖြင့် ကဗျာဆန်လွန်းလှသည်။ ခရမ်းရင့်ရောင်ရင်ဖုံး အင်္ကျီနှင့် အနက်ရောင်ပေါ်တွင် အဖြူရောင်ပန်းပွင့်များဖြင့် ပုံဖော်ထားသော ချိတ်ထမီကို ခြေမျက်စိဖုံးအောင်ဝတ်ဆင်ထားလေသည်။ သူမ၏ အမြဲလိုလို စိုးရိမ်မကင်းတတ်သောမျက်ဝန်းများဖြင့် ကျွန်တော်အကျဉ်းချခံထားရသော ပန်းချီကားကိုစိုက်ကြည့်နေလေသည်။ ကျွန်တော်အထဲတွင်ရှိနေသည်ကို မ..သိများသိသွားပြီလား? ဖြစ်နိုင်သည်။ မ…မျက်လုံးများက အရောင်များတောက်ပလာသည်။ ထို့နောက်တစ်ဖန် ဖျော့တော့သွားပြန်ကာ သူမနှုတ်ဖျားမှ စကားသံသဲ့သဲ့ထွက်လာသည်။ “တို့တွေအသက်ကကွာလွန်းပါတယ်ကွာ…နောက်ဘဝဆိုတာရှိတယ်ဆိုရင်တော့….” ထိုအချိန်တွင်ပဲ “ဟုပ်…” ဆိုသည့်အသဲံဖြင့် ဖယောင်းတိုင်မီးကို တစ်စုံတစ်ယောက်ကမှုတ်လိုက်သလိုမျိုး ကျွန်တော့်ဝန်းကျင်တစ်ခုလုံး ပြန်လည်အမှောင်ကျသွားလေတော့သည်။

တစ်ခါတော့ကျွန်တော်ရှိနေသည့် အနက်ရောင်ပန်းချီကား၏ သစ်ပင်ပေါ်တွင် မနက်ခင်း၏ ပြာလဲ့လဲ့အလင်းတန်းတစ်ခုနှင့်အတူ အစိမ်းရောင်ငှက်ငယ်တစ်ကောင် လာရောက်ခိုနားသည်။ ထို့နောက်တွင်တော့ နှုတ်မဆက်ပဲနှင့်ပြန်လည်ထွက်ခွာသွားပြန်သည်။ အစကတည်းက အတောင်ပံပါလာခဲ့တာပဲ….တစ်ချိန်ကြရင် ပျံသန်းသွားမယ်ဆိုတာ ကျွန်တော်သိနှင့်ပြီးသားဖြစ်သည်။

ထိုသို့နှင့် အမှောင်များနှင့်ပြန်လည်နေသားကြလာခဲ့သည်။ အနက်ရောင် ခြောက်ကပ်ခြင်းများနှင့်ကခုန်တတ်လာခဲ့သည်။

အနက်ရောင် ကောင်းကင်…..

အနက်ရောင် တိမ်တိုက်များ….

အနက်ရောင် တောင်တန်း…..

အနက်ရောင် စမ်းရေစီးသံများ…

အနက်ရောင် ကျောက်ဆောင်….

အနက်ရောင် ငှက်ဆိုး….

အနက်ရောင် ပင်လယ်….

အနက်ရောင် သဲသောင်ပြင်….

အနက်ရောင် …….

အနက်……..

အ……….

…..….

….

..

မိတ်ဆွေ ကျေးဇူးပြုပြီး သင့်ရှေ့တွင်ရှိသော အနက်ရောင်ပန်းချီကားတစ်ချပ်ကို ဆွဲဆုတ်ပစ်လိုက်ပါ။

