တစ်ခါက မဝါ

တစ်ခါကအဆောင်တွင် ကျွန်တော့်ကိုယ်ပိုင်နံပါတ် သည် ၆၆၅ ဖြစ်သည်။ တစ်ည ကျွန်တော်တို့ လူစုမအိပ်ပဲနှင့် အဆောင်သစ်ဆောက်လက်စ တန်းလျားရှိ ကွမ်းယာဆိုင်သို့ ခိုးကြောင်ခိုးဝှက်ချီတက်ခဲ့ကြသည်။ ကွမ်းယာဆိုင်လေးမှာ အသစ်ဆောက်နေသော အဆောင်သစ်မှ အလုပ်သမားများအတွက် နေ့လည်နေ့ခင်းတွင်ဖွင့်လှစ်ရောင်းချခြင်းဖြစ်သည်။ သို့သော်လည်း ကျွန်တော်တို့လူစု မီးပိတ်အိပ်ချိန်တွင် မအိပ်ပဲ အဆောင်မှလစ်ကာ ခဏ ခဏ လာလေ့ရှိသောကြောင့် သဘောကောင်းသော ဆိုင်ရှင်ဦးလေးကြီးက ညပိုင်းတွင်လည်း အအိပ်ပျက်ခံကာ ဖွင့်လှစ်ပေးလေသည်။ ကျွန်တော်တို့ လူစုအတွက်တော့ မဟာအခွင့်အရေးပင်ဖြစ်သည်။ အဆောင်တွင် ဆေးလိပ်မသောက်ရ၊ ကွမ်းမစားရ၊ ဂစ်တာမတီးရ၊ ညဘက်လူ ၅ယောက်ထက်ပိုမစုရ၊ ဘာမလုပ်ရ၊ ညာမလုပ်ရ စသည့် စည်းကမ်းပေါင်းသောင်းခြောက်ထောင် ကြားထဲမှ ထိုကွမ်းယာဆိုင်လေးသည် ကျွန်တော်တို့ အားလုံး၏ ညခင်းဘက်အိုအေစစ်လေးပင်ဖြစ်သည်။

တစ်နေ့တာပင်ပန်းနွမ်းနယ်နေသမျှ ထိုဆိုင်လေးရောက်သည်နှင့် အမောပြေလေသည်။ ဆေးလိပ်သောက်ချင်သူကသောက်၊ ကွမ်းယာစားချင်သူကစား၊ လက်ဖက်သုပ်စားရင်း ရေနွေးကြမ်းနှင့် လေပေါသူကပေါ၊ ဆိုင်တွင်ချိတ်ထားသည့် မုန့်မျိုးစုံထဲမှ တစ်ထုပ်ပြီးတစ်ထုပ်စားချင်သူကစား၊ ဂစ်တာတီးချင်သူက တီး၊ ဆိုချင်သူကဆို စသည်ဖြင့် ကျွန်တော်တို့အားလုံး၏ တစ်နေ့တာ ပင်ပန်းသမျှ အပန်းဖြေလို့ရသည်။ တစ်ခါတစ်ခါ ကျွန်တော်တို့၏ ရီသံက အမှောင်ထုထဲသို့ တိုးထွက်လာတတ်သည်။ ကျွန်တော်တို့အားလုံး အမောပြေရသည့်နောက်ထပ်အကြောင်းအရင်းတစ်ခုမှာ ဆိုင်ရှင်ဦးလေးကြီး၏သမီး မဝါဖြစ်သည်။ သူမသည် လှသည်။ တစ်နေ့လုပ်စာ တစ်နေ့စားရသော သူမတို့ မိသားစုတွင် အလှအပအတွက် အချိန်ပေးရန်မရှိသလို အင်အားလည်းမရှိ။ ထို့ကြောင့် မျက်နှာတွင်လည်းဘာမှ လိမ်းခြယ်လေ့မရှိ။ သို့သော်လည်း မဝါသည်လှသည်။ ပင်ပန်းနေသောမျက်နှာပေါ်တွင် တောက်ပသောအပြုံးတစ်ခုတွေ့ရခြင်းဖြင့်ပင် ကျွန်တော်တို့အတွက်တော့ မဝါသည် လမိုက်ည၏ လမင်းတစ်စင်းပင်ဖြစ်သည်။ ထိုအလင်းကြောင့်ပင် သူမကို မဝါဟုကျွန်တော်တစ်ယောက်တည်းက နာမည်ပေးထားခြင်းဖြစ်သည်။


သူမသည် နေ့ခင်းဘက်တွင် အဖေ၏ကွမ်းယာဆိုင်တစ်ပိုင်း ကုန်စုံဆိုင်ဝိုင်းကို ဦးစီးသလို ဆယ်တန်းကျောင်းသား ဂိုက်လည်းလုပ်သည်။ ညခင်းဘက်တွင် နိုင်ငံခြားဘာသာတက္ကသိုလ်တွင် ဂျပန်ဘာသာသင်နေသည်။ ထို့အတူ LCCI level 3 လည်းအောင်ပြီးသားဖြစ်သည်။ စကားပြောကြည့်ခြင်းဖြင့်လည်း သူမသည် ခေသူမဟုတ်ကြောင်းကျွန်တော်သိသည်။ ထို့အတူ ကျွန်တော့်သူငယ်ချင်းအားလုံးလည်းသိသည်။ တစ်ယောက်နှင့်တစ်ယောက် ပါးစပ်မှဖွင့်ဟ မပြောကြသော်လည်း မဝါသည် နှစ်သက်ဖွယ်ကောင်းသော မိန်းကလေးတစ်ယောက်ဖြစ်မှန်း ကျွန်တော်တို့အားလုံး အတည်ပြုထားပြီးဖြစ်သည်။ ထိုသို့ဖြင့် ကျွန်တော်တို့၏ ညခင်းများစွာမှာ အိမ်ဆိုင်၏ ဝါကျင့်ကျင့်ဖယောင်းတိုင်မီးရောင်အောက်တွင် မဝါနှင့် သူ့ထက်ငါ စကားတွေဖောင်ဖွဲ့ရင်း ကုန်လွန်ခဲ့ကြသည်။

သို့သော်တစ်ညတွင် ကျွန်တော်တို့လူစုထိုကဲ့သို့ လစ်လစ်နေကြောင်းကို ကင်းသမားက အဆောင်မှုးအားသတင်းပို့သည်။ ထို့ကြောင့်မနက်တန်းစီလူစစ်ချိန်တွင် ထိုကိစ္စကိုရှေ့တန်းတင်၍ တာဝန်ခံက မလိုအပ်ပါပဲနှင့် ရင့်ရင့်သီးသီးစကားလုံးများဖြင့် ဓာတ်ပြားဟောင်းဖွင့်သည်။ ကျွန်တော်တို့လူစုလည်း သုံးပတ် အိမ်ပြန်ခွင့် အပိတ်ခံရသည်။ မလိုအပ်သော စည်းကမ်းများကို ခဏခဏ ဖောက်ဖျက်နေကြ ကျွန်တော်တို့အတွက်က ကိစ္စမရှိ။ မဝါတို့ကွမ်းယာဆိုင်ကတော့ အနှင်ခံလိုက်ရလေသည်။ ထို့အတွက် ကျွန်တော်တို့အားလုံးက သာ၍စိတ်မကောင်းဖြစ်မိသည်။ ရိုးရိုးသားသားလုပ်ကိုင်စားသောက်နေသော မိသားစုအတွက် ထိုအပြစ်ပေးမှုသည်လွန်လွန်းနေသည်။ ထို့အတူ တာဝန်ခံပါးစပ်မှထွက်သည့်စကားလုံးများက ကျွန်တော်တို့အားလုံးအား ခံပြင်းစေလေသည်။ သို့သော်ကျွန်တော်တို့ အားလုံး မတတ်နိုင်။

ဤသို့ဖြင့် မဝါသည် ကျွန်တော်တို့အားလုံးနှင့် တိကနဲ အစိမ်းသက်သက်ဝေးခဲ့ရသည်။ ခုချိန်ဆိုလျှင် အိမ်ထောင်ရှင်မကောင်းတစ်ယောက်ဖြစ်ကာ အိမ်တစ်ဆောင်မီးတစ်ပြောင်ဖြင့်ဖြစ်နေလောက်မည်။ သို့မဟုတ်ပါကလည်ူး မိသားစုအတွက် ရုန်းကန်ဆဲပင်ဖြစ်ကောင်းဖြစ်မည်။ မီးတိုင်မှိန်မှိန်ကြားမှ ခပ်နွမ်းနွမ်းအပြုံးတစ်ပွင့်ကို ပန်ဆင်ရင်း စကားတွေဖောင်ဖွဲ့တတ်သည့် လမိုက်ည၏ လမင်းတစ်စင်းကို ကျွန်တော်တို့သူငယ်ချင်းအားလုံးကတော့ အလျဉ်းသင့်သလို သတိရနေဦးမည်ဖြစ်သည်။

ခရီးသည်

ရှေ့ဆီကောင်းကင်၊ ပုလဲစင်ဝယ်
သစ်လွင်အရုဏ်၊ ရောင်ခြည်လှုံ၏။

ပျံ့ပျူးရွှင်ကြည်၊ သွင်းလေပြည်ဝယ်
ဖူးစည်ပွင့်စုံ၊ သရက်ထုံ၏။

ဆိတ်ငြိမ်သာမော၊ မြိုင်ညိုတော၌
ဥသြသံစုံ၊ တေးမျိုးပုံ၏။

သစ်ရိပ်ညိုမှ၊ စခန်းထသည့်
ရွှင်ပျသာကြည်၊ ခရီးသည်လည်း
ဖြိုးစည်သစ်ပွား၊ စွမ်းအင်အားနှင့်
“ယောက်ျား ငါကိုယ်”၊ မြွက်ဟဆို၍
မိုးကိုမျှော်မှန်း၊ ရှေ့ဆီလှမ်းသည်
နှုတ်ခွန်းနေသို့ဆက်မည်တည်း။ ။

မင်းသုဝဏ်

သူပုန်

မတရားမှုတွေကိုတော်လှန်
ငါ့..တိုက်ပွဲခေါ်ဟန်မှာ
ဘွာတေးခတ်သံမပါဘူး..

သေရင်မြေကြီး
ရှင်ရင်ရွှေထီးတဲ့
မြေကြီးကနေ ငါလာခဲ့တယ်..
ထီးချက်စောင့်ရေ..
အသင့်စောင့်နေစမ်း..


ငါတို့ရဲ့ လက်ပန်းပေါက်သံမှာ
တောကြောင်တွေ ကြောက်ဒူးတုန်ကြပေါ့..
နဖူးတိုင်းမှာ စည်းနှောင်ခိုင်တာ
ရဲ့ရင့်ကြည်စင်ခြင်းပဲ


အခါခါသေရမှာမကြောက်တဲ့နောက်
နေရမှာလောက်တော့မမှု..
ကြောက်သွေးတွေဖောက်ထုတ်
ဂုတ်သွေးစုပ်တဲ့ ငုတ်လိုကောင်တွေ
ရှင်းလင်းပစ်ဖို့
လာလေ..ရောင်းရင်း..
ဘိုးစဉ်ဘောင်ဆက်
ငါတို့သွေးနဲ့ ရာဇဝင်အသစ်ကို
ရေးခြစ်ကြစို့ရဲ့…

Bella's Lullaby - Edward Cullen

ကျွန်တော်နှင့် ပန်းခေတ်ကကြယ်တစ်ပွင့်သို့ …

ကျောက်ခေတ်..ကြေးခေတ်..သံခေတ်တို့လိုပေါ့….

ကိုယ်ငယ်ငယ်ကတည်းက စိတ်ကူးယဉ်ခဲ့တယ်၊
ပန်းယဉ်ကျေးမှု ထွန်းကားတဲ့ ပန်းခေတ်ရှိရင် သိပ်ကောင်းမှာပဲလို့..၊
အဲဒီခေတ်မှာ လူတွေဟာ သိမ်မွေ့နူးညံ့ကြမယ်၊
သစ္စာတရား မေတ္တာတရားတွေ ပန်းလို ပွင့်နေကြမယ်၊
တစ်ယောက်ရဲ့ ငုံချိန်၊ ဖူးချိန်၊ ပွင့်ချိန်၊ ကြွေချိန်ကို တစ်ယောက်ကနားလည်မှုရှိစွာ ဆက်ဆံပေးကြမယ်။
တစ်ခေတ်လုံး သင်းပျံ့မွေးရီနေမယ်၊
ငြိမ်းချမ်းမှုနဲ့ အတိပြီးမယ်ပေါ့လေ…

အဲဒီလိုပန်းခေတ်မှာသာတဲ့ လမင်းဟာလည်း အပြစ်ကင်းပြီး ဖြူစင်ချမ်းမြေ့နေလိမ့်မယ်လို့
ကိုယ်ခံစားရတယ်…
အဲဒီတော့ ပန်းခေတ်မှာသာတဲ့ လမင်းလေးကို ကိုယ်ပန်းချီဆွဲကြည့်ချင်တယ်…
ဒါပေမယ့် ကာလတော်တော်ကြာတဲ့အထိ ဖြစ်နိုင်ချေလုံးဝမရှိခဲ့ဘူး၊ ဘာဖြစ်လို့လဲဆိုတော့ အဲဒီအချိန်ကို ခံစားရသလိုမျိုး အေးမြရင်ခုန်မှုကိုလည်း ကိုယ်တစ်ခါမှ မကြုံခဲ့ဖူးဘူး၊ အဲဒါကြောင့် ဘယ်လိုမှဆွဲလို့မရနိုင်ခဲ့ဘူး…

XXXXXXXXXXXXXXXXXXXXXXXXXXXXXXXXXXXXXXXXX

ဤညကို ငါဖြတ်ကူးအံ့…
အိပ်မက်ဦး၌..
ဘီလူးကြမ်းတို့ ..စောင့်လိုက…စောင့်စေ…

XXXXXXXXXXXXXXXXXXXXXXXXXXXXXXXXXXXXXXXXXX

သူက
ပန်းပွင့်ကလေးကို နမ်းတယ်..

ငါ…
လူစင်စစ်က ပန်းပွင့်ဖြစ်ပါစေသား….လို့
ကျွန်တော်ဆုတောင်းမိပါတယ်….

