Saturday, March 15, 2008

စားကျက်

စားကျက်


အိမ်ပြတင်းပေါက်အပြင်ဘက်က

ငွေညှီစော်နံနေသော

ဂလိုဘယ်လိုက်ဇေးရှင်း

မြက်ခင်းလွင်ပြင်တစ်ခုမှာ

လူမျိုးရေးခွဲခြားတတ်တဲ့ဥာဉ်နဲ့

မြေခွေးအိမ်ရှင်တစ်ချို့…

ဝပ်ဆိုင်းနေတယ်…


ပလတ်စတစ်အိပ်မက်တပွေ့တပိုက်နှင့်

သားကောင်များ....

တောခြောက်ခံရသော

သားကောင်များ....

ဇာတ်တူသားစားခံနေရသော

သားကောင်များ....

လူမုဆိုးပစ်မှတ်

သားကောင်များ....


ယိုစီးခဲ့ကြတယ်

ယိုစီးနေကြတယ်

ယိုစီးနေကြဦးမယ်


ဟိုမှာ….

သားရေတမြားမြားနှင့်

လိုအပ်ခြင်းကျော့ကွင်းသစ်တွေ

လူ့မယဉ်ကျေးမှုအသစ်တွေ

ရေခဲစိမ်မျော်လင့်ခြင်းအသစ်တွေ

စောင့်လို့ကြိုနေကြလေရဲ့…


မိုးလင်းကမိုးချုပ်

ငယ်ဂုဏ်တွေကို စတေးကြ

ဦးနှောက်တွေကို စတေးကြ

လုပ်အားတွေကို စတေးကြ

အထီးကျန်ဆန်ခြင်းတွေကို စတေးကြ

လွမ်းဖျားလွမ်းနာတွေကို စတေးကြ

“အိမ်” ဆိုတဲ့စကားလုံးတွေ စတေးကြ

ဒီလိုနဲ့ တစ်နေကြရင်တော့

ထောင်ချောက်တွေနဲ့

နေသားကြလာလိမ့်မယ်…


အနောက်တောင်ထောင့်က

ရုတ်ကနဲ

တက်လာတဲ့

မြေသင်းနံ့များအတူ…

ကျွန်တော့်အိပ်မက်တွေထဲမှာတော့

“ငါတို့…မြေ” ဆိုတဲ့ရနံ့တွေ

တထောင်းထောင်းထလို့နေလေရဲ့…

No comments:

Post a Comment