ဝထ္တ

ဗီးနပ်စ်လက်က လွတ်ကျသွားတဲ့ည

ကျွန်တော်ထိုင်နေသည်။ ကုလားထိုင်တစ်လုံးပေါ်တွင်လည်းဖြစ်နိုင်သလို အုတ်ခုံပေါ် ကြမ်းပြင်ပေါ်တွင်လည်းဖြစ်နိုင်သည်။ ဘာပဲပြောပြော ကျွန်တော်ထိုင်နေသည်။ အပိုင်းအစပြိုကွဲခြင်းသီအိုရီ၊ ဇော်ဇော်အောင်၊ ခင်မောင်ရင်၊ ပို့စ်မော်ဒန် အတွေးအခေါ်ဖြစ်တည်မှု၊ ခပ်ကျကျ လဘ္ဘက်ရည်တစ်ခွက်၊ စားပွဲပေါ်တွင် အိပ်ပျော်နေသော ကတ်သီးကတ်သတ် မင်းခိုက်စိုးစန်၊ ကမ်းခြေ၌ ၂၄ ပစ္စည်း(ဘုရားစာမဟုတ်) ပါဝင်သောဗီရိုတစ်လုံးထမ်း၍ လမ်းလျှောက်နေသော မြတ်သစ်၊ ပန်းချီနှင့် အနုပညာ၊ လွှဲနေသော ချိန်သီးများ၊ စီးကရက်ပြာခွက်၊ ဖုံမှုန့်တွေကပ်ညှိနေသော ခေါင်းထက်က မရေရာခြင်းက တမွှတ်မွှတ်လည်နေသည်။ စကားတွေပြောနေခြင်းလား၊ စိတ်ကပြောနေခြင်းလား စကားတွေက ကျွန်တော့်စိတ်ကိုပြောနေခြင်းလား? မသိစိတ်က စကားတွေကိုပြောနေခြင်းလား? အတွေးတွေက ဦးနှောက်ကို အလုပ်ပေးနေခြင်းလား? ဦးနှောက်က အတွေးတွေကို အလုပ်ပေးခြင်းလား?

ရီသံတစ်ချို့ ပျံ့လွင့်လာသည်။ ဟီလာတိုက်သည့် ရီခြင်းမျိုး၊ ကျွန်တော့်ကို ကြည့်၍ ရီနေခြင်းလား? သူတို့ဘာသာရီနေခြင်းလား? သေချာတာကတော့ လူတစ်စု၏ ပက်ပက်စက်စက် ရီသံကြားတိုင်း ကိုယ့်ကိုကိုယ်မလုံမလဲ ဖြစ်တတ်သည် မှာ လူ့သဘာဝ ဖြစ်မည်။ ဘေးခုံက အမည်မဖော်လိုသူ တရုတ်ကြီးနှစ်ယောက်ကလည်း ကျွန်တော်မသိသောဘာသာစကားများဖြင့် ကျွန်တော့်အကြောင်း ပြောနေသည်ကို ကျွန်တော်သိနေသည်။ သူတို့ဆက်ပြောနေကြသည်။ ကွန်ဖြူးရှပ်အကြောင်းလား၊ ကဏန်းလေးလုံးစလုံးလွဲသွားသော လေးလုံးထီအကြောင်းလား၊ မဟာရံတံတိုင်းအကြောင်းလား၊ ဆိုးလွန်းပေလွန်းသောသား သမီးတွေအကြောင်းလား? ဒါမှမဟုတ် ဘယ်လောက်လိမ္မာကြောင်း တစ်ယောက်နှင့် တစ်ယောက် ပြိုင်နေခြင်းလား? ကျွန်တော်နှင့်မဆိုင်၊ စပ်စုလိုသော စိတ်နှင့်သာ။