XXXXXXXXXXXXXXXXXXXXXXXXXXXXXXXXXXXXXXXXXXX

♠ ငါကတော့ မြက်ဖိနပ်နဲ့
ဒါပေမယ့်
မြင်းမိုရ်တောင်ကိုလည်း လိုက်တက်ခဲ့မယ်။
သွားနှင့်ကြပါ။


♣ ဟိုးမှာ
ဘုရားသခင်ရှေ့တော်မှောက်က
အိပ်မက်တွေ ဒူးထောက်လဲကျနေတဲ့လူ
သူ့ကို ကူပါရစေဦး…

 ငါ့ရှင်တို့က ဘာလဲ
ငါက ဘာလဲ
နာမည်တွေ မြေကြီးပေါ်ပစ်ချပြီး
လှလှပပပြိုင်ရဲပါတယ်။
တစ်နေ့တော့ တွေ့ကြမယ်။

 နှစ်ဘက်သွားဓားတစ်လက်လို
ပြိုးပြက်ဝင်းဖိတ်
သုညဂူမှာလည်း ငါမှေးအိပ်ခြဲ့ပီးပြီ။

 အိမ်အပြန်လမ်း
အမေနဲ့တွေ့မှ နမ်းမယ့်
ငြိမ်းချမ်းနှင်းဆီ
ငါ့ရင်ဘတ်မှာ
သွေးတစ်စက်လို နီနေတယ်။

 ချစ်သူကလေးရေ
မြို့တံခါးကိုဖွင့်
မီးအိမ်တို့နှင့် အတူကြိုပါ
လရောင်စက်တဝေဝေနဲ့
သင့်ရဲ့ နွေရာသီမြင်းစီးခရီးသည်
ဓူဝံထက်မြင့်တဲ့ ကြယ်ကို
ခူးယူလာမှာပေါ့ကွယ်။

XXXXXXXXXXXXXXXXXXXXXXXXXXXXXXXXXXXXXXXXXXXX

ငါမငိုဘူး။
ဒါပေမယ့်
နှလုံးသားမှာ ဘီလူးဝင်ပူးတယ်။

လက်သည်းချွန် သိပ်များတဲ့ မှော်ဆရာက
ငါ့ နှလုံးသားကို
ရင်ဘတ်ကနေ ဆွဲခွာတယ်
နာကျင်ပေမယ့် ငါ မငိုဘူးကွယ်။

ငါ့ဘဝရဲ့
လင်းတောက်တဲ့ ရောင်ခြည်တစ်စက်အတွက်
အသက်နဲ့လဲပြီး ရဲရင့်ပြမယ်။

ချစ်သောမေမေ
ငါ့ကို တမလွန်က နိုးထတွေ့မြင်စေမယ်။

ငါ့ရဲ့ ဝိဥာဉ်မှာ
ပန်းနှင်းဆီတွေ အပြာလွင်ဆုံးပွင့်
ငါ့ရွက်တိုင်ကို အမြင့်မားဆုံး လွှင့်ထူမယ်။

ဟေး …. ပင်လယ်
ဟေး …. လှဲအိပ်နေတဲ့ ပင်လယ်
ခု ထစမ်း
သင့်ဆီ ငါ လာတယ်။
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ငါ့ကောင်းကင်မှာ နက္ခတ်တွေ ကြမ်းပြီး
ငါ့လမ်းက တောင်ပြိုနေတယ်

ငါ့နောက်ကို ဘယ်သူမှ မလိုက်နဲ့
ဖြစ်နိုင်ရင်
ငါ့အရိပ်ကတောင် ငါ့နောက်ကို မလိုက်နဲ့။

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ထိုသောညမှာ နှင်းပြာအုပ်မိုး
အိပ်မက်ခိုးမျှင် သခင်ဖြစ်၏
ကြယ်စင်ညတွေ ပန်းရင်းကြွေသက်
မျက်ရည်ဝိုးဝင်း အိပ်မက်လင်းပြာ
ငါ နမ်းမွှေးရှိုက် ရင်ကိုခိုက်၏ ။

ငါ …. ချစ်မိသည်
ငါ ချစ်မိသည်
ယုံကြည်ကြေကွဲ ခိုတွဲကိုင်းညွတ်
ပွင့်ဦးဆွတ်ပျံ့ နှုတ်ဖျားထုံကျဉ်
သခင် … သိပါ။

ထိုသို့ဖြင့်
ငါနှင့်ကြယ်တို့ ညမြို့ရိုးထက်
သွေးပျက်သီချင်း ဆိုညှင်းဖွဲ့ဝေ
ကြွေခဲ့ကြသည်။

သြော် ထိုသို့ဖြင့်
ငါနှင့်သခင် ရာဇဝင်ပန်း
လွမ်းမှိုင်းဝေရီ ရွှေလက်ဖဝါး
ပါးပြင်ထိအပ် ခုံမင်တတ်လည်း
ရေးမှတ်မိရုံ ဝတ်မှုန်မြေဆွေး
ဝေးသွားခဲ့လျှင်…
ဝေးသွားခဲ့လျှင်…
(ကြယ်ကြွေလင်္ကာ)
တာရာမင်းဝေ
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

မနက်ဖြန်

ရက်လွန်နေတဲ့ အချစ်တစ်ချို့နဲ့..
အခန်းတံခါးကိုဆွဲဖွင့်…
အခန်းထဲမှာ သူမ..ရှိနေမှာမဟုတ်မှန်းလည်း သိနေရက်နဲ့..

ပင်လယ်လိုမျှော်လင့်ခြင်းတွေဟာ အဆိပ်တွေကို အခိုင်လိုက် ပွင့်စေခဲ့..
ကျွန်တော်ကိုယ်တိုင် ရေမှန်မှန်လောင်းပေးခဲ့တာပါ..

ဂျစ်ပဆီသမိုင်းတွေထဲ ဝင်အိပ်
ခပ်ရိုင်းရိုင်း မူးမှိတ်လိုက်ချင်ပေမယ့်လည်း
မေ့လျော့ခြင်းတွေက မင်းနာမည်ကို အစားထိုးလို့မရနိုင်ခဲ့ဘူး..
မေ့လို့မရခဲ့ဘူး..

ထမင်းလုံးတစ္ဆေမလေးရေ..
မင်းအတွက်ဆိုရင် ငါ့အိပ်မက်တွေကို
ညတိုင်းတံခါးဖွင့်ပေးထားတယ်လေ..

မနေ့က ငါ့ပုခုံးပေါ်ကိုကျလာတဲ့ နေရောင်အနွေးဓာတ်က
ဒီနေ့လည်းငါ့ကို မနွေးထွေးစေဘူး…
မင်းရဲ့ရင်ငွေ့တွေကိုတမ်းတ..
အက်စကီးမိုးတွေကို ငါ ..
ကိုယ်ချင်းစာတတ်လာတယ်..
ငါ့တစ်ကိုယ်လုံးသွေးခဲနေပြီလေ..

ဆော်လမွန်တွေကိုလည်း နှုတ်မဆက်နိုင်တော့ပါဘူး..
မိုင်ထောင်ချီတဲ့ အလွမ်းတွေကိုပျိုး..
ပြန်မရနိုင်တဲ့ စက္ကန့်တွေကို
အော်..ခေါ်ရင်းနဲ့
လဲ..ပြို..ကျ..သွား
ငါ့ဝိဥာဉ်နဲ့ ပန်းတစ်ပွင့်ကို ဖန်ဆင်းပေးလိုက်တယ်..
မနက်ဖြန်မင်းရဲ့ မင်္ဂလာဆောင်မှာ တင့်တယ်နေပါစေ..

ကျွန်တော်နှင့်ပိုင်းလော့ခ်ပိုး

ဒီနေ့ ဒုတိယအကြိမ်အဖြစ် ပိုင်းလောခ့်အင်တာဗျူးဝင်ဖြစ်တယ်ဗျာ..
ထင်ထားတာတွေမမေးပဲ မထင်ထားတာတွေနဲ့ကိုင်တော့တာပဲ..
အင်တာဗျူးဆိုတာက ကျွန်တော့်အတွက်က ရိုးအီနေပြီ.. ခဏခဏ အလုပ်ပြောင်းနေတော့ အင်တာဗျူးကကျွန်တော့်အတွက် အိမ်ဦးနဲ့ကြမ်းပြင်လိုပဲ.. ဒါပေမယ့်ဒီနေ့ကတော့ စပါယ်ရှယ်ပဲဗျို့..
အီစလံဝေနေတာပဲ..ဒါကိုဖတ်ဖြစ်တဲ့လူရှိရင်လည်း မေးခွန်းတွေသိရအောင်..

Tell me about yourself? (ဒါကတော့ ရိုးအီနေတဲ့မေးခွန်းပါ)

Are you staying alone here or with your family?

So this is your second time? Why didn't you pass through first time? (အမှန်ကတော့ ပထမအကြိမ်တုန်းက First round အင်တာဗျူးအောင်တယ်..ဒါပေမယ့် စလုံးအစိုးရနဲ့ သုံးနှစ်အလုပ်လုပ်ပါမယ်ဆိုတဲ့ စာချုပ်အကြောင်းကိုပြောမိတော့ အဲလိုဆိုမရဘူးဆိုပြီး..အဲဒီမှာ တစ်သွားတာဗျုိ့ အဲလိုဖြေချင်တာမှ ပါးစပ်ကိုယားနေတာပဲ..) ဒါပေမယ့် I am not sure ပဲဖြေတာပေါ့..ဘာရမလဲ...

So you came here to study? Which school are you from?

So why do you want to be a pilot?

What is your current job?

Tell me about airplanes..?
အဲဒီမှာကျွန်တော်က Flying Theory ကို ရှင်းပြလိုက်တယ်..
Thrust, drag, lift and weight အကြောင်း..
Thrust ဆိုတာက လေယာဉ်ရဲ့ ဂျက်အင်ဂျင်က ပန်ကာလည်ရင် ရလာတဲ့ energy ကနေ အရှေ့ကိုရွေ့တဲ့အား..
အဲလိုပြေးလမ်းပေါ်မှာစပြေးပြီဆိုရင် air resistance ရှိတယ်..အဲဒါက drag ဆိုတဲ့ အားလေယာဉ်ကိုသက်ရောက်တယ်..
Lift က လေယာဉ်ရဲ့curve တောင်ပံဒီဇိုင်းအရ aerodynamic force ကိုရစေပြီး ပြေးလမ်းမှာအရှိန်ရလေလေ လေယာဉ်ကို အောက်ကလေက ပင့်ပေးလေလေ အဲဒီမှာလေယာဉ်ရဲ့ အလေးချိန် Weight ကနည်းလာတယ်..အဲဒီမှာ Air borne ဖြစ်တယ်ပေါ့ဗျာ..

လေယာဉ် Take Off လုပ်ဖို့အတွက် Thrust must be greater than Drag and Lift must be greater than Weight.
လေယာဉ် ဆင်းမယ်ဆိုရင်တော့ Vice versa ပေါ့ဗျာ..

Tell me about Flight controls..
Rudder တော့သိတယ်ဗျာ..ကျန်တဲ့ထွေလီကာလီတွေကတော့ မသိဘူး..

Do you drive car? If yes, tell me about how does engine work?

How about Motorcycle? What is the difference?

What sort of engines does 747 uses? Give me some names..
Roll Royce, GE

Roll Royce is a car company as well.. so where is it from?
Colonial လို့ ပြောမှတော့ England ကပေါ့ဗျာ..

How about Boeing company? Where is it from?
်U San Aung ဆီကပေါ့ဗျာ (USA) Which state of US? စားတယ်ဗျာ..

What is the company of A380?
Airbus..

Which country does A380 come from?
France မှာ Assemble လုပ်တယ် Parts တွေကို တစ်ခြား Europe နိုင်ငံတွေက ဝယ်တယ်.. လို့ဖြေတော့ Germany မှာလည်းရှိသေးတယ်တဲ့ဗျာ..အဲဒါတော့ အီဖေစကိုလည်းမသိဘူး..


What is the Longitude and Latitude of SG?

How do you calculate time from the Greenwich mean line?

So do you go back often? What is the height that Silk Air usually fly to YGN?

Do you read newspapers? What's the news back home in YGN?
How about Thailand? What's happening in Cambodia?
ဒါကတော့ အေးဆေး..လျှောက်ရွှီးတာပေါ့ဗျာ..

Do you have any questions?

.....အဲဒါပါပဲ..ဒီတစ်ခေါက်က ပြင်ဆင်ချိန် ၂ ရက်ပဲရတယ်..

ပထမတစ်ခေါက်တုန်းက အဲဒီလောက်ဦးနှောက်မစားဘူးဗျို့..Interviewer Pilots တွေက သဘောကောင်းတယ်...ဒီတစ်ခေါက် ပိုင်းလောခ့်ကတော့ ပညာကို စပါယ်ရှယ်ပြတာပါပဲ..
အမေတို့ကယ်ပါ..အဖေတို့ကယ်ပါ..ယောက္ခမဘက်က အမျိုးတွေကယ်ပါလို့..တရမလိုဖြစ်နေပြီဗျာ..

ပထမဗျူးတုန်းက မတူသောမေးခွန်းများ

What is the capital of Cambodia?

Tell me about differences between A380 and 747?

How much do you know about SIA?

From SG to New York, which oceans and seas does the plane fly over?
South China Sea, Philippine Sea, North Pacific Ocean..

အလင်းစကား

အမှန်တရားအတွက်ကာကွယ်..အမှားအယွင်းတွေကို တိုက်ခိုက်ကြတဲ့အခါ..
မင်းအသက်နဲ့ ဘဝကို စွန့်လွှတ်ထားနိုင်မှ..
ယုံကြည်ပါ အမှန်တရား..
အရိုးသားဆုံးလှုပ်ရှား..
ဒုက္ခနဲ့ရင်ဆိုင်လာရင် မတုန်လှုပ်ဘူးမဟုတ်လား..


ထူးအိမ်သင်၏ အို..ညီလေးရေ သီချင်းမှ..

ဓာတ်ခွဲစမ်းသပ်ခြင်း

နာမည် - ဒီဝိုင်း၊ ဒိုင်းဝီ၊ အပျိုတွေရဲ့.. ကိုစက်
သူငယ်ချင်းတွေက ဒီလိုခေါ်တယ် - လာပါဦး….
ကိုယ်ဒီမှာ နေတယ် - ကင်းတဲ..
ကိုယ့်ဆီဖုန်းဆက်ချင်ရင် - လူကြီးမင်းနဲ့အရင်တွေ့မယ်

ကိုယ့်ရဲ့ အကြိုက်ဆုံးတွေက
အရောင်ဆိုရင် - ကာလာဘလိုင်း
အ၀တ်အစားဆိုရင် - ကျောက်ခေတ်ဖက်ရှင်
အစားအစာဆိုရင် - ဘယာကြော်
ပစ္စည်းဆိုရင် - ၂၄ ပစ္စည်း
သီချင်းဆိုရင် - မီးဘေးရှောင်လို့မလောင်ခင်တားကြပါ…
စာရေးဆရာ - ခါးပိုက်နှိုက်သတိပြု ရေးသူ
Life style - မဂ္ဂဇင်း
ကိုယ့်ရဲ့ ၀ါသနာ - အိပ်ခြင်းနဲ့ စားခြင်း၊ ခရီးသွားခြင်းနဲ့ အမြည်းစားခြင်း..
အလိုချင်ဆုံး လက်ဆောင် - လိုတရ ပတ္တမြား ၁၇ လုံးလောက်
ကိုယ့်ရဲ့ အချစ်ဆုံးသူက - ဘယ်သူပါလိမ့်…
ကိုယ့်ရဲ့ အလေးစားဆုံးသူက - မထသလိုင်းကား ဒရိုင်ဘာများ..ကားစုတ်ကိုရအောင်မောင်း၍
ကိုယ့်ရဲ့ အခင်ဆုံး သူငယ်ချင်းက - မမွေးသေးဘူး
ကိုယ့်ကို အများဆုံး နားလည်မှုပေးနိုင်သူက - ကိုယ့်နားရွက်..
ကိုယ့်ရဲ့ အမုန်းဆုံးသူက - ဟိုလူကြီး…
ရင်အခုန်ဆုံး အချိန် - ခရီးသွားရင်း ပေါက်တောသွားချင်တဲ့အချိန်..
အကြောက်ဆုံး အချိန် - ဓာတ်လှေကားတို့ ရထားတို့ပေါ်မှာ ဘေးကလူ လေလည်တဲ့အချိန်..
အပျော်ဆုံး အချိန် - အိပ်ယာထ ရေသောက် ဝိတ်လျှော့ပြီးတဲ့အချိန်…
အမှတ်တရနေ့ - သူငယ်တန်းတုန်းက ရည်းစားစာပေးတဲ့နေ့..
ဆုတောင်းတိုင်းသာ ပြည့်မယ်ဆိုရင် တောင်းမဲ့ဆု - ကမ္ဘာပေါ်က လူပျိုကြီး အပျိုကြီးတွေ မြန်မြန်စွံပါစေ..

