မိခင်ဧရာဝတီက
သန္ဓေဖျက်ချလိုက်တဲ့အခါ
“ငါ” ဆိုတာ အပယ်ခံအဖြစ်
ပေါက်ဖွားရှင်သန်လာခဲ့ရတယ်...
သွေးထဲမှာ
ငါးဆိုတဲ့ သတ္တဝါတွေ ကူးခတ်
ငါ့ကလီစာ ရေမှော်ပင်တွေကို
ကိုက်ဖြတ်စားသုံးကြရင်းပေါ့...
မိတ်ဆွေ မိုးလာရင်
ငါ့အသားအရည်တွေ စိုပြည်လို့
ရေသောက်မြစ်များ စိမ်လန်းပျော်ရွှင်ကြတယ်..
နေရောင်ပြင်းပြန်ရင်
ငါ့ခန္ဓာကိုယ်ခြောက်ခမ်း
အသက်ငွေ့ငွေ့ကို မောမောပန်းပန်း
မနားတမ်း ရှိုက်သွင်းရတယ်...
ညရောက်ရင်တော့
ငွေလမင်းက ငါ့ပါးပြင်ကို
ဆွဲငင်ရှိုက်နမ်း အသစ်တဖန်
လန်းဆန်းရပြန်တယ်...
သို့....
အသင်လူသားများ
ငါ့အသွေးတွေကို
သောက်သုံးကြပါ...
သင်တို့ ချိုးငင်ကြပါ....
အားလုံးအတွက်
နောက်ဆုံးထွက်သက်အထိ
ထာဝစဉ် ပေးဆပ်ချင်တဲ့ငါဟာ
“----------” တစ်ခုသာဖြစ်တယ်...
ကောင်းတယ်ဗျု့ အရေးအသားတွေ
ReplyDeleteသိပ်ကောင်းတဲ့ ကဗျာလေး ပဲဗျာ..။
ReplyDelete