ရုတ်တရက် ဟင်းလင်းပြင်တစ်ခု အစာအိမ်ထဲရောက်လာသည်။ ဆာလာသည်ပေါ့ဗျာ။ ဆိုင်များကပိတ်နေပြီ။ လျှောက်ကြည့်ရင်းနှင့် ခေါက်ဆွဲရောင်းသည့် တရုတ်ကြီးနှင့်တွေ့သည်။ အဆီပြန်နေသောမျက်နှာတစ်ခု၊ မွှေးပျံ့သောရသတဏှာ ရနံ၊့ အငွေ့တစ်ထောင်းထောင်းထနေသော ဝမ်းမီး၊ ဗလာအိတ်ကပ်ကို စမ်းမိ၍ ပိုက်ဆံမထုတ်ရသေးကြောင်းသတိရသည်။ ငွေထုတ်စက်၊ ကိန်းကဏန်းများ ကျွန်တော့်ရှေ့က ဖန်သားပြင်ပေါ်မှာ ပြေးလွှားသွားကာ ငွေနှစ်ဆယ်ထွက်ကျလာသည်။ ထိုအချိန်၌ ဆာလောင်လွန်း၍ အော်ငိုသံတစ်ချို့ကြားရသည်။ မှောင်မည်းကာ စုတ်ပြတ်သတ်နေသော အိမ်လို့ပင် အမည်မတပ်နိုင်သော ခနော်နီခနော်နဲ့ တဲတစ်ချို့ပေါ်ရှိ ကြမ်းပြင်ပေါ်တွင် အစာရေဆာပြတ်ကာ မိန်းမောနေသူများ၊ ပေါင်မုန့်အပဲ့စများ၊ ဆန်ကွဲကြမ်းခဲများ၊ ထမင်းရည်ပုလင်းခွံများ၊ ထိုထဲကထွက်ကြသော ထမင်းရည်စက်များ ကြမ်းကျဲကျဲပေါ်မှာ ပြန့်ကျဲ ခွေးမျိုးကောင်းတစ်ကောင်က လျှာနှင့်လျှက်နေလေသည်။ တစ်ချိန်တည်းမှာပင် စားပွဲပေါ်မှာ စားသောက်ဖွယ်ရာအစုံအလင်နဲ့ လူတစ်စု က ဒင်နာ ပါတီပွဲပေးနေသည်။ စိန်တွေညွှတ်နေအောင် ဆင်ထားသော လူများ၏ လောဘကြောင့် စားနိုင်သလောက်အပြင် အပိုယူ၍ အစားအသောက်များစွာ အလဟဿဖြစ်ကာ လေလွင့်ကုန်သည်။ ခွေးချင်းပင် မတူညီတာကတော့ ထိုနားအမှိုက်ပုံက ဝဲစားက တစ်ဖြဲနှစ်ဖြဲစားပြနေသည်။ ကျွန်တော့်လက်ထဲ ဗန်ဂိုး၏ အာလူးတစ်လုံးရောက်လာသည်။

ကျွန်တော် မစား ထိုခွေးဝဲစားကို လှမ်းပေါက်လိုက်သည်။ သမရိုးကျ “ကိန် ကိန် ကိန်” ဟု မအော် “အောင်မလေးကြောက်ပါပြီဗျ” ဟုအော်၍ ထိုခွေး နန်းတော်အောက်သို့ဝင်ပြေးသည်။

ခေါက်ဆွဲတစ်ပန်းကန်ရှေ့ကျွန်တော်ရောက်လာသည်။ လောဘ၊ ရသာ၊ လောင်မြိုက်ခြင်း၊ တပ်မက်မှု၊ မွတ်သိပ်မှု တစ်ပန်းကန် ကုန်သွားသည်။ မရေရာခြင်းတွေစားလိုက်ရ၍ နေသာထိုင်သာရှိသွားသည်။ ဝမ်းတထွာအတွက် ရေတခွက်ဖြည့်လိုက်သလို။ ကော်ဖီသောက်နေတုန်း ဗီးနပ်စ်ရောက်လာသည်။ ထူးထူးခြားခြား ခုခေတ်မိန်းကလေးတွေ ဝတ်သလို ဟိုကြပ် ဒီကြပ်မပေါ့်တပေါ် အဝတ်အစားနှင့် အန္တရာယ်ကို လက်ယပ်ခေါ်နေသည့် သဘော။ ဒါနဲ့ သူမက အက်ဒီဆင်ထံကျွန်တော် အပ်ထားသော လက်အတုရပြီလားဟုလာမေးသည်။ ကျွန်တော်တပ်ပေးလိုက်သည်။ စေတနာနှင့်ပါ။ သူမ အိမ်သာတက်ရာတွင် အခက်တွေ့နေမှာစိုးလို့ ကျွန်တော်ကိုယ်တိုင် အော်ဒါမှာပေးထားသောလက်၊ သူမနှင့်ကွက်တိ။ သို့သော် သူမက မယူဟုဆိုကာ ကျွန်တော့်ကိုပြန်ပေးသည်။ လက်မရှိခြင်းသည်ပင် သူမ၏တန်ဖိုးဆိုလား? ကျွန်တော်လည်း မတတ်သာသည့်အဆုံး ဂျပန်များထံသို့ လှမ်း၍ အော်တိုမက်တစ် ကမုတ်တစ်လုံး သူမအတွက် ထပ်မှာရပြန်သည်။

ရှုး....

တိုး....

တိုး....

ကျွန်တော့် EOS ၄ ထပ်မြောက်တွင် အိပ်မောကျနေသည်။