အချစ် ဆိုတာ - ရင်ထဲက ကလိကလိဖြစ်ခြင်း..
အမုန်း ဆိုတာ - အရမ်းအရမ်းလို့ပြောတာလေ..အမုန်းဆွဲပြီး ဗုံးကြဲမယ်တဲ့
အလွမ်း ဆိုတာ - ဘီအီးဆိုင်ရဲ့နာမည်… လွမ်းတဲ့လူတွေလာသောက်လွန်းလို့
သံယောဇဉ် ဆိုတာ - အပေါင်ဆိုင်ရဲ့နာမည်.. သံယောဇဉ်တွေကျန်ကျန်ခဲ့လွန်းလို့..
ဘ၀ ဆိုတာ - ဘပိန်မဟုတ်ဘူးပေါ့ဗျာ..
သူငယ်ချင်း ဆိုတာ - တကယ်ဗြင်းတဲ့ကောင်တွေ..
ချစ်သူ ဆိုတာ - ခြူသစ်လေ.. တာယာပွကြီး ကာတွန်းဇာတ်ညွှန်းရေးတယ်..
ကိုယ့်ကိုယ်ကို ဒီလို ထင်တယ် - တံတွေး တဗျစ်ဗျစ် ထွေးတတ်တဲ့ကောင်..
ကိုယ့်ရဲ့ လက်စွဲဆောင်ပုဒ်က - မိတ်ဆွေ...မိမိကိစ္စပြီးတိုင်း ရေလောင်းပါ..
အပြောချင်ဆုံး စကားတခွန်း - လိမ္မာရစ်ကြပါ…(သေခါနီးအိုက်တင်နဲ့ပြော)

မှတ်ချက်…ဘယ်သူမှမတက်ခ်ပဲ ကိုယ့်ဟာကိုယ်ပြန်တက်ခ်၍ရေးသည်..

အဇ္ဈတ္တ စစ်ပွဲ

လက်နှစ်ဘက်နဲ့တီးလိုက်တိုင်း
မှားယွင်းခြင်းသံစဉ်တွေ ဖိတ်ကျ
ဘဝမှာ..ကိုယ့်ကိုယ်ကို ကျိတ်မှိတ်
တိတ်တဆိတ် ပြန်လည် က ပြနေရတဲ့ ညတွေလည်းရှိရဲ့…

မိစ္ဆာလို ကြွားဝါခြင်းမျိုးတွေက
မာန်ရ်နတ်သားပျိုရဲ့ သင်ခန်းစာအိုတွေထဲက
ဂုမ္ထာန်တစ်ထောင်လှောင်ရယ်သံမျိုးနဲ့
အဇ္ဈတ္တကို ဝဲဂယက်ထစေကြ
ခြေသုတ်ခုံလို နှိမ့်နှိမ့်ချချနေတတ်ရဦးမယ်လေ..

နာခံလွယ်ခြင်းတွေဖျားနာလို့
မာန်မာနကို ရိုက်ချိုး
ခါးပိုက်ဆောင်ထဲက မြွေပွေးတွေ
မီးသဂြိုဟ် လိုက်တော့
ရှင်းသန့်တဲ့ရနံ့တွေ
လှိုင်လှိုင် ထ ခဲ့ရ..
ညီမလေးရဲ့ စံပယ်ပွင့်ဖြူဖြူတွေပေါ်မှာ
မိုးညတွေ အိပ်လို့ပျော်နေပြီ…

ရဲရင့်ခြင်း အောင်မြေကိုနင်းရင်း
တပ်ဦးမှာ ငါ့အလံကိုစိုက်
ငါ့စိတ်နဲ့ ငါတိုက်ဖို့
စစ်တလင်းမှာ ခရာတွေ မှုတ်လိုက်ကြပေါ့
ရတယ်...
ဘယ်သွေးသောက်မှ မလိုက်ခဲ့ကြနဲ့…

ငါတစ်ယောက်တည်း
သွေးစေးတွေခဲလို့
ဦးခေါင်းခွံ ကွဲ-အက်-ဆွေး-မြေ့ ပါစေ
အလံကတော့ ဘယ်တော့မှ မလဲစေရဘူး။ ။

Don't Stop Dancing - Creed

အမဲလိုက်နေကြသော သားကောင်များ

(၁)

လူဝင်မှုကြီးကြပ်ရေှး။ ။ ပတ်စ်ပို့ အနီရောင်ကိုကြည့်၍ မျက်နှာရှုံ့တွကာ မင်းက

ဒီနိုင်ငံကိုဘာလာလုပ်တာလဲ?

သားကောင် ။ ။ ခင်ဗျာ…(မန်ကျည်းသီးခန့် မျက်နှာငယ်လေးဖြင့်)

လဝက ။ ။ မင်းအင်္ဂလိပ်လိုပြောတတ်လား? မင်းဒီကိုဘာလာလုပ်တာလဲ?

(မာရေကျောရေ ငပျင်းခြံစည်းရိုး ဆက်ဆံရေးဖြင့်)

သားကောင် ။ ။ သြော်…အ..အလည်..လာတာပါ (အထစ်အထစ်ဖြင့်ဖြေ)

လဝက ။ ။ မင်းဟိုဘက်မှာ ခဏစောင့်။

အတန်ကြာ စောင့်ဆိုင်းပြီးသောအခါ။ နောက်ထပ် သားကောင် ၄ ယောက်ခန့်တိုးလာလေသည်။

လဝက ။ ။ ငါ့နောက်လိုက်ခဲ့... ဟုဆိုကာ ရုံးခန်းအတွင်းသို့ဝင်သွားလေသည်။

လဝက အရာရှိ ။ ။ မင်းတို့က ဒီကို လာလည်တယ်လို့ပြောတယ်နော်..မင်းတို့ဆီမှာ

လည်စရာပတ်စရာ ပိုက်ဆံ ဘယ်လောက်ပါလဲ? အိတ်ဖွင့်ပြ?

သားကောင်များ ။ ။ တစ်ယောက်ချင်းဆီ အိတ်ဖွင့်၍ အထဲရှိပိုက်ဆံများပြသော်..

လဝက အရာရှိ ။ ။ ရေကြည့်စမ်းကွာ..

သားကောင်များ ။ ။ ပိုက်ဆံများကို တစ်ရွက်ခြင်းရေပြ..

ထို့နောက် ၁၅ မိနစ်ခန့် ဟိုမေး ဒီမေးလုပ်ပြီးသောအခါ ရက်သုံးဆယ်နေခွင့် ကို ဒုံး…ဒုံး..ဟု တံဆိပ်တုံးထုကာ ဆောင့်ကြီးအောင့်ကြီးပေးလိုက်လေသည်။

(၂)

သားကောင် ။ ။ ဟဲလို…

မုဆိုး ။ ။ ဟုတ်ကဲ့ပြောပါ…

သားကောင် ။ ။ သတင်းစာထဲမှာပါတဲ့အလုပ်ကြော်ငြာကို စိတ်ဝင်စားလို့ပါ။

မုဆိုး ။ ။ ခင်းဗျားက Singaporean လား PR လား?

သားကောင် ။ ။ သြော်..ကျွန်တော်က မြန်မာပြည်ကလာတာပါ။

မုဆိုး ။ Foreigner ဆိုရင်ဆောရီးပါ..ကျွန်တော်တို့လက်မခံပါဘူး..(ဖုန်းချသွား..)

သားကောင် ။ ။ တူ…တူ…တူ…သံမြည်နေသောဖုန်းသံကို နားထောင်ရင်း

ငေါတောင်တောင်ဖြင့်ကျန်ရစ်

(၃)

သားကောင် ။ ။ အားကိုးပါရစေ အစ်ကိုရယ်။ ကျွန်တော်က ဖောင်ဖျက်ပြီးလာတာမို့လို့ပါ။

အမေကလည်း ခြံကိုရောင်းပြီးကို တစ်ခါတည်း အမွေပေးလိုက်တာ။

ဒါကုန်လည်း ဖျာပုံပြန်လို့မရတော့လို့ပါ။

မုဆိုး ။ ။ စိတ်ချစမ်းပါငါ့ညီရာ။ အစ်ကိုလုပ်ပေးလိုက်လို့ အဆင်ပြေပြီး

အိမ်ကိုငွေပြန်ပို့နေတဲ့လူတွေ တစ်ပုံကြီး။

သားကောင် ။ ။ ယုံပါတယ်ဗျာ။ ယုံပါတယ်။ ဒါနဲ့ဘယ်လောက်ပေးထားရမှာ?

မုဆိုး ။ ။ တစ်ရာထဲပါကွာ။ ဒါကလည်း မင်းတို့အတွက်အလုပ်ရှာပေးတုန်း

ငါသွားစရိတ်..လာစရိတ်လောက်ပါ။ ထောင်မြင်ရင်ရာစွန့်ရမှာပေါ့

ဟုတ်တယ်မလား? မင်းက အင်္ဂလိပ်စကားလည်း မကောင်းတော့

ငါ့အဆက်အသွယ်နဲ့မှ အဆင်ပြေမှာလေ။

သားကောင် ။ ။ အလုပ်တကယ်လို့မရရင်ရော ဒီပိုက်ဆံပြန်ရမှာလား?

မုဆိုး ။ ။ တစ်ဝက်တိတိပြန်ရစေမယ်ကွာ။ ကတိပေးတယ်။

သားကောင် ။ ။ ယုံပါတယ်ဗျာ။ ဗမာအချင်းချင်းပဲဟာ ရိုင်းပင်းကူညီတတ်ကြပါတယ်…

ရော့..ရော့..ဒါကကျွန်တော်နဲ့အတူ ထွက်လာတဲ့ သူငယ်ချင်းတွေ..

သူတို့ကိုလည်း ကူညီပေးပါ အစ်ကိုရာ။ ကျေးဇူးမမေ့ပါဘူး။

ထိုသို့ဖြင့် တစ်ယောက်ကို ငွေတစ်ရာပေးလိုက်က ထိုနေ့မှစ၍ ကတိတစ်ဝက်နှင့် ပွဲစားတစ်ပိုင်း မုဆိုးရိုင်းက ပျောက်ချင်းမလှပျောက်ဆုံးသွားလေတော့သည်။

(၄)

လူတွေ့ အင်တာဗျူးတစ်ခုသို့သွားကာ လျှောက်လွှာတင်သောအခါ

သားကောင် ။ ။ လျှောက်လွှာလေးတစ်စောင်လောက်မရဘူးလားဗျာ။

စာရေးမ ။ ။ အရှေ့တောင်အာရှ ကျွန်းဆွယ်တစ်ခုလုံး သူ့လုပ်စာ ထိုင်စားနေရသော

မျက်နှာပေးမျိုးနှင့် ရော့…အင့်…

သားကောင် ။ ။ ဒါနဲ့လာလျှောက်တဲ့လူက ဘယ်နှစ်ယောက်လောက်များရှိလဲမသိဘူး။

စာရေးမ ။ ။ စာရင်းစာအုပ်ကို တစ်ချက်ကြည့်၍ အင်း ရှင်အပါအဝင်ဆို ရှင်တို့လူမျိုးကြီးပဲ

ဒီပို့စ်ကို လာလျှောက်တာ အယောက် ၁၂၀ ရှိပြီ…

သားကောင် ။ ။ ခင်ဗျာ…!!!!

(၅)

ထိုသို့ဖြင့် ရက်များက တရွေ့ရွေ့ဖြင့် ကုန်ဆုံးရန် နီးကပ်လာလေသည်။ ကံအားလျော်စွာ သတင်းစာထဲတွင် ကြော်ငြာတစ်ခုသွားတွေ့သည်။

စားသောက်ဆိုင် အကူ စားပွဲထိုး၊ ထမင်းချက်၊ တောက်တိုမယ်ရ ဘာညာသာဓကာ အလိုရှိသည်။ (Foreigner Welcome)

ရေငတ်တုန်း အင်းလေးကန်ထဲပြုတ်ကျသလို မပြေးရုံတမယ်ဖြင့် ဗျူးရန်သွားသည်။ ဟိုရောက်တော့ ရွာတုန်းက သာအေး အလှူလို လူတွေက အများသား။ ရွှေတွေရော ဖအုပ်ထုပ်တွေရော။ ကိုယ်လိုသူလို လူမျိုးများ အပူလှိုင်းများကို အုပ်၍ တစ်ယောက်နှင့် တစ်ယောက်ပြုံးပြကြသည်။ အို.....ဘာဖြစ်ဖြစ် ရောက်မှတော့ မထူးဟု ဆိုကာ လျှောက်လွှာဖြည့်၍ အလှည့်ကိုစောင့်နေမိသည်။ ကိုယ့်အလှည့်လည်းရောက်ကာနီးရော ဗျူးသည့်လူကထွက်လာကာ လူတွေအရမ်းများနေသည့်အတွက် သူကပဲ အလုပ်နှင့်ပတ်သတ်သည့်အသေးစိတ်ကို အားလုံးနားထောင်နိုင်ရန် ရှင်းပြသည်။

မုဆိုး ။ ။ ဒီစားသောက်ဆိုင်က အခုမှစဖွင့်မှာဖြစ်ပါတယ်။ ကျွန်တော်တို့ ကုမ္ပဏီအနေနဲ့

ဘယ်လောက်ကြီးပဲ အတွေ့အကြုံရှိတဲ့လူ၊ ဘယ်လောက်ကြီးပဲ ပညာအရည်

အချင်းတွေမြင့်မားနေပါစေ အောက်ထစ် တစ်လကို ၁၀၀၀ ကစပေးပါမယ်။

ပညာအရည်အချင်း လုပ်သက်အတွေ့အကြုံများပေမယ့် အလုပ်မှာ စွမ်းဆောင်

ရည်ရှိမရှိကို မသိတဲ့အတွက် အခုလို စပေးရခြင်းဖြစ်ပါတယ်။ နောက်များတော့

၂ လတန်သည် ၃ လတန်သည် ကြုံရင်လည်း ကြုံသလို မကြုံရင်လည်း မကြုံသ

လိုပေါ့ဗျာ…ကြည့်ကျက်တိုးပေးပါမယ်။

သားကောင်များ ။ ။ (ရွစိ..ရွစိ..ဖြစ်ကုန်၍) ခေါင်းလိုက်ညိတ်သည့်လူကလည်း ငြိမ့်လျှက်..

မလှုပ်မရှက်ဖြင့် ကျောက်ရုပ်လိုငြိမ်သက်သူများကလည်း ငြိမ်သက်

လျှက်.... မုဆိုး၏ အပစ်ကို သေမထူးနေမထူးသဘောဖြင့်

ပစ်ကွင်းကောင်းစေရန် တစ်ချို့က မသိမသာ ကျောလှည့်ပေးသည်။

(၆)

သားကောင် ။ ။ ကျွန်မကို လူအိုရုံမှာ အလုပ်ရမယ်ဆိုပြီး အေ့ဂျင့်က လွှတ်လိုက်တာပါ။

ဒီရောက်မှ အိမ်ဖော်အလုပ်ဖြစ်နေတယ်လေ။ ပထမကတော့ စလုံးတစ်

ယောက်အိမ်မှာလုပ်ရပါတယ်။ အဲဒီတုန်းက တစ်ပတ်တစ်ခါ အပြင်ထွက်

ခွင့်ရသလို မုန့်ဖိုးလေးဘာလေးလဲရပါတယ်။ တစ်နှစ်စာချုပ်ပြည့်တော့မှ

ဗမာအိမ်ကို ရောက်ခဲ့ပါတယ်။ ကိုယ့်လူမျိုးအချင်းချင်းဆိုပြီးတော့

အားတက်မိပါတယ်။ နောက်တော့မှ တစ်ပတ်ကိုလည်း

တစ်ရက်မှ နားလို့မရ။ အလုပ်ဆိုလည်း အားလုံး သိမ်းကျုံးလုပ်၊

ကျွန်မဘွဲ့နဲ့ ဆိုင်တဲ့ တစ်ခြားအလုပ်ရှာဖို့ အင်တာနက်ဆိုင်ကို အသွား

လမ်းရောက်တော့မှ အိမ်ရှင်က ဇက်ကြောတက်လို့ဆိုပြီး ဖုန်းဆက်ခေါ်

ပါတယ်။ ကိုယ့်လူမျိုးအိမ်ကိုရောက်မှ ပိုဆိုးတော့တာပါပဲ။

နိဂုံး

ကျွန်တော်တို့လူမျိုးတွေ အလုပ်ဆိုတဲ့အမဲကောင်ကိုလိုက်ရင်း ရေကြည်ရာမြက်နုရာ ဒီကျွန်းပေါ်ကို ရောက်လာကြပါတယ်။ တစ်ရွာမပြောင်းသူကောင်းမဖြစ်၊ သေချင်တဲ့ကျား တောပြောင်းဆိုသလို အဆင်ပြေတဲ့လူတွေရှိသလို အမဲလိုက်ရင်း ကိုယ်ကိုယ်တိုင် သားကောင်ဘဝရောက်တဲ့လူတွေလည်း တွေ့နေရပါတယ်။ အလုပ်မလုပ်ခင် သေသေချာချာ စုံစမ်းကြပါ။ မြန်မာအချင်းချင်းဆိုပြီး မယုံလွယ်ကြပါနဲ့။ မုဆိုးတစ်ပိုင်း ပွဲစားရိုင်းများ၏ ဘေးရန်မှလည်း ကင်းဝေးကြပါစေဗျာ….

အဘိုးအို

အဘိုးအိုတွင် အိမ် (သို့) တဲတစ်လုံးရှိသည်။ သူ့တဲ၏ဘေးပတ်ဝန်းကျင်တွင် စမ်းချောင်းတစ်ခုက တသွင်သွင်စီးဆင်းလျှက်… သူစိတ်ညစ်ညူးသည့်အခါတိုင်း စီးဆင်းနေသောစမ်းချောင်းထဲတွင် ရေစိမ်လေ့ရှိကာ သူ့စိတ်အစဉ်ကို ပြန်လည်သန့်စင်တတ်သည်။ စက္ကန့်တိုင်းတွင် စီးဆင်းခဲ့သောရေများသည် အတိတ်၊ အခုသူ့ကိုယ်ကို ပွတ်တိုက်ထိတွေ့နေသော အေးစက်နေသည့်အတွေ့သည် ပစ္စုပ္ပန်၊ အနာဂတ်ကတော့ စမ်းချောင်း၏အထက်ပိုင်းမှ သူ့ဆီသို့ဖြေးညှင်းစွာတိုးဝင်စီးဆင်းလာမည်ဖြစ်သည်။ ထို့အတွက် ဘာမှစိုးရိမ်ပူပန်နေစရာမလိုသလို စီးဆင်းခဲ့သောအတိတ်များအတွက်လည်း နှမြောတသခြင်းမဖြစ်မိ လက်ရှိသူ့ကိုယ်အား ပွတ်တိုက်နေသောရေထုသည်သာလျှင် သူ့ဘဝဖြစ်သည်။ ထိုသို့ဖြင့် သူ့၏စိတ်အစဉ်သည်ပြန်လည် လန်းဆန်းကာငြိမ်းချမ်းသွားလေ့ရှိသည်။

သူ့တွင် ခြံမခတ်ထားသော ဥယျဉ်တစ်ခုလည်းရှိသည်။ ထိုဥယျဉ်ထဲတွင် သူ့၏မျှော်လင့်ခြင်းများကို နေ့စဉ်နေ့တိုင်း အရုဏ်ဦး၏ရောင်ခြည်အချို့နှင့်အတူ ပျိုးထောင်ပေးလေ့ရှိသည်။ သူ့ဥယျာဉ်ထဲတွင် စိုက်ပျိုးထားသော မျှော်လင့်ခြင်း၏ အသီးအပွင့်များနှင့် ပန်းပေါင်းစုံ၏ အလှတရားများကို လိပ်ပြာများ၊ ငှက်ငယ်များ၊ ရွာထဲရှိမိန်းမပျိုများ၊ ကာလသားများ၊ မုဆိုးမ၊ ခေါင်းရွက်ဗျတ်ထိုးဈေးသည်များ၊ ရွာ၏ အပယ်ခံများသာမက အရူးအဆုံး မည်သူမဆို အလိုရှိသလို ယူငင် အသုံးချစေသည်။ မည်သည့်ပညတ်ချက်မှမထား။ ထို့အတွက်လည်း တံခါးနှင့်ဓားမရှိစေရန်အတွက် ခြံမခတ်ထားခြင်းဖြစ်သည်။ သူ့၏ဥယျာဉ်သည် နတ်တို့ဖန်ဆင်းသောဥယျာဉ်အလား မြင်သူတိုင်း စိတ်ကြည်နူးခြင်းတစ်မျိုးကို ဖြစ်ပေါ်စေသည်။ ထိုသို့ ဖြစ်ပေါ်လာသော ပီတိတစ်ချို့နှင့် ဥယျာဉ်ထဲမှ ရာသီသီးနှံတစ်ချို့ကို သူ့ဘဝ၏ နေ့စဉ်အာဟာရအဖြစ်စားသုံးလေ့ရှိသည်။ ဤနည်းဖြင့် သူရှင်သန်သည်။

သူ၏ပန်ဝန်းကျင်တွင် ရေးဆွဲပြီးခဲ့သော ရေးဆွဲလက်စနှင့် ခေါင်းစဉ်တပ်ကာ ဘာမှမဆွဲရသေးသော ပန်းချီကား တစ်ချို့ရှိသည်။ ထိုကားများအတွက် မည်သည့်နည်းဖြင့်ရေးဆွဲမည်ဟု သူ့စိတ်ထဲတွင် သတ်မှတ်မထား၊ သူ့စိတ်ထဲတွင်ပေါ်လာသော နည်းစနစ်ဖြင့် တစ်ခါတစ်လေ ကင်းဗတ်စ၊ တစ်ခါတစ်လေ တောင်နံရံများ၊ တစ်ခါတစ်လေ သစ်ပင်များတွင် ဓားဖြင့်ချိုင်၍ လည်းကောင်း တစ်ခါတစ်လေ လှေကားထောင်၍ သစ်ပင်ပေါ်မှ သစ်ရွက်များကို အပေါက်ကလေးများဖောက်၍ လည်းကောင်း သူစိတ်လွတ်ကိုယ်လွတ်ရေးဆွဲလေ့ရှိသည်။ နေရောင်ထိုးသောအခါ ထိုသစ်ရွက်များကို ဖောက်၍ မြေပြင်ပေါ်သို့ကျနေသော အရိပ်များမှာ သူ့အိမ် (သို့) တဲ ပတ်ဝန်းကျင်တွင် လေဝှေ့တိုင်း ယိမ်းထိုးနေခြင်းဖြင့် ကင်းဗတ်စပေါ်တွင် ငြိမ်သက်နေသော Static Art အပြင် Dynamic Art တစ်ချို့ကိုလည်း သူဖန်တီးတတ်သည်။ သဘာဝအလှတရားသည် သူ့အသက်ရှုသံဖြစ်၍ သွေးကြောများထဲတွင် စိမ့်ဝင်စီးဆင်းလှည့်ပတ်လျှက်ရှိသည်။ ထိုနည်းဖြင့် သူအသက်ရှုသည်။

ညနေခင်းများတွင်တော့ သူ့၏ အိမ်ပတ်ဝန်းကျင်ရှိ အမှိုက်သရိုက်များကို လှည်းကျင်းသန့်စင်လေ့ရှိကာ ရွာအဝင်အထွက်လမ်းရှိ ရေအိုးစင်ကိုလည်း ရေပုံမှန်ဖြည့်ပေးလေ့ရှိသည်။ ထိုရေအိုးတွင်ထားသော အုန်းမှုတ်သောက်ရေခွက်၏လက်ကိုင်ကိုလည်း ကနုတ်ပန်းနွယ်ပန်းလက်များ ဖြစ်စေရန် သူကိုယ်တိုင် ဓားဖြင့်အနုစိတ်ထားသည်။ ထိုသောက်ရေခွက်သည်လည်း ခဏခဏပျောက်တတ်သလို ရွာသားတစ်ချို့ကလည်းဖျက်ဆီးတတ်ကြသည်။ ထို့သို့ပျောက်သွားတိုင်း ကျိုးပဲ့သွားတိုင်း အဘိုးအိုကဘာမှမပြော မညည်းတွားပဲ နောက်ထပ်အသစ်တစ်ခုကိုသာပြန်လည် ထုလုပ်လေ့ရှိသည်။ ထို့အတွက် စိတ်အားခိုင်းစရာ အလုပ်တစ်ခုအသစ်တစ်ဖန်ပြန်လည်ရစေသည့်အတွက် ပျော်ပင်ပျော်မိသေးသည်။ သူ့အုန်းမှုတ်ခွက် လက်ကိုင်၏လက်ရာမှာလည်း တစ်နေ့တစ်ခြားပိုမိုကောင်းမွန်လာလေ့ရှိသည်။

ညနေစောင်းလျှင်တော့ တောင်ပေါ်ရှိ ထုံးသုတ်ထားသောစေတီဖြူဖြူရှေ့တွင် တရားထိုင်ကာ ဝတ်ပြုလေ့ရှိသည်။ ထို့နောက် ဆည်းလည်းတို့၏ ပွတ်တိုက်ရိုက်သံများကို နားဆင်ရင်း တိမ်တို့ဘာသာဘာဝ ဆည်းဆာနောက်ဆုံးအချိန်တွင် ရောင်စုံခြယ်ကာ ကွန့်မြူးနေကြခြင်း သူရိန်နေမင်း၏ အနောက်ယွန်းယွန်းတွင် ကျဆုံးခြင်းအကြောင်းကို နှလုံးသွင်းသည်။ ရေသည်စီးဆင်းနေသလို၊ နေသည်လည်း နိစ္စဓူဝ စီးဆင်းနေသည်ပဲ။ ထို့အတူ လူများ၊ တိရစ္ဆာန်များ၊ အောင်မြင်ခြင်း၊ ကျရှုံးခြင်း၊ တဏှာ၊ တပ်မက်မှု၊ တွယ်တာမှု၊ ပိုင်ဆိုင်လိုမှု၊ ပေးဆပ်ခြင်း စသည်စသည်ဖြင့် အရာအားလုံးသည် သဘာဝယန္တရားကြီးတစ်ခုပမာ စီးဆင်းနေကြသည်ပဲ။ ဆည်းဆာချိန်တွင် ရွှေအိုရောင်တောက်ပနေသော လယ်ခင်းများအပေါ်တွင် ဇရာဆိုသော အမှောင်အစက်အပြောက်များ တဖြည်းဖြည်းမင်းမူလာချိန်၊ တခြမ်းပဲ့လက အပြာရောင်နောက်ခံရေးရေးတွင် ခေါင်းပြူကြည့်နေချိန်၊ ရေခပ်ရာမှပြန်လာသော လုံမများရွာဝင်ချိန်၊ နွားရိုင်းသွင်းချိန်တွင်တော့ အဘိုးအိုလည်း တောင်အောက်သို့ပြန်လည်ဆင်းလာလေ့ရှိသည်။

ထို့နောက် သစ်သီး၊သစ်ဥတစ်ခုခုဖြင့် သူ၏ တစ်ယောက်တည်းသော ညစာစားပွဲကို ကျင်းပရင်း၊ တစ်ခါတစ်ရံညစာကိုရှောင်၍ ဥပုသ်ဆောက်တည်ခြင်းဖြင့် သူ၏ ဝမ်းမီးကို ငြှိမ်းသတ်လေ့ရှိသည်။ ထိုသို့စားသောက်ပြီးချိန်များ၌ ရွာအစွန်ဆုံးဘက်အခြမ်းတွင်ရှိသော သူ့တဲဆီသို့ ရောက်လာသော ကလေးများအား ကြယ်ရောင်စုံအောက်ရှိ ကွပ်ပျစ်ပေါ်တွင် ဘီလူး၊ နတ်သမီး၊ သူရဲကောင်း အစရှိသည့် ဒဏ္ဍာရီပုံပြင်များကိုပြောပြလေ့ရှိသည်။ အဘိုးအို၏ ပုံပြင်များမှာလည်း တစ်ပုဒ်နှင့်တစ်ပုဒ် ထပ်သည်ဟူ၍ မရှိပဲ စိတ်ဝင်စားစရာကောင်းသောကြောင့် ကလေးများက သဘောကျကြသည်။ ထို့အတူ ကလေးသဘာဝမေးသော မေးခွန်းများအားလည်း စိတ်ရှည်လက်ရှည်ဖြင့် ပြန်ဖြေလေ့ရှိသည်။ လသာသည့်ညများတွင်တော့ သူ့၏တယောအိုကိုထိုး၍ သီချင်းတစ်ပုဒ်ကို ညည်းဆိုနေတတ်သည်။ ထိုအချိန်တွင်တော့ အဘိုးအို၏ တယောသံနှင့်အတူ ညသည် အသက်ဝင်ကာ နုပျိုနေတတ်သည်။ သက်ကြီးခေါင်းချချိန်တွင်တော့ သူ၏ ခေါင်မလုံသော အမိုးက ကြယ်ပွင့်များကို ရေတွက်ရင်း အရာအားလုံးကိုမေ့ကာ နှစ်နှစ်ခြိုက်ချြိက်အိပ်ပျော်သွားလေတော့သည်။

ကဗျာတစ်ပုဒ်

အလုပ်မလျှောက်ပဲ ကဗျာချည်းပဲရေးချင်တဲ့ကောင်

နည်းတောင်နည်းသေးတယ်တဲ့…

တက်ကျမ်းတစ်အုပ်က ပြောတယ်..

အမေရယ်..

ကျွန်တော် အတ္တကြီးတာမဟုတ်ရပါ

စက်ရုပ်တွေကို စက်ဆုပ်

ကျုပ်လက်တစ်ဆုပ်စာ အနုပညာကိုပဲ

ထာဝရ ဘုရားသခင်ထင်လို့ပါ…

ငွေနံ့နံနေတဲ့ လေထုထဲမှာ

လူတန်းစား ခွဲခြားတတ်သူတွေ

အတွင်းကျိတ်ပြိုင်ဆိုင်လိုခြင်းတွေ

ထောင်းလမောင်းထလို့နေလေရဲ့..

ရှုးတိုးတိုး

သူတို့တွေ

ကပွဲ ကျင်းပနေလေရဲ့…

ကျုပ်တို့ကတော့

ချွေးတစ်လုံးလုံးနဲ့

ဦးနှောက်နဲ့ လုပ်အားထိုးကျွေးလို့ကောင်းတုန်း..

ခင်ဗျား..ဘယ်လောက်ပဲစာနာပါတယ်ပြောပြော

အဝေးရောက်နေတဲ့ လူတစ်ယောက်ရယ်

အိမ်ပြန်စရာမရှိတော့တဲ့ ကလေးငယ်တွေရယ်

သားပျောက်ခဲ့တဲ့ အမေအိုတွေလောက်

သောကပင်လယ်မဝေဘူး…

ခင်ဗျား…ဘယ်လောက်ပဲစာနာပါတယ်ပြောပြော

မျက်လုံးတွေဖွင့်ကြည့်

အပူသည်ရုပ်နဲ့ လူလုံးမလှတဲ့လူတွေ

ဖုန်တွေကြားထဲမှာ တနပ်စာအတွက်

ရုန်းကန်နေကြတယ်

နားတွေစွင့်ကြည့်

မြေကြီးထဲက အော်သံတွေ

ဘဝဂ်လျှံနေတယ်

ရင်ဘတ်တွေဖွင့်ကြည့်

အလင်းမီးတောက်တစ်ပွင့်ကို

ဖျတ်ကနဲမြင်လိုက်ရလိမ့်မယ်..

ကဲ..ကဲ

အိပ်ချင်ယောင်ဆောင်နေလည်း

အိပ်လို့ရအောင်ဆက်အိပ်လိုက်ပါဗျာ

ကျုပ်ကတော့ ကဗျာတစ်ပုဒ်

ရေးလိုက်ဦးမယ်…

background design

Background layout ကိုကိုယ်ကြိုက်တဲ့ ဓာတ်ပုံထည့်ရန်အတွက်

ဒီကုဒ်ဒင်းလေးကို ကိုယ့်ဘလော့ခ်က Layout tab> Edit Html> Edit Template> body အောက်က { }ကွင်းထဲမှာ ထည့်ပေးပါ။

background-image:url

(http://wallpapers.jurko.net/widescreen/uploads/wallpaper_974.jpg);

background-attachment:fixed;

background-position:top left;

background-repeat:no-repeat;

အဲဒီမှာ backgournd-image:url နောက်ကကွင်းစ ကွင်းပိတ်ထဲမှာ ကိုယ်ကြိုက်တဲ့ အင်တာနက် ဝက်ဘ်ဆိုဒ်က ဓာတ်ပုံလင့်ခ်တွေကို ပေးလို့ရပါတယ်…တစ်ချို့ပုံတွေမှာ Copyright ရှိလို့ အလကားပေးတဲ့ ဒက်စ်တော့ပ် ဘက်ဂရောင်းတွေ ဒါမှမဟုတ် ကိုယ့်ဘာသာဖန်တီးထားတဲ့ ပုံလေးတွေတင်လို့ရပါတယ်…

ကိုယ့်စက်ကပုံအတွက် လင့်ခ်ယူရန်

www.imageshack.us ကိုသွားပါ နောက်ပြီးစက်ထဲက ပုံကို Browse ထဲကဝင်ရှာပြီး Upload လုပ်ပေးပါ။ လင့်ခ်ကိုရပါလိမ်မယ်။

ကျွန်တော့်အခုပုံက www.jurko.net ကယူထားတာပါ။ အဲဒီမှာလည်း ပုံကောင်းတွေအများကြီးရှိပါတယ်။

ဖန်တီးကြည့်ကြပါ။ မရှင်းတာရှိရင်လည်းပြောပါဗျာ။

ဓားတစ်လက်သို့…ပေးစာ..

ဘဝမှာ အမေက ဒိုင်းတစ်လက်ဆိုရင်

အဖေဆိုတာဟာ ဓားတစ်လက်ပဲ….

အဖေဟာ သူ့သက်တမ်းတစ်ဝက်လောက် ကမ်းမမြင်လမ်းမမြင် ရေထဲမှာရင်းပြီး ကျွန်တော်တို့ကို ကြီးပြင်းစေတယ်။ ဒါတောင် ကျွန်တော်က အမောမပြေစေခဲ့။

ကျွန်တော်ပြောပြောနေတဲ့ ဘဝဟာ အဖေရင်ဆိုင်ခဲ့တာရဲ့ ခြေဖျားမှမမှီသေး။ ဒါတောင်ကျွန်တော်က ညည်းတွားရေရွတ်ပြ။ အဖေကတော့ ရီချင်ရီနေမှာပေါ့ဗျာ။

မိန်းကလေးတွေနဲ့ပတ်သတ်ရင် စိုးရိမ်တဲ့အဖေ “ဟေ့ကောင် မင်းခုထိရည်းစားမရှိသေးဘူးလား” “မင်းအရွယ်က ငါဆိုရင်…”

စသဖြင့်အားမလိုအားမရဖြစ်ပြ..ဒါပေမယ့် ကျွန်တော့် ပထမဆုံးရည်းစားစာ ကျောင်းလွယ်အိတ်ထဲက အဖေမိတာလေဗျာ…စိတ်ချပါ ကျွန်တော်ဘုန်းကြီးတော့ မဝတ်ပါဘူး။

ကျွန်တော် လဘ္ဘက်ရည်ဆိုင်မှာ ဆေးလိပ်သောက်နေတုန်း နောက်ကအဖေရောက်လာတော့ မီးကိုကဗျာကယာငြှိမ်းလိုက်မိတယ်။ အဖေအေးအေးဆေးဆေး ပြောတဲ့စကားက “ဟေ့ကောင် သောက်ချင်ရင်သောက်၊ ဒါပေမယ့် ယောကျာ်းဆိုတာ လုပ်ရဲရင်ခံရဲရတယ်။ မင်းလည်းဆေးလိပ်ဆိုးကျိုးသိသားပဲတဲ့” ဟုတ်တယ်အဖေ..ခုချိန်ထိ ကျွန်တော်မိုက်လို့ကောင်းတုန်းဗျ။

ငယ်ငယ်တုန်းက လမ်းထဲကကောင်တွေနဲ့ ရန်ဖြစ်လို့ငိုပြီးပြန်လာတဲ့ အစ်ကိုကို အိမ်ရောက်တော့သူက ထပ်ထိုး “မှတ်ထားကွ ရန်ဖြစ်ရင် ပြန်ချ၊ ဘယ်တော့မှ ဒီအတိုင်းပြန်မလာခဲ့နဲ့တဲ့” အဲဒီကတည်းက သူငယ်တန်းတောင်မရောက်သေးတဲ့ကျွန်တော်နဲ့ သုံးတန်းရောက်နေတဲ့ အစ်ကိုကို လက်သီးထိုးနည်းနဲ့ ကရာတေးသင်ပေးတဲ့အဖေ…စာရေးတိုင်းမေးတယ်။ ရေချိုးခါနီးတိုင်း လေ့ကျင့်ခန်းလုပ် ဒိုက်ထိုးတဲ့…. အဲဒီကတည်းက လုပ်ဖြစ်တဲ့အခါလုပ် မလုပ်ဖြစ်တာကများ..ခုဆိုရင် နှစ်ချို့နေပြီပေါ့ဗျာ…

မှတ်မှတ်ရရ အစ်ကိုနဲ့ကျားပွဲမှာ ကျွန်တော်က ခဏခဏအကွက်ပြန်ရွေ့တော့ နားရင်းတီးပြီးပြောတဲ့စကား “ဟေ့ကောင် အားကစားလုပ်ရင် နိုင်ချင်ရုံသက်သက် မညစ်ပတ်ရဘူးကွတဲ့” အဲဒီကတည်းက ကျွန်တော် အကွက်ပြန်မရွေ့တတ်တော့ပါဘူးဗျာ…

သူငယ်တန်းတုန်းက အဆင့်တစ်ရရင် စက်ဘီးတစ်စီးဝယ်ပေးမယ်ဆိုလို့ ကျွန်တော် အဆင့် တစ်ဆယ်ရရင်ကောဆိုတော့ အဖေမျက်လုံးပြူးသွားသေးတယ်။ နောက်တာပါဗျာ.. ကျွန်တော် အမြဲတမ်း စက်ဘီးတစ်စီးပဲလိုချင်တာပါ။

ငါးအကောင်လိုက်ပေးမယ့်အစား ငါးဖမ်းနည်းသင်ပေးမယ့်အဖေ….ငယ်ငယ်က ကျွန်တော်ငိုရင် “ရှေးတုန်းက သူရဲကောင်းတွေလို လက်ရုံးရည် နှလုံးရည်ပြည့်ဝတဲ့ ယောက်ျားမျိုးကိုအားကျ ငါ့သား ယောက်ျားဆိုတာ ဘာပဲဖြစ်ဖြစ် ဘယ်တော့မှမျက်ရည်မကျရဘူးကွ” တဲ့…

ဓားသွေးကျောက်လို အဖေ့စကားတွေနဲ့ ကျွန်တော့်ဓားကို သတိရတိုင်းသွေးနေဆဲပါဗျာ….

သီချင်းစာသား

မြန်မာသီချင်းစာသားလိုချင်သူများ ဒီကို သွားပါ။

လေးစားဂုဏ်ယူပါတယ်

မြန်မာနိုင်ငံသို့ နာဂစ်မုန်တိုင်းဝင်ရောက်ခဲ့သည်။ လူတိုင်းအသိပင်ဖြစ်သည်။ ပြည်သူတွေအတိဒုက္ခရောက်ကြရသည်။ ဒီကြားထဲ ကြားရသည့် သတင်းတွေကမကောင်း။ စားရမဲ့ သောက်ရမဲ့ဖြစ်နေကြသူများ၊ မိသားစုဝင်များ ပျောက်ဆုံး၍ စိတ်ကယောင်ခြောက်ခြားဖြစ်သူများ၊ ပေါလောပေါ်နေသောအရာများ၊ တန်းစီအိပ်ပျော်နေသော ကလေးငယ်များ၊ ဝါထိန်နောက်ကျိသော ရွံ့ရေများ၊ ဟောင်းလောင်းပေါက် အမိုးများ၊ မုန်တိုင်းတိုက်နေတုန်း သစ်ပင်ပေါ်တွင် ခိုကာ မုန်တိုင်းပြီးသည့်နောက် ဝတ်စရာမရှိ၍ အလောင်းဆီက ထမိန်ကောက်စွပ်ခဲ့ရသော အမေအို၊ ဆားငန်ရေဖုံးလွှမ်းကုန်သော လယ်ကွင်း၊ စပါးကျီ စသည် စသည်ဖြင့် ချရေးလို့မကုန်နိုင်သော ဒုက္ခများကို နာဂစ်ကဆောင်ယူလာခဲ့သည်။

သတင်းကြားကြားချင်း စိတ်မကောင်းဖြစ်နေရုံဖြင့်မပြီး လုပ်စရာရှိသူများကို ဖင့်နှေးမနေပဲဆောင်ရွက်သူများရှိသည်။ မဆောင်ရွက်သူတစ်ချို့လည်းရှိသည်။ အလှူငွေတွေကောက်ကြသည်။ အဝတ်အစားတွေအလှူခံသည်။ ချောင်ကြိုချောင်ကြား ကျေးရွာတွေအထိ သွားကာ မုန်တိုင်းကယ်ဆယ်ရေးတွေ တပိုင်တနိုင် ဆောင်ရွက်ကြသည်။ ထိုသူများသည် အားယားနေသူများလော? မတရားရသော ပိုက်ဆံတွေပေါများကာ နာမည်ကောင်းလိုချင်၍ လျှောက်လှူနေသူများလော ကျွေန်တော်စဉ်းစားကြည့်သည်။ မဟုတ်…ကိုယ်အလုပ်ကိုဖြတ်၍ ဒုက္ခသည်များကို ဂရုဏာသက်ကာ မအားသည့်ကြားမှ အုတ်တစ်ချပ်သဲတစ်ပွင့်အနေဖြင့် ကူညီနေသူများဖြစ်သည်။

ချာတိတ်တစ်ယောက်က သူ့ iPod Player ကိုရောင်းချ၍ လှူသည်။ အရင်က ဆူနာမီဒဏ်ခံခဲ့ရဘူးသော ထိုင်းနိုင်ငံရောက် ရာဘာခြံအလုပ်သမားများကလည်း သူတို့ချွေးနှဲစာထဲက လှူဒါန်းသည်။ သူတို့နည်းတူ တစ်ခြားနိုင်ငံများတွင် ဒုက္ခသုက္ခပေါင်းစုံခံကာ ပိုက်ဆံတစ်ပြားကိုမရရအောင်ရှာနေသူများကလည်း မိမိတို့၏ လုပ်အားမှရသော ချွေးနှဲစာများဖြင့် ဒုက္ခသည်များအတွက် လှူဒါန်းသည်။ မြန်မာပြည်တွင် ဒုက္ခရောက်နေသော မောင်နှမသားချင်းဒုက္ခသည်များကို ဒီအတိုင်းပစ်မထားကြောင်း အရေးကြုံက သက်လုံကောင်းသော မြန်မာလူမျိုးစိတ်ဓာတ်ကို လှစ်ပြနေသလိုပင်။

မေတစ်ယောက်ဆိုရင်လည်း သူ့အမေနေမကောင်းဖြစ်နေသည့်ကြားမှ ဒုက္ခသည်တွေကို ဦးစားပေးကာ မြစ်ဝကျွန်းပေါ်ကိုသွားရောက်ကူညီခဲ့သည်။ သူမ ပြန်ရောက်တော့ သူ့အမေ၏ အသက်ကိုပင်မမှီတော့။ သူ့အမေကလည်း နောက်ဆုံးအချိန်ဆေးသွင်းသည်ကိုပင် လက်မခံ၊ ကိုယ့်ဝေဒနာအစား ဒုက္ခသည်တွေအတွက် ပူပန်နေခဲ့သေးသည်။ သားသမီးများထဲတွင် တစ်ဦးတည်းသောသမီး တစ်ခြားနိုင်ငံမှ ခဏတစ်ဖြုတ်ပြန်ရောက်နေခိုက်၊ မိမိဝေဒနာသည်းနေချိန်၌ပင် မိမိအတ္တအစား ဒုက္ခသည်တွေဆီ သွားရောက်ခွင့်ပြုခဲ့သော အမျိုးသမီးတစ်ယောက်၏ စိတ်သဘောထားကြီးမြင့်လေးမြတ်မှုကို ကျွန်တော် လေးစားမိပါသည်။

လူတိုင်းသည် မိသားစုကို အချစ်ဆုံးဖြစ်သည်။ ရပ်ဝေးမှ ခဏတစ်ဖြုတ်အိမ်ပြန်ရောက်သူတိုင်း မိသားစု၏ အရသာကိုခံစားချင်ကြစမြဲဖြစ်သည်။ ထိုအချိန်သည် အနှစ်နှစ်အလလ စောင့်ခဲ့ရသော တန်ဖိုးရှိသောအချိန်အခိုက်အတန့်ဖြစ်သည်။ ထိုကဲ့သို့သော အချိန်အခါမျိုးမက မိခင်မကျန်းမမာဖြစ်နေ၍ အိမ်တွင်မရှိမဖြစ်နေရမည်ဖြစ်သော်လည်း မိမိ၏ တစ်မိသားစုထက် အတိဒုက္ခရောက်နေသော၊ စားရမဲ့သောက်ရမဲ့ဖြစ်နေသော၊ ဝါးအစည်းပြေနေသော တစ်ခြားမိသားစုအများအပြား အတွက် ကိုယ်တိုင်ကိုယ်ကျ သွားရောက်ကာ တတ်အားသရွေ့ကူညီခဲ့သော စိတ်ဓာတ်ကို လှိုက်လှိုက်လှဲလှဲ ချီးကျူးမိပါသည်။

နာဂစ်မိုးသည် ဒုက္ခပန်းတွေကိုပွင့်စေသည်။ သို့သော်သူနှင့်အတူ မမြင်ရသော စည်းလုံးခြင်း လျှပ်စီးစွမ်းအင်တစ်ချို့ကိုလည်းယူဆောင်လာခဲ့သည်။ နာဂစ်ကြောင့် မြန်မာအချင်းချင်းပို၍ စည်းလုံးရသည်။ တစ်ဦးဒုက္ခရောက်နေပါက တစ်ခြားသူတစ်ဦးကလည်း လျှစ်လှူမရှုတတ်သော မြန်မာစိတ်ဓာတ်ကို မီးမောင်းထိုးပေးခဲ့သည်။ အခက်အခဲတစ်ခုကို အတူရင်ဆိုင်ဖြေရှင်းမည်ဆိုသော မိသားစုစိတ်ဓာတ်ကို မှတ်ကျောက်တင်ပေးခဲ့သည်။ နာဂစ်ဒုက္ခရောက်သူများ အတွက် ဒုက္ခသုက္ခပေါင်းစုံခံကာ ကူညီပေးသူများအားလုံးကိုလည်း သူတို့အားလုံးကိုယ်စားကျေးဇူးတင်ကြောင်း ကျွန်တော့် မဖြစ်ညစ်ကျယ်ဘလော့ခ်ကနေ လေးစားဂုဏ်ပြုလိုပါသည်။ မုန်တိုင်းဝင်ပြီးရင် လေပြည်တိုက်ခတ်စမြဲဖြစ်သည်။ အားလုံးအတွက် လေပြည်သုတ်ဖြူးချိန်…ထိုအချိန်သည်လည်း မဝေးတော့ပြီဖြစ်ပါကြောင်း….

လူတိုင်း ကိုယ့်သမိုင်းကိုယ်ရေးနိုင်ပါစေ…

ရွှေပေလွှာများ

ခုတစ်လော ရွှေပေလွှာဆန်ဆန် မက်ဆေ့ခ်ျ တစ်ခုရပါတယ်ဗျာ…ဘာတဲ့ ‘BUDDHA’ is coming very soon”, send this msg to 9 people, you will get good news tomorrow. If u neglect bad luck for 9 years, this is proved true…..ကျွန်တော့် ဖုန်းမက်ဆေ့ခ်ျထဲဝင်တာမှ ဝင်လာမစဲ တသဲသဲဗျာ… စဉ်းစဉ်းစားစားလေး ပို့ကြပါလို့ပြောလိုပါတယ်…

ကျွန်တော်တို့ငယ်ငယ်တုန်းကလဲ တောင်ပုလုဆရာတော်ကြီးရဲ့. ဒီ ဂါထာကို ကူးပါ ပြီးရင် သက်စေ့လျှောက်ဝေပါ…မဝေရင် ဘာဖြစ်မယ်..ညာဖြစ်မယ်ဆိုပြီး သူငယ်ချင်းတွေကတဆင့် ဂါထာလိုလို ဘာလိုလို စာရွက်အပိုင်းအစတွေရဘူးပါတယ်.. ကျွန်တော်ကတော့ လာပေးတဲ့ သူငယ်ချင်းကို မေးခွန်းတွေနဲ့ ဦးနှောက်စားပေးလိုက်ပါတယ်..ဆရာတော်ရဲ့ ဂါထာကို မရွတ်ရင်ဘာဖြစ်မလဲ? ဆရာတော်က ထေရဝါဒလား၊ ဂါထာ မန္တာန်တွေကို ယုံသလား? စသည်ဖြင့်ပေါ့…နောက်ပိုင်း အဲဒီသူငယ်ချင်း ကျွန်တော့်ကို တွေ့ရင်ဝေးဝေးကရှောင်ပါတော့တယ်…တစ်ကယ်က ဘုရားသားတော် ထေရဝါဒ ဆရာတော်တွေကိုယ်တိုင်ကလည်း အဲလိုလုပ်မှာမဟုတ်ပါဘူး။ ကျွန်တော်တို့ မြန်မာတွေရဲ့ ယုံလွယ်မှု၊ Superstitious ဖြစ်လွယ်မှု တစ်နည်းအားဖြင့် မမြင်ရသောတစ်စုံတစ်ရာကို အစိုးရိမ်လွန်၍ ကြောက်လွယ်မှု အဲဒါတွေကို အခွင့်ကောင်းယူသူတွေက လုပ်နေတယ်လို့ထင်ပါတယ်။

ခုလည်း Forward လုပ် မလုပ်ရင် ဘာဖြစ်မလေးညာဖြစ်မလေးနဲ့ အဲလို မက်ဆေ့ခ်ျတွေဝင်ပါတယ်…တစ်ချို့ဆိုလည်း ဘာမှန်းညာမှန်းမစဉ်းစား ကိုယ့်လက်ကလွတ်ဗြွတ်ဆိုပြီး ဆင်ကန်းတောတိုးသလို သူများတွေကို လိုက်ပေးပါတယ်… နောက်လက်ထဲရတဲ့သူကလည်း နောက်လူတွေကို ထပ်ပေး..အဲလိုနဲ့ လုံးလည်ချာလည်လိုက်နေတာပါ…ဆိုးတာက ခေတ်ပညာတတ်၍ နိုင်ငံခြားရောက်ကာ ပညာသင်ကြားနေသောသူများပါဝင်နေခြင်းပါ။

ဒါကဘာလဲဆိုတော့

၁) မိမိကိုယ်ကို ယုံကြည်မှုမရှိခြင်း

၂) သူများက မလုပ်ရင်ဘာဖြစ်မည် ညာဖြစ်မည် စသည်ဖြင့် ကျိန်စာဆန်ဆန်ရေးသားခြင်းများကို ဆင်ကန်းတောတိုး ယုံလွယ်ခြင်း

၃) လက်တွေ့ကျကျ မစဉ်းစားကြခြင်း စတဲ့ ပျော့ကွက်တွေကိုတွေ့ရမှာပါ။ ရှေးထုံးကိုလည်း မပယ်နဲ့ဈေးသုးံလည်းမလွယ်နဲ့ဆိုတဲ့ စကားကိုလည်းကြားဖူးပါတယ်။ တစ်ချို့ထိန်းသိမ်းသင့်သော မြန်မာရိုးရာ ဓလေ့ထုံးစံတွေကို ထိန်းသိမ်းသင့်ပါတယ်။ ဤကဲ့သို့သော ရွှေပေလွှာ ပို့သည့်ထုံးစံများကိုတော့ ကျွန်တော်တို့နိုင်ငံ တိုးတက်လိုစိတ်ရှိသူများ စိတ်ဓာတ်မြင့်မားမြင့်မြတ်သော မြန်မာနိုင်ငံသားကောင်းဖြစ်လိုသူ မှန်သမျှ စွန့်လွှတ်သင့်ပါကြောင်း…..စိတ်ထားကောင်းလျှင် ကံကောင်းမည်ဆိုသော အစွဲကိုသာယုံကြည်သင့်ပါကြောင်း….

Life At The Extreme

လှူကြပါ

ဒီနေ့ရန်ကုန်က သူငယ်ချင်းတစ်ယောက်နဲ့ အဆက်အသွယ်ရတယ်။ သူတို့တွေ မနေ့က နာဂစ်ဒုက္ခသည်တွေအတွက် စားစရာနဲ့ အဝတ်တွေလှူစရာ တွေကို ထန်းပင်ကုန်းရွာမှာလှူလို့ ရန်ကုန်ကိုပြန်လာကြတယ်။ ဒီအပတ် စနေ့နေ့မှာလည်း ဘိုကလေး၊ဖျာပုံစတဲ့ လူသိပ်မရောက်တဲ့ရွာတွေအထိ သွားပြီးလှူမယ်လို့ပြောတယ်။ သူတို့အဖွဲ့က MMA (Myanmar Medical Association)၊ ရည်ရွယ်ချက်က အကူအညီမရောက်နိုင်တဲ့နေရာတွေကို အဓိက ထားပြီး အလှူပေးဖို့ပါ။ အဲဒီတော့ စင်္ကာပူကလူများ သဒ္ဒါတတ်အားနည်းများမဆို အကူအညီပေးချင်ရင် ကျွန်တော့်ဆီကို ဆက်သွယ်ကြပါ။

dewaing@gmail.com PH:90089027

ရန်ကုန်ကအလှူရှင်များအတွက် ကိုဇော်လင်းထွန်း - HP: 098551342 ဆီကိုတိုက်ရိုက်ဆက်သွယ်လှူဒါန်းနိုင်ပါတယ်။

အားလုံးလည်း ကိုယ့်နည်းကိုယ့်ဟန်နဲ့ အလှူခံကြမယ်၊ လှူကြမယ်လို့ယုံကြည်ပါတယ်ဗျာ။ ဘာပဲပြောပြော လှူစရာနေရာများတော့ လုပ်အားပေးအဖွဲ့တွေလည်းများများလိုတာပေါ့။ ဒီအဖွဲတွေအားလုံးကို သာဓုခေါ်ပါတယ်ဗျာ…

စင်္ကာပူဒေါ်လာ ၃၂ = ယမ်ယမ် ခေါက်ဆွဲခြောက်ထုပ် ၁ဖာ (၁ဖာ = ၆ဗူး၊ ၁ဗူး = အထုပ် ၃၀)

မှတ်ချက်။ ။ စက်ရုံအရင်းဈေးအတိုင်း

ထမင်းဘူး ၃ ယောက်စာ ဗမာငွေ ၂၈၀ ကျပ် = စင်္ကာပူ ၃ ၄ပြား

မှတ်ချက်။ ။ စင်္ကာပူ တစ်ဒေါ်လာကို ဗမာငွေ ကျပ် ၈၃၀ လဲလှယ်နှုန်းနှင့်တွက်သည်။\

အဲဒီတော့ ဘယ်လောက်ပဲလှူလှူ ကျွန်တော်တို့ဆီက စင်္ကာပူ တစ်ကျပ်ဆိုရင် ဟိုမှာ လူ ၆ယောက်လောက် ထမင်းစားနိုင်အောင် စီစဉ်ပေးတဲ့လူတွေရှိတော့ နည်းတယ်များတယ်သဘောမထားပဲ လှူကြပါဗျာ။ အားလုံးကို လည်း နာမည်နဲ့ စာရင်းနဲ့ ပြန်လည်ဖော်ပြပေးပါ့မယ်။

ဓာတ်ပုံများကြည့်ရန်

ဒိဋ္ဌိ

ငါ့နေ့နဲ့ညတွေမှာ

သတင်းဆိုးတွေနဲ့

အလင်းချိုးလို့နေတယ်…

ခန္ဓာကိုယ်အဟောင်းတွေနဲ့

မြင်မကောင်းသော “မြစ်”များ

အဲဒီမှာ

ဧရာဝတီအဆုံးသတ်ဟာ

ညှီနံ့သင်းခဲ့ရ..

အိမ်ခေါင်မိုးတွေ

အပြိုင်းပြိုင်းထလို့နေလေရဲ့…

သားပျောက်တဲ့ အမေအိုတွေရှိသလို

အမေပျောက်တဲ့ သားများ.. အဲလို

မ ဖြစ်သင့်တာတွေဖြစ်

ဖြစ်သင့်တာတွေ မဖြစ်ခြင်းကို

တရားနဲ့ဖြေကြေးဆို

ငါနာမည်ဘေးမှာ

ဒိဋ္ဌိ ဆိုတာကို ဖြည့်ရေးလိုက်

လူသားတစ်ယောက်ရဲ့နောက်ဆုံးခရီးအတွက်

သုဘရာဇာတစ်ယောက်လို

ပိုင်ရှင်မဲ့ခန္ဓာတွေကို

မြေမြှုပ်လိုက်ချင်တယ်..

နာဂစ်

ဆိုင်ကလုန်း နာဂစ်သည် အိန္ဒိယသမုဒ္ဒရာ၏ မြောက်ဘက်ပိုင်းတွင် ဆိုင်ကလုန်း နီနာနောက် ဒုတိယကြောက်စရာအကောင်းဆုံး လူအသေအပြောက်အများဆုံးမုန်တိုင်းဖြစ်သည်။ ယခင် ကမ္ဘာပေါ်တွင် ဖြစ်ပွားခဲ့ဘူးသော ဆိုင်ကလုန်းများထဲတွင် နံပါတ် ၁၂ မြောက်အပြင်းထန်းဆုံးဆိုင်ကလုန်းဖြစ်သည်။ ၂၀၀၆ ခုနှစ်ကဖြစ်ပွားခဲ့သော ဆိုင်ကလုန်းမာလ အပြီးတွင် မြန်မာနိုင်ငံအတွင်းသို့ဝင်ရောက်လာသော အကြီးဆုံး အပူပိုင်းဒေသ မုန်တိုင်းတစ်ခုဖြစ်သည်။

ပြီးခဲ့သည့်နှစ်က ဆိုင်ကလုန်းအသေးစား မာလဝင်လာသည်။ ဒီနှစ် နာဂစ်၊ လူတွေ တိရစ္ဆာန်တွေ၊ အတိဒုက္ခရောက်ကြရသည်။ အိုးအိမ်တွေပျောက်ကြရသည်။ စီးပွားရေးလုပ်ငန်းတွေ ပျက်စီးဆုံးရှုံးရသည်။ စားသောက်ကုန်တွေ၊ အိမ်ဆောက်ပစ္စည်းဈေးတွေတက်ကုန်သည်။ ငတ်ပြတ်နေသော ဆီဈေးတက်၍ ဒုက္ခရောက်နေသော ပြည်သူအတွက် နူရာဝဲစွဲ၊ လဲရာသူခိုးထောင်း ဖြစ်နေသည်။

ကျွန်တော်တို့နိုင်ငံသည် တစ်ချိန်က အာရှတွင်မျက်နှာပန်းပွင့်ခဲ့သည်။ အိမ်နီးချင်း ဘင်္ဂလားဒေ့ရှ်၊ ကုန်းပိတ်လာအိုနိုင်ငံ၊ ဆူနာမီဖြစ်ပွားခဲ့သော အင်ဒိုနီးရှားနိုင်ငံ၊ ထိုင်းနိုင်ငံတို့နှင့်စာလျှင် ကမ္ဘာပေါ်တွင် သဘာဝဘေးအန္တာရယ် ကင်းရှင်းသော နိုင်ငံအဖြစ်ဖြင့် ဘိုးဘေးများ အဆက်ဆက် အေးအေးချမ်းချမ်းနေထိုင်ခဲ့ကြသည်။ အလယ်အလတ်လမ်းစဉ် ထေရဝါဒ ဗုဒ္ဓသာသနာထွန်းကားသည်။ တစ်ချိန်ကရွှေရောင်လွှမ်းခဲ့သော မြို့တော်ဖြစ်သည်။

ယခုတော့.. သဘာဝဘေးအန္တာရာယ်ကို ပြည်သူလူထုအတွက် အရေးတကြီး ရှောင်တခင် ကြိုတင်အသိပေးရန်အတွက် ပျက်ကွက်ခြင်း၊ မိုးလေဝသတိုင်းတာသည့် စက်ပစ္စည်းကိရိယာ အင်အားချို့တဲ့ခြင်း၊ လမ်းပန်းဆက်သွယ်ရေးညံ့ဖျင်းခြင်း စသည့်အရင်းအမြစ်ချို့တဲ့မှုများအားလုံးပေါင်းသော အခါ လူပေါင်းများစွာ၏ အသက်အိုးအိမ် စည်းစိမ်ဖြင့် စတေးလိုက်ရပြီဖြစ်သည်။ ဒီကိစ္စ မည်သူ့တွင် တာဝန်အရှိဆုံးနည်း? အရင်းစစ်လိုက်လျှင် တိုင်းပြည်ခေါင်းဆောင်ပေါ်တွင်သာ မူတည်လေသည်။ ခေတ်မီသော မိုးလေဝသကိရိယာများမှ ဖမ်းယူရရှိသော သတင်းမှတဆင့် ကောင်းမွန်သော ဆက်သွယ်ရေး ကွန်ယက်ကို အသုံးပြုကာ ဆင်းရဲရိုးသားကြရှာသော တောင်သူလယ်သမားများ၊ တံငါသည်များ စသည့် ဒေသခံပြည်သူတွေအပေါ်တွင် ကြိုတင်အသိပေးမှု ထိထိရောက်ရောက်လုပ်ခဲ့လျှင်၊ သူတို့၏ ကိုယ်ပိုင် လူနေမှုအဆင့်အတန်းများ ပိုမိုမြင့်မားနေမည်ဆိုလျှင် သူတို့ကိုယ်ပိုင် ကားဖြင့် တစ်နိုင်တစ်ပိုင် ကိုယ်ပိုင် ပစ္စည်းများသယ်ကာ မုန်တိုင်းလွတ်ရာသို့တိမ်းရှောင်နေနိုင်မည်ဖြစ်သည်။ အနည်းဆုံးတော့ အသေအပျောက်ဖြင့် ပျက်စီးဆုံးရှုံးမှုများ ဤမျှများပြားမည်မဟုတ်ပေ။ ယခုပြည်သူ သောင်းချီမက သေသည်။ တစ်ချို့အိမ်ထဲမှာ ထိုင်ရင်း၊ အိပ်ရင်းသေသူများအဖို့ ဘာဖြစ်သည်ဟုပင် သိချိန်မရလိုက်ပဲ အိမ်ရေထဲမျောပါကာသေဆုံးကြရပေမည်။

ပျောက်ဆုံးနေသူများအတွက်လည်း နိုင်ငံတကာအကူအညီများကို လျင်လျင်မြန်မြန် လမ်းမဖွင့်ပေးထား၊ သဘာဝဘေးအန္တာရာယ်နောက်ဆက်တွဲအဖြစ် ဝင်ရောက်လာမည့် ရောဂါဘယဆိုသည်မှာ အမြန်ဆုံးတားနိုင်လေ ကောင်းလေဖြစ်သည်။ အချိန်ဆွဲနေခြင်းဖြင့် အကျိုးရှိမည်မဟုတ်။ မြန်မြန်ဆန်ဆန် ထိထိရောက်ရောက် ကယ်တင်ရေးလုပ်ငန်းများကို လိုအပ်လျှင် စစ်တပ်အသုံးပြု၍ ဆောင်ရွက်ရမည်ဖြစ်သည်။ စစ်တပ်သည် တိုင်းပြည်ကာကွယ်ရေး၊ ပြန်လည်ပြုပြင်ရေး အတွက်ဆိုလျှင် ဒီအချိန်တွင် မှတ်ကျောက်အတင်ခံနိုင်ပါသည်။ ဆန္ဒပြသူများအား ဝါးရင်းတုတ်ဖြင့်ရိုက်တတ်ရုံ သံဆူးကြိုးခွေကာတတ်ရုံဖြင့် ပြည်သူ့အကျိုးပြုတပ်မတော်ဟု အမည်မခံသင့်ပေ။

နောင်တွင် ဤကဲ့သို့သော ဖြစ်စဉ်များမှ အတတ်နိုင်ဆုံးကာကွယ်ရန်၊ ထို့ပြင် နိုင်ငံအလယ်တွင် မျက်နှာငယ်နေသောမြန်မာလူမျိုး အဖြစ်မှ အဆင့်အတန်းမြှင့်တင်ရန်အတွက် ကျွန်တော်တို့နိုင်ငံတွင် တကယ်တော်သော တတ်သော အလုပ်လုပ်သော အစိုးရတစ်ရပ်လိုအပ်သည်။ တိုင်းပြည်စီးပွားရေး ဒီထက်မက အဆပေါင်းများစွာ ကောင်းမွန်ရန်လိုအပ်သည်။ ပြည်သူတို့အတွက် ကျန်းမာရေးအစီအစဉ်ကောင်းများရှိသင့်သည်။ အလုပ်လုပ်ကိုင်ရန် အခွင့်အလမ်းများစွာ ဖန်တီးပေးသင့်သည်။ တစ်ခြားနိုင်ငံများနှင့် အနည်းဆုံး အိမ်နီးချင်းနိုင်ငံများနှင့် ယှဉ်ပြိုင်ရင်ဘောင်တန်းနိုင်ရန် အမြဲတမ်းကြိုးစားနေသင့်သည်။ တစ်ခြားနိုင်ငံများသို့ အစည်းအဝေမက အလည်အပတ်သွားရောက်သောအခါ သူတို့နိုင်ငံက ဘာတွေဖြစ်နေပြီ၊ ငါတို့ဘာတွေလိုနေသေးလဲ ဘယ်လိုသာအောင်ကြိုးစားမလဲ အမြဲစဉ်းစားနေသင့်သည်။ ခြောက်တန်းကလေးကအစ စဉ်းစားတတ်သော အကျင့်ဖြစ်မည်။ ကျွန်တော်တို့ဘာလုပ်နေကြသနည်း?

နေရောင်အောက်ကအသက်ရှုသံများ

သံချေးတက်နေ့တွေ

ဆု

အိပ်မက်တစ်ခုကို “ရုတ်ကနဲ”

ခလုတ်ဆွဲလိုက်တဲ့အခါ

နေတောက်သံ သဲ့သဲ့ကြားလိုက်ရ..

အဲဒီ အိပ်မက်ထဲမှာပဲ

ခုတ်မောင်းနေတဲ့

ကမ်းခြေတစ်စင်းကို

ရူးသွပ်စွာ

ရပ်တန့်ခွင့် တောင်းခဲ့ဘူးတယ်…

တကယ်တော့

တစ် နဲ့ တစ် ပေါင်းရင်

ငါက…တစ် ပဲ ရချင်ခဲ့တဲ့ကောင်

လမင်းကတောင်

တိမ်မည်းတွေနဲ့

မျက်နှာလွှဲသွားခဲ့တယ်…

ကမ်းခြေရေ…

မင်းမှာ အနားသတ်ထားမှန်း

မသိတော့

ငါက ဒုတိယ ပင်လယ်အဖြစ်

ဒီရေကျခဲ့ရ..

သဲမှုန်အိပ်မက်ထဲက

လှုပ်နိုးခံခဲ့ရတယ်..

ကင်ပွန်းတပ်ရင်တော့

ငါဟာ..

ရှုံးနိမ့်ခဲ့ဘူးတဲ့

“ပင်လယ်တစ်စင်း” ပါ..

နှစ်သိမ့်ဆုအဖြစ်

ခဏတစ်ဖြုတ်

ဆိုက်ကပ်ခွင့်တောင် မရှိခဲ့ပါဘူးလေ…

စိမ်းလန်းခြင်း

လူသားများအတွက် အစိမ်းရောင်သည် အရေးပါလာလေပြီ။ ကမ္ဘာကြီးပူနွေးလာသလို အိုဇုန်းလွှာလည်း ပါးလျပ်နေလေပြီ။ ကမ္ဘာမြောက်ပိုင်း ရေခဲပြင်က ပိုလာဝက်ဝံများလည်း မျိုးတုန်းလုနေလေပြီ။ ပင်ဂွင်းများလည်း ဆော့စရာ ရေခဲပြင်များ အရည်ပျော်လို့စိတ်ညစ်နေကြပေမည်။ အစားထိုးလောင်စာများ၊ နေရောင်ခြည်စွမ်းအင် အပြည့်အဝအသုံးချမှု၊ လျှပ်စစ်စွမ်းအင်သုံးကားများ၊ သစ်ပင်စိုက်ပျိုးမှု၊ စွန့်ပစ်ပစ္စည်းမှ စွမ်းအင် ပြန်လည် အသုံးချမှု၊ လေရဟတ်များ၊ ရေလှိုင်းစွမ်းအင် စသည်တို့မှာ မဖြစ်မနေလုပ်ဆောင်ရမည့် ကိစ္စများဖြစ်လာလေပြီ။ တိုင်းစ်မဂ္ဂဇင်းကပင် ဒီလအတွက် မျက်နှာဖုံးတွင် သုံးနေကြအနီရောင်အစား အစိမ်းရောင်ပြောင်းသုံးနေပြီ။ အစိမ်းရောင်သည် ကမ္ဘာသူကမ္ဘာသားတို့အတွက် မရှိမဖြစ်အရေးပါနေကြောင်း သတိပေးလျှက်ရှိနေသည်။

သမုဒ္ဒရာပြာပြာထဲတွင်မျောပါနေသော ပလတ်စတစ် ကြွပ်ကြွပ်အိတ်များမှာလည်း ခန့်မှန်းခြေ တစ်မိုင်ပတ်လည်ကို လေးသောင်းခြောက်ထောင်မက ရှိလာသည်။ ဒါတောင် ၂၀၀၆ ခုနှစ်က စစ်တမ်းအရဖြစ်သည်။ ပလတ်စတစ်အိတ်သည် လူသားများအတွက်များစွာအသုံးဝင်သည်။ သို့သော် စနစ်တကျစွန့်ပစ်မှုမရှိလျှင် သဘာဝတရား၏ရန်သူဖြစ်လာသည်။ ပင်လယ်ထဲတွင်မျောပါကာ စားမိသည့်ငါးများ အစာအိမ်ထဲရောက်၍ အဆိပ်သင့်ကာ သေစေနိုင်သည်။

ကားများမှာလည်း တစ်နေ့တစ်ခြားတိုးပွားလာနေသည်။ ဘန်ကောက်ရှိယာဉ်ထိန်းရဲ ၁၄၅ ယောက်သည် သားဖွားနှင့်မီးယပ်သင်တန်းဆင်းများဖြစ်ကြသည်။ မတန်တဆပိတ်သည့်လမ်းများ၌ မွေးလူနာပါလျှင်အရေးပေါ်ကူညီနိုင်ရန်ဖြစ်သည်။ ၄င်းတို့အိတ်ထဲတွင် ကလေးမီးဖွားသည့် ကိရိယာတန်ဆာပလာများ အမြဲတစေ အဆင်သင့် ပါဝင်သည်။ ဖီးချက်ဆိုသည့် ထိုင်းယာဉ်ထိန်းရဲတစ်ယောက်တည်းကပင် သူ့ ရဲသက်တမ်းတလျှောက် ကလေးကိုးယောက်ခန့်မွေးဖွားပေးခဲ့သည်။ ထိုမျှကားများဖြင့် ပြွတ်သိပ်နေသော မြို့တော်ဖြစ်သည်။ ကားများသည့်အခါ ကားများမှထွက်သည့် ကာဗွန်မိုနော့ဆိုဒ်များလည်း လေထုထဲတွင် စိမ့်ဝင်မှုများပြားလာသည်။ နေမှလာသော ခရမ်းလွန်ရောင်ခြည်များကို လူသားများအတွက် အကာအကွယ်ပေးနေသော ကမ္ဘာ့အိုဇုန်းလွှာသည် ထိုဓာတ်ငွေ့များနှင့်မတည့်။ ကျောင်းတော်က ရန်စရှိပုံရသည်။ သို့သော် လူကြီးမင်းများပြောသလို Weather မကောင်းလျှင်ဖြုတ်လဲ၊ အိုဇုန်းလွှာမကောင်းလျှင်လည်း အလွှာသစ်နှင့် အစားထိုးကုသမရသည်မှာခက်နေသည်။

ထို့ကြောင့် တိုယိုတာကဲ့သို့သော ဂျပန်ကားကုမ္ပဏီများအပါအဝင် အားလုံးမှာ ကာဗွန်ဒိုင်အောက်ဆိုဒ် တတ်နိုင်သမျှနည်းပါသော ပိုမိုကောင်းမွန်သည့် ဟိုင်းဘရစ်ကားမော်ဒယ်အသစ်များ ထုတ်လုပ်ခဲ့၊ ထုတ်လုပ်ဆဲ၊ ထုတ်လုပ်လတ္တံ့ကာ ကမ္ဘာမြေစိမ်းလန်းခြင်းကို ဂရုပြုလျှက်ရှိကြသည်။

ကျွန်တော်တို့ပြည်တွင် နိုင်ငံခြားငွေရှာဖွေရေးအတွက် ဆံပင်အညှပ်ခံထားရသော တောင်ကတုံးများဖြင့် စိမ်းလန်းခြင်းကို ကြိုဆိုလို့နေသည်။

ဇော်ဝင်းထွဋ်၏ ခရီးသွားမီးခိုးတန်များဆိုသော သီချင်းအတိုင်း မီးခိုးအူကာထွက်နေသော ရှေးဟောင်းကားများဖြင့် တစ်မြို့လုံးတွင် “ဟောင်းပေမယ့် ကောင်းနေဆဲဆိုသော” ဂန္တဝင်ရသကိုပေးစွမ်းလို့နေသည်။ ကားပါမစ်အသစ်များကိုလည်း သေသေချာချာ ပိတ်ဆို့ထားသောကြောင့် ကားဈေးများကြီးရာတွင် ကားတိုးပွားမှုနှုန်းကို လည်း ကန့်သတ်ပြီးသားဖြစ်နေသည်။ စည်းကမ်းတကျ မစွန့်ပစ်သော လူတစ်ချို့၏ ပြီးစလွယ်စရိုက်ကြောင့် ပလတ်စတစ်ကြွပ်ကြွပ်အိတ်များမှာ စက္ကူပန်းများ ဖွေးဖွေးလှုပ်သလို လှပနေသည်မှာ နောက်ဖေးလမ်းကြားမှအစ ကမ်းခြေရှိသောင်ပြင်များအဆုံးဖြစ်သည်။ သို့သော်ကျွန်တော်တို့သည် အက်ဒီဆင်ကို ဂုဏ်ပြုသောအားဖြင့် လျှပ်စစ်မီးကို ချွေချွေတာတာသုံးစွဲတတ်သော ကောင်းမွန်သည့်အကျင့်ရှိသည်မှာ EPC မှ ဝန်ထမ်းများက အစ ဖယောင်းတိုင် ကုမ္ပဏီများ၊ အင်ဗာတာကုမ္ပဏီများအပါအဝင် လောပိတရေတံခွန်ကြီးအသိဆုံးဖြစ်သည်။ သွားလေသူ အက်ဒီဆင်ကြီးမှ သိပါလေစ။

မည်သို့ပင်ဆိုစေ ကျွန်တော်တို့နိုင်ငံတွင် တစ်ခြားနိုင်ငံများနှင့်မတူ စိမ်းလန်းနေသော သဘာဝတရားများ အမြောက်အများကျန်နေသေးသည်။ ထိုအရာများအား နောက်မျိုးဆက်များအတွက် ထိန်းထိန်းသိမ်းသိမ်းဆောင်ရွက်ရမည်မှာ…..

some sources: TIMES

သုည

(၁)

သူမကမေးတယ်…ဒီကဗျာရဲ့အဓိပ္ပယ်ကဘာလဲ?

သူက ပြန်ဖြေသည်။

“ကဗျာတစ်ပုဒ်က သုညတစ်လုံးလေ…..ဖတ်တဲ့သူဆိုတဲ့ ၁ ဆိုတဲ့ကိန်းဂဏန်းနောက်မှာပဲ အသုံးချတတ်သလို အကျိုးရှိတာလေ” တဲ့….

ကဗျာရေးသူက မိမိရေးထားသောကဗျာကို အဓိပ္ပယ်ဖွင့်ဆိုခြင်းသည် အနုပညာရာဇဝတ်မှုတစ်ခုကျူးလွန်မှုနှင့် တူသည်။

ပန်းတစ်ပွင့်၏ အလှကိုအသေးစိတ်သိလိုသည့်အတွက် ပွင့်ဖတ်တစ်ဖတ်ခြင်းကို ခြွေချ၍ ကြည့်သလိုမျိုး…နောက်ဆုံးတော့လက်ထဲတွင် ရိုးတံငေါင်စင်းစင်းလေးသာ ကျန်ရစ်ပေမည်။ ကဗျာဆရာများသည်လည်း သူတို့သီကုံးထားသော ကဗျာကို သူတို့ကိုယ်တိုင် အဓိပ္ပယ်ဖွင့်ဆိုရှင်းလင်းခြင်း အလုပ်ကို မနှစ်မြို့တတ်ကြ။ မတူညီသောလူများ သူရေးထားသောကဗျာကို မတူညီသည့်ရှု့ထောင့်ကကြည့်ကာ သူတို့ခံစားချက်အတိုင်း အဓိပ္ပယ်ဖွင့်ဆိုသည်ကိုပင် ကျေနပ်တတ်ကြသည်။

(၂)

သူမက လက်ညှိုးထိုး၍ပြသည်။

မြင်ကွင်း၌ ပိုးတုံးလုံးလေးတစ်ကောင် ပိုးကောင်ဘဝနောက်ဆုံးအဆင့်အဖြစ်ကလွတ်မြောက်ရန် ကြိုးစား၍ သူ၏ အခွံကိုချွတ်နေသည်။ သူ့တစ်ကိုယ်လုံး နတ်ပူးသလိုတုန်ရီကာ ပိုးတုံးလုံးလေး အရမ်းပင်ပန်းနေကြောင်းသိသာနေသည်။

သူမက …သနားပါတယ်..အခွံကိုကူပြီးချွတ်ပေးလိုက်မယ်နော်…

သူဝင်တားရသည်။ ပိုးတုံးလုံးသည် အတောင်ပံရောင်စုံများဖြန့်ကာ ပျော်မြူးနေမည့် လိပ်ပြာအဆင့်သို့မရောက်နိုင်တော့ပေ။ ပိုးကောင်ဘဝဖြင့်ပင် သူ့ဘဝနိဂုံးသတ်သွားလိမ့်မည်။ တစ်ချို့အရာများသည် သူတစ်ပါးကူညီ၍ ရရှိခြင်းထက် ကိုယ်တိုင်ကြိုးစားရယူခြင်းဖြင့် ပိုမိုအနှစ်သာရရှိသော ဘဝတစ်ခုသို့ရောက်ရှိနိုင်သည်။ လောက၌ လိပ်ပြာဘဝမရောက်သော ပိုးတုံးလုံးအရေအတွက်အဘယ်မျှရှိ ပြီနည်းး?

(၃)

ရွာတစ်ရွာတွင် အသက်အရွယ်အိုမင်းသော်လည်း သားသမီးမထွန်းကားသော လယ်သမားဇနီးမောင်နှံရှိသည်။ သူတို့သည် ပတ်ဝန်းကျင်က လူများ မိသားစုသိုက်သိုက်ဝန်းဝန်းနေသည်ကို အားကျ၍ ကလေးရူးရူးနေကြသည်။ ဘေးလူများကလည်း သူတို့တွေ ကံဆိုးလှချည်လားဟု စုတ်တသတ်သတ်ဖြစ်ကြသည်။ သို့သော် တစ်နေ့တွင် သူတို့၌ သားလေးတစ်ဦး ထွန်းကားလာသည်။

ပတ်ဝန်းကျင်က သူတို့တွေ ကံကောင်းလှချည်လားဟု ဆိုပြန်သည်။

တစ်ခါ ထိုသားလေး အသက်ရှစ်နှစ်သားအရွယ်တွင် မြင်းပေါ်မှလိမ့်ကျကာ ခြေတစ်ဘက်ဆာသွားပြန်သည်။

ပတ်ဝန်းကျင်က ကံဆိုးလိုက်တဲ့ အဘိုးအိုလင်မယားဟု ညည်းကျပြန်သည်။

ဒီလိုနှင့်ကလေးက အသက် ၁၈နှစ်ပြည့်လာခဲ့သည်။ သူတို့တိုင်းပြည်၏ စစ်ပွဲအတွက် စစ်သားစုဆောင်းရာတွင် ခြေတစ်ဖက်ဆာနေသောသူမှလွဲ၍ တစ်ရွာလုံးမှာရှိသည့် လူငယ်များ စစ်တွင်းသို့ အတင်းအကြပ်ခေါ်ဆောင်သွားခံရသည်။

ပတ်ဝန်းကျင် က ကံကောင်းလိုက်တဲ့ အဘိုးအိုလင်မယားဟု ညည်းတွားကြပြန်သည်။

တစ်ကယ်တော့ ကံကောင်းခြင်း ဆိုးခြင်းသည် လည်ပတ်နေသော စက်ဝိုင်းတစ်ခုနှင့်သာခပ်ဆင်ဆင်တူလေသည်။

(၄)

ရော့ခ်ကွ…ဟစ်ဟော့ပ်ကွ… မော်ဒန်ကွ…ရီရယ်လစ်ဇင်ကွ…အာဆင်နယ်ကွ..မန်ယူကွ… စသည်ဖြင့် တစ်စုံတစ်ရာ၏ လွှမ်းမိုးမှုကို ခံယူကာ ကိုယ့်အတ္တနောက် ရှေ့နေလိုက်သလို တစ်ကောက်ကောက်လိုက်ရင်း ပတ်ဝန်းကျင်က မတူညီသော အတွေးအခေါ်အယူအဆရှိသူတို့နှင့် လူတို့သည် အားအားယားယား ရန်ဖြစ်တတ်ကြသည်။ တစ်ကယ်တော့ အာကာသယဉ်တစ်ခုခုမှ ကမ္ဘာမြေထုဆီသို့ ငုံ့ကြည့်သည့်အခါ လူဆိုသည်မှာ အစက်အပြောက်အဖြစ်တောင် တွေ့ရတတ်သည်မဟုတ်ပေ။ တိုတောင်းသော အချိန်ခဏအတွင်း ဖွင့်ထားသောစိတ်တံခါးများဖြင့် မနက်သစ်များကိုနှုတ်ဆက်ကာ ဘောင်မခတ်တတ်သောမျက်လုံးများဖြင့် လူသစ်၊ စိတ်သစ်၊ အတွေးအမြင်သစ် များကိုကြိုဆိုသင့်သည်။ တစ်ကယ်တော့ အရာအားလုံးတွင် အကောင်းအဆိုး အနိမ့်အမြင့် ဒွန်တွဲနေတတ်လေသည်။

အမွေ

လွန်ခဲ့သော ၁၂နှစ်ခန့်က မိမိကိုယ်ကို သေနတ်ဖြင့် အဆုံးစီရင်ခဲ့သူ တယ်ရီကော့လီ

ဆိုသည့် အလှူရှင်ထံမှ အသည်းနှလုံးကို ဆိုနီဂရေဟမ် တစ်ယောက် လက်ခံရရှိခဲ့သည်။ ဂရေဟမ်ကပင် ကော့တယ်၏ ကျန်ရစ်သူမုဆိုးမအား လက်ထက်ခဲ့သည်။ သို့သော် ပြီးခဲ့သောတစ်ပတ်က ဂရေဟမ်သည်လည်း သူ၏အလှူရှင်နည်းတူ မိမိကိုယ်ကို ကိစ္စတုံးသွားလေသည်။

အသက် ၆၉ နှစ်ရှိသူ မစ္စတာဂရေဟမ်အား ဂျော်ဂျီယာပြည်နယ်တွင်ရှိသော သူ၏နေအိမ်အတွင်း၌ နှစ်လုံးပြူးသေနတ်ဖြင့် လည်ချောင်းတည့်တည့်ကိုချိန်၍ ပစ်ထားသောဒဏ်ရာရကာ သေဆုံးနေကြောင်း ပုလိပ်အဖွဲ့ကပြောကြားခဲ့သည်။ သူ့သူငယ်ချင်းများ၏အဆိုအရ ဂရေဟမ့်တွင် မိမိကိုယ်ကို သတ်သေလောက်သည်အထိ စိတ်ဖိစီးမှုလက္ခဏာများ မရှိဟုဆိုသည်။

၁၉၉၅ခုနှစ်က ဂရေဟမ်၏ ကုသ၍မလွယ်တော့သော အသည်းနှလုံးရောဂါကြောင့် ဆရာဝန်က အသက် ၃၃နှစ်ရှိသူ ကော့လီ်၏ အသည်းနှလုံးဖြင့် အစားထိုးကာ အသက်ဆက်ရှင်စေခဲ့သည်။ ဂရေဟမ်က ကျေးဇူးတင်မဆုံးကြောင်းစာများကို ကော့လီ်၏ ကျန်ရစ်သူမိသားစုထံသို့ စာများအဆက်မပြတ်ရေးသားကာ ဆက်သွယ်ခဲ့သည်။ ၁၉၉၇ခုနှစ်က သူနှင့် သေဆုံးသွားသူကော့လီ၏ မိန်းမ ရှယ်ရို အသက် ၂၈နှစ်နှင့် တွေ့ဆုံခဲ့သည်။

“ကျွန်တော်သူမကို မြင်မြင်ချင်းပဲ နှစ်အကြာကြီးကတည်းကရင်းနှီးနေသူတစ်ယောက်လို့ ခံစားရတယ်” ၂၀၀၆ခုနှစ်က ဂရေဟမ်တစ်ယောက် သတင်းစာများသို့ ပြောကြားခဲ့သည်။ “ကျွန်တော့်မျက်လုံးတွေကို သူမဆီကနေဖယ်ခွာလို့မရနိုင်လောက်အောင်ပါပဲ” ..၃နှစ်ကြာသည့်နောက် သူတို့နှစ်ယောက်လက်ထပ်ခဲ့ကြသည်။

ယခုဂရေဟမ်တစ်ယောက် သေဆုံးကြောင်းသတင်းသည် လူများစွာကို ထိတ်လန့်စေခဲ့သည်။ သိပ္ပံပညာရှင်များက ၄င်းတို့တွင်ရှိသော အထောက်အထားများအရ အစားထိုးကုသမှု ၇၀ ကျော်လောက်တွင် ထိုကဲ့သို့ အလှူရှင်၏ ကောင်းကွက်ဆိုးကွက်များအလိုက် အလှူခံသူက လိုက်၍ ပြောင်းလဲသွားတတ်သည်ဟု ဆိုသည်။

၂၀၀၈ သင်္ကြန်တွင်နှုတ်ခွန်းဆက်ပါသည်။

ခုချိန်ဆို….အင်းယားလမ်းမှာလူတွေကြိတ်ကြိတ်တိုးနေတော့မည်။

ခုချိန်ဆို….သင်္ကြန်မင်းသား ဇော်ဝမ်း၏ တူးပို့သီချင်းသံတွေ မြေသင်းနံ့နှင့်အတူ လွင့်ပျံနေတော့မည်။

ခုချိန်ဆို….အင်းယားလမ်းနှင့် ပြည်လမ်းထောင့် ကတ္တရာလမ်းပေါ်တွင် မဏ္ဍပ်များမှစီးလာသောရေများက စမ်းချောင်းအသေးစားဖြစ်နေ၍ ကလေးများက ရေကူးနေကြတော့မည်။

ခုချိန်ဆို….မဏ္ဍပ်ပေါ်တွင် သူငယ်ချင်းများ ဒီဂျေ၏တီးလုံးများဖြင့် မြူးပျော်နေတော့မည်။

ခုချိန်ဆို….ပျိုပျိုအိုအို အရွယ်မရွေးလူမရွေး ယောက်ျားမိန်းမမရွေး အယုတ်အလတ်အမြတ်မရွေး အလှဆုံးကိုဝတ်၍ နေကာမျက်မှန်စွပ်ကာ မီးသက်ပိုက်ဒဏ်၊ ရေပြင်းသည့်ပိုက်မှ ထွက်လာသည့်ရေများကို အန်တုရင်း ရေပက်ခံနေရတော့မည်။

ခုချိန်ဆို….နေလောင်ခံသည့် အလှကုန် လူသုံးကုန်ကအစ စားသောက်စရာအဆုံး ဈေးကြီးနေ လိမ့်မည်။

ခုချိန်ဆို….ဘီယာဗူးခွံကောက်သော ရေသန့်ဗူးခွံကောက်သောကလေးများ ပီနံအိတ်အပြည့်ရကာ ကျောင်းမုန့်ဖိုးရတော့မည့်အတွက် ပီတိဖြစ်နေတော့မည်။

ခုချိန်ဆို….ကုသိုလ်ယူသည့်လူများကလည်း ယောဂီဝတ်စုံလေးများဖြင့် ဘုန်းကြီးကျောင်းတွင် ဥပုသ်သီလ ဆောက်တည်နေကြလိမ့်မည်။

ခုချိန်ဆို….ပိတောက်ရနံ့များက မနက်ခင်းတစ်ခုလုံးကို ဖုံးလွှမ်းနေလိမ့်မည်။

ပြီးခဲ့သည့်နှစ်တိုင်းက သင်္ကြန်ဆိုရင် ကျွန်တော်ရန်ကုန်မှာရှိသည်။

မနှစ်က….ဒီအချိန်ဆို ရွှဲရွှဲစိုနေပြီ…

မနှစ်က….ဘေးတွင် ငယ်ပေါင်းကြီးဖော်များရှိသည်။

မနှစ်က….မဏ္ဍပ်ပေါ်ကတီးလုံးများကြား ကျွန်တော်တို့အားလုံး ကွေးနေအောင် က နေကြသည်။ ရေပက်ခံသူများကလည်း မဏ္ဍပ်ရှေ့ရောက်သည်နှင့် အလှည့်ကြရင် မနွဲ့ကြစတမ်းဆိုပြီး ရေမှုန်ရေမွှားများအောက်တွင် သူထက်ငါမရော့စေရပဲ တတ်သလောက်မှတ်သလောက်ဖြင့် တီကောင်များအား ဆားနှင့်ပက်ထားသလို နွန့်နေသည်။

မနှစ်က….ဒီအချိန်ဆို မဏ္ဍပ်ပေါ်တွင် ရှက်တာကွဲသူကွဲ၍ လဲသူလဲနေပြီ။

မနှစ်က….အဆင်ပြေတာရှိသလို အဆင်မပြေသော အသေးအဖွဲများလည်းရှိသည်။

အခုတော့….ငါးရက်ကျသော ရှားရှားပါးပါးသင်္ကြန်တွင် နေနေကြ အခန်းကျဉ်းထဲတွင်ရှိသည်။ ရေမှုန်ရေမွှားများမရှိ။

အခုတော့….ခါတိုင်းကဲ့သို့ လုပ်နေကြ အလုပ်တစ်ခုရှိသည်။

အခုတော့….ခန္ဓာကိုယ်ထဲက သင်္ကြန်ပိုးများက ရွထလို့ သင်္ကြန်သီချင်းများဖွင့်ရင်း တစ်ယောက်တည်း ခိုးလိုးခုလုဖြင့် ယောင်ချာချာဖြစ်နေသည်။

အခုတော့….ကျွန်တော်လိုဘဝတူသူငယ်ချင်းများပေါင်းကာ ဘုန်းကြီးကျောင်းတွင်လုပ်သော သင်္ကြန်ကိုသွား၍ ရသေ့စိတ်ဖြေလုပ်နေရသည်။

အခုတော့….ရေပိုက်မှထွက်လာသောရေအစား ဘုန်းကြီးကျောင်းသင်္ကြန်တွင် ကလေးများပက်သောရေဖြင့် မစို့တစိုဖြစ်ရသည်။ သို့သော်လည်း ရေနှင့်ထိတော့ မြူးရသည်။

အခုတော့….မဏ္ဍပ်ပေါ်တွင်သောက်မည့်အစား လမ်းဘေးတွင် ဘဝတူသူငယ်ချင်းများဖြင့် တစ်ခွက်တစ်ဖလားချီးမြှင့်ရင်း သင်္ကြန်အကြောင်းကို စားမြုံပြန်နေရသည်။

ဘာပဲဖြစ်ဖြစ်သင်္ကြန်သည်လည်း အချိန်တန်ရင် ပြီးတော့လည်းပြီးသွားပေတော့မည်။ သို့သော် စိတ်ထဲတွင်တော့ ဒီနှစ်သည် ဘဝတစ်ကွေ့၏ သင်္ကြန်မကျရသော အမှတ်တရဖြစ်ရသည်။ နောက်နှစ်တွင်တော့ ပြန်နိုင်ပါစေကြောင်း…

နောင်နှစ်ခါလည်း ဆီးလို့ကြိုမည်…နောင်နှစ်လာပါမည်…လာပါမည်….

ဒီနှစ်လိုလည်း ဆီးလို့ကြိုမည်….နောင်နှစ်လာပါမည်….လာပါမည်….

သာယာစေကွယ်…သဒ္ဒါတွေကိုကွယ် ခွန်းဆိုလို့နေမယ်….

ပြန်ပါဦးမည်…ပြန်ဦးမည်…နှုတ်ခွန်းဆက်ပါသည်။